സാംസങ് ഗാലക്സി എസ് 9, എസ് 9 പ്ലസ് ഫോണുകളുടെ കൂടുതൽ വിവരങ്ങൾ പുറത്ത്. ബാഴ്സിലോണയിൽ നടക്കുന്ന മൊബൈൽ വേൾഡ് കോൺഗ്രസിൽ ഫോണുകളുടെ ലോഞ്ചിങ്ങിന് മുന്നോടിയായാണ് കൂടുതൽ വിവരങ്ങൾ പുറത്ത് വന്നത്. ഫോണിെൻറ വിലയുൾപ്പടെയുള്ള കാര്യങ്ങളാണ് ടെക് സൈറ്റുകളിലുടെ പുറത്ത് വന്നിരിക്കുന്നത്.
ഗാലക്സി എസ് 9 32 ജി.ബി വകഭേദത്തിന് യു.കെ വിപണിയിൽ ഏകദേശം 66,000 രൂപ വില വരുമെന്നാണ് പ്രതീക്ഷിക്കുന്നത്. 64 ജി.ബി മോഡലിന് 72,600 രൂപയും പ്രതീക്ഷിക്കാം. എസ് 9 പ്ലസിന് ഏകദേശം 80,900 രൂപയായിരിക്കും വില.
5.8 ഇഞ്ചിെൻറ സൂപ്പർ അമലോഡ് ഡിസ്പ്ലേയായിരിക്കും എസ് 9ന് ഉണ്ടാവുക. 6.22 ഇഞ്ചായിരിക്കും എസ് 9 പ്ലസിെൻറ ഡിസ്പ്ലേ സൈസ്. 12 മെഗാപിക്സലിെൻറ സിംഗിൾ കാമറയായിരിക്കും എസ് 9ന് ഉണ്ടാവുക. പ്ലസിന് 12 മെഗാപിക്സലിെൻറ ഇരട്ട കാമറയും ഉണ്ടാവും. ഇരുഫോണുകൾക്കും എട്ട് മെഗാപിക്സലിെൻറ മുൻ കാമറയായിരിക്കും ഉണ്ടാവുക. എസ് 9ന് നാല് ജി.ബി റാമും എസ് 9 പ്ലസിന് ആറ് ജി.ബി റാമുമാണ് നൽകിയിരിക്കുന്നത്. സ്നാപ്ഡ്രാഗൺ അല്ലെങ്കിൽ എക്സിനോസ് ആയിരിക്കും പ്രൊസസർ. ഇരു ഫോണുകൾക്കും യഥാക്രമം 3,000 എം.എ.എച്ച്, 3,500 എം.എ.എച്ച് ബാറ്ററിയുമാണ് ഉണ്ടാവുക.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.