ഗൂഗ്​ൾ പിക്​സൽ പ്രേമികൾക്ക്​ സന്തോഷ വാർത്ത; കിടിലൻ ഫീച്ചറുകളുമായി പിക്​സൽ 5എ വരുന്നു

ഗൂഗ്​ൾ പിക്​സൽ 4എയുടെ വൻ വിജയത്തിന്​ പിന്നാലെ, ആൻഡ്രോയ്​ഡ്​ ലോകത്തുള്ളവർ ഏറെ ആവേശത്തോടെ കാത്തിരിക്കുന്ന ​സ്​മാർട്ട്​ഫോണാണ്​ പിക്​സൽ 5എ. വലിയ ഫോണുകൾ വിപണി കീഴടക്കുന്ന കാലത്ത്​ ആറിഞ്ചിലും താഴെ മാത്രം ഡിസ്​പ്ലേ വലിപ്പവുമായി എത്തി, ആ കാരണം കൊണ്ട്​ മാത്രം വലിയ വിൽപ്പന​ നേടിയ ഫോണാണ്​ പിക്​സൽ 4എ എന്ന്​ വേണമെങ്കിൽ പറയാം.

വില 30000 രൂപയ്​ക്കടുത്താണെങ്കിലും ഇപ്പോൾ മാർക്കറ്റിൽ 15000 രൂപയ്​ക്ക്​ ലഭിക്കുന്ന ഫോണുകളിൽ ലഭ്യമായിട്ടുള്ള പ്രൊസസറായ സ്​നാപ്​ഡ്രാഗൺ 730 ജിയാണ്​​ പിക്​സൽ 4എക്ക്​ കരുത്ത്​ പകരുന്നത്​​. എന്നാൽ, ആളുകൾ അതൊന്നും കാര്യമാക്കാതെ ഫോൺ വാങ്ങിക്കൂട്ടിയതിന്​ പിന്നിൽ കാരണങ്ങൾ പലതാണ്​. അതിലൊന്ന്​ പിക്​സൽ ഫോണുകൾക്ക്​ മാത്രമായി ഗൂഗ്​ൾ നൽകുന്ന സൂപ്പർ ക്ലീൻ യൂസർ ഇൻറർഫേസാണ്​. മറ്റൊന്ന്​ ഏത്​ വമ്പൻ ബ്രാൻഡുകളെയും വെല്ലുവിളിക്കുന്ന കാമറ പ്രകടനം. ഒറ്റ കാമറയുമായി എത്തിയ പിക്​സൽ 4എ നിലവിൽ 40000 രൂപയ്​ക്ക്​ താഴെയുള്ള പല സ്​മാർട്ട്​ഫോണുകളിലെയും കാമറയുടെ കാര്യത്തിൽ കടത്തിവെട്ടാൻ പോന്നതാണ്​. ഫോണി​െൻറ ഡിസൈനും വലിപ്പവുമാണ്​ മൂന്നാമത്തെ കാരണം. 

ഇൗ വർഷം ഗൂഗ്​ൾ, അവരുടെ മിഡ്​റേഞ്ച്​ കാറ്റഗറിയിലേക്ക്​ പിക്​സൽ 5എ എന്ന മോഡലായിരിക്കും ലോഞ്ച്​ ചെയ്യുക. പിക്​സൽ 5എയുടെ സവിശേഷതകൾ പലതും ഇപ്പോൾ പുറത്തായിട്ടുണ്ട്​. ഒാൺലീക്​സ്​ പുറത്തുവിട്ട റിപ്പോർട്ട്​ പ്രകാരം 4എയിൽ പറയപ്പെട്ട ചില പോരായ്​മകൾ പരിഹരിച്ചുകൊണ്ടാണ്​ പിക്​സൽ 5എ, എന്ന മോഡൽ ഗൂഗ്​ൾ ലോഞ്ച്​ ചെയ്യുന്നത്​.

4എ​ പോലെ തന്നെ മികച്ച ക്വാളിറ്റിയുള്ള പ്ലാസ്റ്റിക്​ മെറ്റീരിയൽ ഉപയോഗിച്ചുള്ള നിർമിതിയായിരിക്കും 5എക്കും. പ്രധാനമായും വില കുറക്കാനാണ്​ ഗൂഗ്​ൾ പിക്​സൽ സീരീസിലെ മിഡ്​റേഞ്ചുകളിൽ പ്ലാസ്റ്റിക് ഉപയോഗിക്കുന്നത്​. ഇത്​ ഒരു പോരായ്​മയായി തോന്നാമെങ്കിലും ഫോണി​െൻറ ഇൻ-ഹാൻഡ്​ ഫീൽ അനുഭവിച്ചവർ പറയുന്നത്​ അതൊരു ഗുണമാണെന്നാണ്​. പിറകിൽ ഇരട്ട കാമറകളായിരിക്കും ഉണ്ടാവുക. 4എയിൽ ഇല്ലാതിരുന്ന അൾട്രാവൈഡ്​ ​സെൻസർ 5എയിൽ നൽകിയേക്കും. ഫിംഗർപ്രിൻറ്​ സ്​കാനർ പതിവുപോലെ പിറകിലായിരിക്കും.

പഞ്ച്​ ഹോൾ ഡിസ്​പ്ലേയുള്ള ഫോണിൽ​ സ്​റ്റീരിയോ സ്​പീക്കർ സംവിധാനം, 3.5 എംഎം ഒാഡിയോ ജാക്ക്​ എന്നിവ ഇത്തവണയും നൽകിയിട്ടുണ്ട്​. 4എയേക്കാൾ നേർത്ത ബെസലുകളും ചെറിയ ​പഞ്ച്​ഹോളുമായി എത്തുന്ന ഫോണിന്​ 6.2 ഇഞ്ച്​ ഡിസ്​പ്ലേ വലിപ്പമായിരിക്കും ഉണ്ടാവുക. ഫുൾ എച്ച്​.ഡി ഒാലെഡ്​ ഡിസ്​പ്ലേയ്​ക്ക്​ 90Hz ഹൈ റിഫ്രഷ്​ റേറ്റി​െൻറ പിന്തുണയുമുണ്ട്​.

ഫോണിന്​ കരുത്ത്​ പകരുന്നത്​ സ്​നാപ്​ഡ്രാഗണി​െൻറ മിഡ്​റേഞ്ച്​ 5ജി ചിപ്​സെറ്റായ 765G ആയിരിക്കും. 12.2 മെഗാപിക്​സലുള്ള പ്രൈമറി സെൻസറും 16-മെഗാപിക്​സലുള്ള ഒരു അൾട്രാവൈഡ്​ സെൻറുമാണ്​ പിൻ കാമറ വിശേഷങ്ങൾ. 3840mAh ഉള്ള ബാറ്ററിയും ഫാസ്റ്റ്​ ചാർജിങ്​ പിന്തുണയും 5എക്കുണ്ടായിരിക്കും. 

പിക്​സൽ 5എ ആഗസ്ത്​ മാസം ലോഞ്ച്​ ചെയ്യുമെന്നാണ്​ പ്രതീക്ഷിക്കുന്നത്​. 32,000 രൂപമുതലായിരിക്കും ഫോണിന്​ വിലയെന്നും ടെക്​ വിദഗ്​ധർ ചൂണ്ടിക്കാട്ടുന്നു.