കോബ്, ജപ്പാന്‍: ബുധനാഴ്ച തുടങ്ങിയ ഇന്ത്യന്‍ പ്രീമിയര്‍ ടെന്നിസ് ലീഗില്‍(ഐ.പി.ടി.എല്‍) നിന്ന് ലോക ഒന്നാം നമ്പര്‍ താരം നൊവാക് ദ്യോകോവിച് പിന്മാറി. മത്സരങ്ങളുടെ ആധിക്യം കാരണമുണ്ടായ ക്ഷീണംമൂലമാണ് സിംഗപ്പുര്‍ സ്ളാമേഴ്സിന്‍െറ താരമായ ദ്യോകോവിച് പിന്മാറിയത്. ഒന്നാം സീസണില്‍ യു.എ.ഇ റോയല്‍സിന്‍െറ താരമായിരുന്നു ദ്യോകോവിച്. ഈ വര്‍ഷവും കളിക്കാന്‍ ആഗ്രഹിച്ചെങ്കിലും സാധ്യമാകാത്ത നിലയിലാണെന്ന് ദ്യോകോവിച് പറഞ്ഞു. അടുത്ത വര്‍ഷം തിരികെയത്തെുമെന്നും താരം പറഞ്ഞു. ദ്യോകോവിചിന് പകരം ആന്‍ഡി മറെയെയും സ്റ്റാനിസ്ളാവ് വാവ്റിങ്കയെയും ടീമില്‍ ഉള്‍പ്പെടുത്തി.ഐ.പി.ടി.എല്ലില്‍ മറെക്ക് ഇത് രണ്ടാം സീസണാണ്. വാവ്റിങ്കക്ക് അരങ്ങേറ്റവും.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.