ന്യൂഡല്‍ഹി: ഡേവിസ് കപ്പ് ഏഷ്യ-ഓഷ്യാനിയ ഗ്രൂപ് ഒന്നിനുള്ള ഇന്ത്യന്‍ ടീമിന്‍െറ നോണ്‍ പ്ളെയിങ് ക്യാപ്റ്റനായി മഹേഷ് ഭൂപതി. ദീര്‍ഘകാലമായി ഈ പദവി വഹിച്ച ആനന്ദ് അമൃത്രാജിനെ ഒഴിവാക്കിയാണ് മുന്‍ ഗ്രാന്‍ഡ്സ്ളാം ജേതാവ് കൂടിയായ ഭൂപതിയെ നിയമിക്കുന്നത്. ഫെബ്രുവരി മൂന്നു മുതല്‍ അഞ്ചുവരെ ന്യൂസിലന്‍ഡിനെതിരെ പുണെയിലാണ് ഇന്ത്യയുടെ മത്സരങ്ങള്‍. സ്ഥാനമൊഴിയുന്ന അമൃത്രാജിന് മികച്ച യാത്രയയപ്പൊരുക്കിയാവും ഭൂപതി പുതിയ ക്യാപ്റ്റനാവുകയെന്ന് അഖിലേന്ത്യാ ടെന്നിസ് അസോസിയേഷന്‍ (എ.ഐ.ടി.എ) സെക്രട്ടറി ജനറല്‍ ഹിരണ്‍മോയ് ചാറ്റര്‍ജി അറിയിച്ചു. എല്ലാവര്‍ക്കും അവസരം ലഭിക്കണമെന്നതിനാലാണ് ക്യാപ്റ്റനെ മാറ്റുന്നതെന്ന് അദ്ദേഹം പ്രതികരിച്ചു. ‘ഭൂപതിയോട് സംസാരിച്ചു. പദവി ഏറ്റെടുക്കാന്‍ അദ്ദേഹം സന്നദ്ധത അറിയിച്ചിട്ടുണ്ട്’ -ചാറ്റര്‍ജി പറഞ്ഞു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.