മെൽബൺ: ആസ്ട്രേലിയൻ ഒാപൺ ടെന്നിസിൽ സൂപ്പർതാരം റാേഫൽ നദാൽ തകർപ്പൻ ജയത്തോടെ മുന്നോട്ട്. അമേരിക്കയുടെ മൈക്കൽ മോഹിനെ 6-1, 6-4, 6-2 സ്കോറുകൾക്ക് തോൽപിച്ചാണ് സ്പാനിഷ് താരത്തി‍െൻറ കുതിപ്പ്. അതേസമയം, വനിതാ വിഭാഗത്തിൽ നിലവിലെ ചാമ്പ്യൻ സോഫിയ കെനിൻ പുറത്തായി. രണ്ടാം റൗണ്ടിൽ കായ കനേപിയാണ് നിലവിലെ ചാമ്പ്യനെ തോൽപിച്ചത്. നേരിട്ടുള്ള സെറ്റുകൾക്കായിരുന്നു നാലാം സീഡായ സോഫിയയുടെ തോൽവി. 64 മിനിറ്റ് നീണ്ട പോരാട്ടത്തിൽ 6-3, 6-2 എന്ന സ്കോറിനായിരുന്നു കനേപിയുടെ ജയം. മറ്റു മത്സരങ്ങളിൽ ഒന്നാം സീഡ് ആഷ്‍ലി ബാർട്ടിയും കരോളിന പ്ലിസ്കോവയും മൂന്നാം റൗണ്ടിൽ കടന്നു. ബാർട്ടി 7-6, 6-1ന് ഡാരിയ ഗാവ്രിലോവയെയും പ്ലിസ്കോവ 7-5, 6-2 എന്ന സ്കോറിന് ഡാനിയേലെ കോളിൻസിനെയും തോൽപിച്ചു.
പുരുഷ സിംഗിൾസ് മറ്റു മത്സരങ്ങളിൽ അഞ്ചാം സീഡ് സ്റ്റെഫാനോസ് സിറ്റ്സിപാസ് മൂന്നാം റൗണ്ടിൽ കടന്നു. അഞ്ച് സെറ്റ് നീണ്ട പോരാട്ടത്തിൽ സിറ്റ്സിപാസ് തനാസി കോക്കിനാക്കിസിനെ തോൽപിച്ചു. സ്കോർ 6-7 , 6-4, 6-1, 6-7, 6-4.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.