ബുകാറമാങ്ക (കൊളംബിയ): ലാറ്റിനമേരിക്കൻ ഫുട്ബാളിലെ വമ്പന്മാരായ അർജൻറീനയും ബ്ര സീലും ടോക്യോ ഒളിമ്പിക്സിന്. യോഗ്യത റൗണ്ടിൽ അർജൻറീന ഒന്നും ബ്രസീൽ രണ്ടും സ്ഥാനക്കാരായാണ് ജപ്പാനിലേക്ക് ടിക്കറ്റുറപ്പിച്ചത്. നിലവിലെ ഒളിമ്പിക്സ് ചാമ്പ്യന്മാരായ ബ്രസീൽ അവസാന മത്സരത്തിൽ അർജൻറീനയെ 3-0ത്തിന് തകർത്താണ് യോഗ്യത ഉറപ്പിച്ചത്. ആദ്യ രണ്ടു കളിയും ജയിച്ച അർജൻറീന അനായാസം യോഗ്യത നേടിയിരുന്നു.
കൊളംബിയയിൽ നടന്ന പ്രീ ഒളിമ്പിക്സ് റൗണ്ടിൽ ഉറുഗ്വായ്യും ആതിഥേയരും യോഗ്യത നേടാതെ പുറത്തായി. ജയം അനിവാര്യമായ മത്സരത്തിൽ ബ്രസീലിനായി മാത്യു കുൻഹ രണ്ടും പൗളീന്യോ ഒരു ഗോളും നേടി. ബ്രസീലിെൻറ ജയത്തോടെ ഉറുഗ്വായ്യുടെ പ്രതീക്ഷകളാണ് തകർന്നത്.
നാലു ടീമുകൾ മാറ്റുരച്ച ഫൈനൽ റൗണ്ടിൽ ആദ്യ മത്സരങ്ങളിൽ അർജൻറീന ഉറുഗ്വായ് (3-2), കൊളംബിയ (2-1) ടീമുകളെ തോൽപിച്ചു. ബ്രസീൽ കൊളംബിയ (1-1), ഉറുഗ്വായ് (1-1) ടീമുകളോട് സമനിലയും വഴങ്ങി.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.