േഫ്ലാറിഡ: അമേരിക്കൻ മണ്ണിൽ നടന്ന ട്വൻറി20 പരമ്പരയിൽ വിൻഡീസിനെതിരെ ബംഗ്ലാദേശിന് ജയം. മഴ മുടക്കിയ അവസാന മത്സരത്തിൽ വിൻഡീസിനെ 19 റൺസിന് തോൽപിച്ചാണ് ബംഗ്ലാദേശ് 2-1ന് പരമ്പര സ്വന്തമാക്കിയത്. ആദ്യ കളി വിൻഡീസും രണ്ടാമത്തേത് ബംഗ്ലാദേശും ജയിച്ചതോടെ നിർണായകമായ മൂന്നാം മത്സരത്തിൽ ബംഗ്ലാദേശ് ടോസ് നേടി ബാറ്റിങ്ങിനിറങ്ങി.
ഒാപണർ ലിറ്റൻ ദാസിെൻറ വെടിക്കെട്ട് മികവിൽ (32 പന്തിൽ 61) അഞ്ചു വിക്കറ്റ് നഷ്ടത്തിൽ അവർ 184 റൺസെടുത്തു. മറുപടി ബാറ്റിങ്ങിനിറങ്ങിയ വിൻഡീസ് തകർച്ചയോടെയാണ് തുടങ്ങിയത്. എന്നാൽ, മധ്യനിരയിൽ 21 പന്തിൽ ആറ് സിക്സുമായി 47 റൺസെടുത്ത ആന്ദ്രെ റസൽ വിജയപ്രതീക്ഷ സമ്മാനിച്ചെങ്കിലും മഴ രസംകൊല്ലിയായി.
17.1 ഒാവറിൽ ഏഴിന് 135ൽ എത്തിനിൽക്കെ കളി മുടങ്ങിയതോടെ ഡക്വർത്ത് ലൂയിസ് പ്രകാരം ബംഗ്ലാദേശിനെ 19 റൺസിന് വിജയികളായി പ്രഖ്യാപിച്ചു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.