മുംബൈ: നിർണായക പ്ലേഒാഫ് മത്സരത്തിനിറങ്ങാനിരിക്കെ കോടിവിലയുള്ള ഒാൾറൗണ്ടർ ബെൻ സ്റ്റോക്സിനെ ഇംഗ്ലണ്ട് തിരിച്ചുവിളിച്ചത് പുണെ സൂപ്പർ ജയൻറ്സിന് തിരിച്ചടിയായി. ദക്ഷിണാഫ്രിക്കക്കെതിരായ ഏകദിന പരമ്പരക്കും ചാമ്പ്യൻസ് ട്രോഫിക്കുമുള്ള 15 അംഗ സംഘത്തിൽ ഇടംനേടിയ സ്റ്റോക്സിനോട് ഉടൻ ടീമിനൊപ്പം ചേരാൻ ആവശ്യപ്പെട്ടതോടെയാണ് 14.5 കോടി മുടക്കിയ താരത്തെ നിർണായക കളിയിൽ നഷ്ടമാകുന്നത്. മേയ് 24ന് ആരംഭിക്കുന്ന പരമ്പരക്കു മുമ്പായി ഇംഗ്ലണ്ട് ടീമിനൊപ്പം ചേരാനാണ് സ്റ്റോക്സിന് ലഭിച്ച നിർദേശം. മുംബൈ ഇന്ത്യൻസ് താരം ജോസ് ബട്ലറെയും തിരിച്ചുവിളിച്ചു. എന്നാൽ, അവസാന മൂന്നു മത്സരങ്ങളിലും ടീമിന് പുറത്തായിരുന്ന ബട്ലറുടെ അസാന്നിധ്യം മുംബൈക്ക് ക്ഷീണമാവില്ല. അതേസമയം, പ്ലേഒാഫ് മത്സരം നഷ്ടപ്പെടുത്തി താരത്തെ തിരക്കിട്ട് വിളിച്ചതിനെ കെവിൻ പീറ്റേഴ്സൻ വിമർശിച്ചു. െഎ.പി.എൽ ഫൈനൽ കളിക്കാനുള്ള അവസരം നഷ്ടമാക്കി, സ്പെയിനിൽ ബീർകുടിച്ച് രസിക്കാൻ വിളിപ്പിച്ചത് കഷ്ടമായിപ്പോയെന്നായിരുന്നു പീറ്റേഴ്സെൻറ ട്വീറ്റ്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.