കിങ്സ്റ്റൺ: കോവിഡ് 19 മൂലം കളിയില്ലാതെ വീട്ടിലിരിപ്പായ വെസ്റ്റിൻഡീസ് ക്രിക്കറ്റ് താരങ്ങൾക്ക് ജനുവരി മുതൽ പ്രതിഫലമില്ല. കോവിഡ് കാരണം സാമ്പത്തിക പ്രതിസന്ധി രൂക്ഷമായതിനെത്തുടർന്ന് വെസ്റ്റിൻഡീസ് ക്രിക്കറ്റ് ബോർഡ് അന്താരാഷ്ട്ര, ആഭ്യന്തര കളിക്കാർക്ക് ജനുവരി മുതൽ മാച്ച്ഫീ നൽകിയിട്ടില്ല.
ഇതോടൊപ്പം കരീബിയൻ താരങ്ങൾക്ക് ആശ്വാസമാകാറുള്ള ഇന്ത്യൻ പ്രീമിയർ ലീഗ് ഈ സീസണിൽ നടക്കുമോയെന്ന കാര്യം സംശയത്തിലായതും താരങ്ങളെ പ്രതിസന്ധിയിലാക്കുന്നു. ജനുവരിയിൽ അയർലൻഡിനെതിരെയും (മൂന്ന് വീതം ഏകദിനം, ട്വൻറി20) ഫെബ്രുവരി- മാർച്ച് മാസങ്ങളിലായി ശ്രീലങ്കക്കെതിരെയും (മൂന്ന് ഏകദിനം രണ്ട് ട്വൻറി20) നടന്ന പരമ്പരകളുടെ മാച്ച് ഫീ പോലും സീനിയർ ടീം കളിക്കാർക്ക് ലഭിച്ചിട്ടില്ല.
ഫെബ്രുവരിയിൽ ആസ്ട്രേലിയക്കെതിരെ കളിച്ച നാല് മത്സരങ്ങളുടെ മാച്ച് ഫീ വനിത ടീമിനും ലഭിക്കാനുണ്ട്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.