ഗുവാഹതി: ഐ.എസ്.എല്‍ ലീഗ് റൗണ്ടിലെ അവസാന മത്സരവും ജയിച്ച് നോര്‍ത് ഈസ്റ്റ് യുനൈറ്റഡ് സെമി പ്രതീക്ഷയുമായി കാത്തിരിപ്പില്‍. സ്വന്തം കാണികള്‍ക്ക് മുന്നില്‍ നടന്ന മത്സരത്തില്‍ പുണെ സിറ്റിയെ 3-2 ന് തോല്‍പ്പിച്ചാണ് സെമി സാധ്യത സജീവമാക്കിയത്. അതേസമയം, പുണെ പുറത്തായി. 14 മത്സരങ്ങളില്‍നിന്ന് 20 പോയന്‍റുമായി നാലാമതാണ് നോര്‍ത് ഈസ്റ്റ്. അഞ്ചിന് നടക്കാനിരിക്കുന്ന പുണെ സിറ്റി-ചെന്നൈയിന് മത്സരത്തിനെ ആശ്രയിച്ചായി ഇനി രണ്ടു ടീമുകളുടെ ഭാവി. 13 മത്സരങ്ങളില്‍നിന്ന് 19 പോയന്‍റുമായി ചെന്നൈയിന് അഞ്ചാമതുണ്ട്. ജയിച്ചാലോ സമനിലയായാലോ ചെന്നൈയിന് ശേഷിച്ച ഒരു സെമിബര്‍ത്ത് സ്വന്തമാക്കും. ചെന്നൈയിന് തോല്‍വിയാണെങ്കില്‍ നോര്‍ത് ഈസ്റ്റ് അവസാന നാലിലത്തെും.
നാലാം മിനിറ്റില്‍ നികോളസ് വെലസ് തുടങ്ങിയ ഗോള്‍വേട്ട ഡിയോമാന്‍സി കമാറ (18’), ബൈകെ അമൗഗൗ (43’) എന്നിവര്‍ പൂര്‍ത്തിയാക്കി. പുണെക്കുവേണ്ടി ജെയിംസ് ബെയ്ലിയും അഡ്രിയാന്‍ മുട്ടുവും സ്കോര്‍ ചെയ്തു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.