വെട്ടിപ്പിടിക്കാൻ വൺപ്ലസ്​ ആറാമൻ

മുൻനിര ഫോണുകൾക്കൊപ്പമോ അതിലേറെയോ സവിശേഷതകളും പകുതി വിലയും. ഇതാണ്​ വൺപ്ലസി​​െൻറ വിജയതന്ത്രം. അതുകൊണ്ടെന്താ, ആപ്പിളിനും സാംസങ്ങിനും പിടികൊടുക്കാത്തവരെ കൈയിലെടുക്കാൻ ഇൗ ചൈനീസ്​ കമ്പനിക്കായി. വൺപ്ലസ്​ ആറാമനുമായി വീണ്ടും അതേ തന്ത്രം പൊടിതട്ടിയെടുക്കുകയാണ്​ കമ്പനി. പോറലും പൊട്ടലുമില്ലാത്ത കോർണിങ്​ ഗൊറില്ല ഗ്ലാസ്​ 5 സംരക്ഷണം, അതിവേഗത്തിൽ ആപ്പുകൾ തുറക്കുന്ന യു.എഫ്​.എസ്​ 2.1 ഇ​േൻറണൽ മെമ്മറി, ഏറ്റവും പുതിയ 2.8 ജിഗാ​ഹെർട്​സ്​ എട്ടുകോർ ക്വാൽകോം സ്​നാപ്​ഡ്രാഗൺ 845 പ്രോസസർ, അരിക്​ കുറഞ്ഞ ഡിസ്​പ്ലേ എന്നിവയാണ്​ പറയത്തക്ക പ്രത്യേകതകൾ. മുൻ കാമറക്കൊപ്പമുള്ള ഫേസ്​ അൺലോക്ക്​ സെൻസർ വഴി ഫോൺ തുറക്കാൻ 0.4 ​െസക്കൻഡിൽ താഴെ മതി. നനയാത്ത രൂപകൽപനയാണ്​. 

ഇരട്ട നാനോ സിം, ആൻഡ്രോയിഡ്​ 8.1 ഒാറിയോ അധിഷ്​ഠിത ഒാക്​സിജൻ ഒ.എസ്​ 5.1, 1080x2280 പിക്​സൽ ഫുൾ എച്ച്​.ഡി പ്ലസ്​ 6.28 ഇഞ്ച്​ ഫുൾ ഒപ്​റ്റിക്​ അമോലെഡ്​ ഡിസ്​പ്ലേ, 19:9 അനുപാതത്തിലുള്ള സ്​ക്രീൻ, ആറ്​ അല്ലെങ്കിൽ എട്ട്​ ജി.ബി റാം, അഡ്രീനോ 630 ഗ്രാഫിക്​സ്​, ഇരട്ട എൽ.ഇ.ഡി ഫ്ലാഷ്​ മൊഡ്യൂളുള്ള 16 മെഗാപിക്​സലി​​െൻറയും 20 മെഗാപിക്​സലി​​െൻറയും രണ്ട്​ കാമറകൾ പിന്നിൽ, തനിയെ സെറ്റിങ്​സ്​ ക്രമീകരിക്കുന്ന എച്ച്.​ഡി.ആറും  f/1.7 അപർച്ചറുമുള്ള സോണി സെൻസറാണ്​ പിന്നിൽ,  f/2.0 അപർച്ചറും ഇലക്​ട്രോണിക്​ ഇമേജ്​ സ്​റ്റെബിലൈസേഷനും പോർട്രെയിറ്റ്​ മോഡുമുള്ള 16 മെഗാപിക്​സൽ സോണി മുൻ കാമറ,  0.2 സെക്കൻഡിൽ തുറക്കുന്ന വിരലടയാള സെൻസർ പിന്നിൽ, വർധിപ്പിക്കാനാവാത്ത 64 ജി.ബി^128 ജി.ബി^256 ജി.ബി ഇ​േൻറണൽ മെമ്മറി പതിപ്പുകൾ, ഫോർജി വി.ഒ.എൽ.ടി.ഇ, ഇരട്ട ബാൻഡ്​ വൈഫൈ ബ്ലൂടൂത്ത്​ 5.0, എൻ.എഫ്​.സി, എ^ജി.പി.എസ്​, യു.എസ്​.ബി ​ൈടപ്​ സി പോർട്ട്​, 3.5 എം.എം ഹെഡ്​ഫോൺ ജാക്​, അതിവേഗ ചാർജിങ്ങുള്ള 3300 എം.എ.എച്ച്​ ബാറ്ററി, 177 ഗ്രാം ഭാരം എന്നിവയാണ്​ മറ്റു​ സവിശേഷതകൾ. 

ആമസോൺ ഇന്ത്യ, വൺപ്ലസ്​ സ്​റ്റോർ എന്നീ ഒാൺ​ൈലൻ കടകൾക്കൊപ്പം സാദാ കടകളിലും മേയ്​ 21 മുതൽ  ലഭിക്കും. മിഡ്​നൈറ്റ്​ ബ്ലാക്​, മിറർ ബ്ലാക്​, സിൽക്​ വൈറ്റ്​ നിറങ്ങളിലാണ്​ ലഭ്യം. ആറ്​ ജി.ബി റാം ^ 64 ജി.ബി മെമ്മറി പതിപ്പിന്​ 34,999 രൂപയും എട്ട്​ ജി.ബി റാം ^ 128 ജി.ബിക്ക്​​ 39,999 രൂപയും എട്ട്​ ജി.ബി റാം^ 256 ജി.ബി മെമ്മറി പതിപ്പിന്​ 44,999 രൂപയുമാണ്​ ഇന്ത്യയിൽ വില.