പാരിസ്: ഇടവേളക്കുശേഷം കോർട്ടിൽ തിരിച്ചെത്തിയവരുടെ പോരാട്ടമാവുമോ ഫ്രഞ്ച് ഒാപൺ വനിതാ സിംഗ്ൾസ് പ്രീക്വാർട്ടർ. ആരാധകരുടെ കാത്തിരിപ്പുപോലെ മരിയ ഷറപോവ അനായാസ ജയത്തോടെ പ്രീക്വാർട്ടറിലെത്തി. ചെക്ക് റിപ്പബ്ലിക്കിെൻറ ആറാം സീഡ് താരം കരോലിന പ്ലിസ്കോവയെ നേരിട്ടുള്ള സെറ്റിന് വീഴ്ത്തിയാണ് ഷറപോവയുടെ ജൈത്രയാത്ര. സ്കോർ 6-2, 6-1. ജർമനിയുടെ ജൂലിയ ജോർജസിനെ മൂന്നാം റൗണ്ടിൽ നേരിടുന്ന സെറീന ജയിച്ചാൽ പ്രീക്വാർട്ടർ തിരിച്ചുവരവുകാരുടെ പോരാട്ടമായിമാറും.
പുരുഷ സിംഗ്ൾസിൽ ഒന്നാം സീഡായ റഫേൽ നദാലും അനായാസ ജയത്തോടെ പ്രീക്വാർട്ടറിലെത്തി. ഫ്രഞ്ചുതാരം റിച്ചാർഡ് ഗാസ്ക്വറ്റിനെ 6-3, 6-2, 6-2 സ്കോറിനാണ് വീഴ്ത്തിയത്. ബെൽജിയത്തിെൻറ ഡേവിഡ് ഗോഫിൻ, മരിൻ സിലിച്, കെയ്ൽ ആൻഡേഴ്സൻ എന്നിവരും പ്രീക്വാർട്ടറിൽ കടന്നു. വനിത സിംഗ്ൾസിൽ സാമന്ത സ്റ്റോസറെ തോൽപിച്ച് ഗർബിൻ മുഗുരുസ മുന്നേറിയപ്പോൾ, എട്ടാം സീഡ് പെട്ര ക്വിറ്റോവ പുറത്തായി. ഒന്നാം സീഡ് സിമോണ ഹാലെപ്, യു.എസ് ഒാപൺ ജേതാവ് സൊലെയ്ൻ സ്റ്റീഫൻ എന്നിവരും പ്രീക്വാർട്ടറിലെത്തി. പുരുഷ ഡബ്ൾസിൽ രോഹൻ ബൊപ്പണ്ണ-വസ്ലിൻ റോജർ കൂട്ട് പ്രീക്വാർട്ടറിലെത്തി.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.