സെൻറ് കീറ്റ്സ് (വെസ്റ്റിൻഡീസ്): ബംഗ്ലാദേശിനെതിരായ ആദ്യ ട്വൻറി20യിൽ ആതിഥേയരായ വിൻഡീസിന് ജയം. മഴ കളിച്ച മത്സരത്തിൽ ഡെക്വർത്ത് ലൂയിസ് നിയമപ്രകാരം ഏഴുവിക്കറ്റിനാണ് ആതിഥേയരുടെ ജയം. ഇതോെട മൂന്ന് മത്സരങ്ങളടങ്ങിയ പരമ്പരയിൽ 1-0ത്തിന് വിൻഡീസ് മുന്നിലെത്തി.
ആദ്യം ബാറ്റുചെയ്ത ബംഗ്ലാദേശ് നിശ്ചിത ഒാവറിൽ ഒമ്പത് വിക്കറ്റ് നഷ്ടത്തിൽ 143 റൺസെടുത്തിരുന്നു. മറുപടി ബാറ്റിങ്ങിനിറങ്ങിയ വിൻഡീസ് ഒമ്പത് ഒാവറിൽ മൂന്നിന് 93 എന്ന നിലയിൽ എത്തിനിൽക്കവെ മഴെയത്തുകയായിരുന്നു. ഇതോടെ, മഴനിയമത്തിൽ ഏഴുവിക്കറ്റിന് ജയം ആതിഥേയർക്കായി.
ആന്ദ്രെ റസ്സൽ (35), റോവ്മൻ പവൽ (15) എന്നിവരായിരുന്നു ക്രീസിൽ. ആന്ദ്രെ ഫ്ലച്ചർ (7), എവിൻ ലൂയിസ് (2), മാർലോൻ സാമൂവൽ (26) എന്നിവരുടെ വിക്കറ്റാണ് വിൻഡീസിന് നഷ്ടമായത്. നേരത്തെ, ആദ്യം ബാറ്റു ചെയ്ത ബംഗ്ലാദേശിനായി മഹ്മൂദുല്ല (35), ലിൻറൺ ദാസ് (24) എന്നിവരാണ് കളിച്ചത്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.