കൊൽക്കത്ത: കൊൽക്കത്തയിലെ ആർ.ജി കാർ മെഡിക്കൽ കോളജ് ആശുപത്രിയിലെ ശ്രദ്ധിക്കപ്പെടാത്ത നിലയിൽ കണ്ട ബാഗ് പരിഭ്രാന്തി സൃഷ്ടിച്ചു. തുടർന്ന് ബോംബ് നിർവീര്യ സ്ക്വാഡ് സംഭവസ്ഥലത്തെത്തി. സ്ക്വാഡ് പൊലീസ് നായയെ ഉപയോഗിച്ച് പരിശോധന നടത്തി വരികയാണ്. മെഡിക്കൽ കോളജിൽ വനിതാ ഡോക്ടറെ ബലാൽസംഗം ചെയ്ത് കൊലപ്പെടുത്തിയ സംഭവത്തിൽ ആഗസ്റ്റ് 9 മുതൽ ജൂനിയർ ഡോക്ടർമാരുടെ സമരം നടക്കുന്നതിനിടെയാണിത്. നിലവിൽ ജൂനിയർ ഡോക്ടർമാർമാർ സാൾട്ട് ലേക്കിലെ സ്വാസ്ഥ്യഭവന് പുറത്തേക്ക് സമരം മാറ്റിയതിനാൽ മെഡിക്കൽ കോളജിലെ ഈ സ്ഥലം ഒഴിഞ്ഞുകിടക്കുകയാണ്. കുറ്റകൃത്യവുമായി ബന്ധപ്പെട്ട ഒരു തെളിവും ഇതുവരെ കണ്ടെടുത്തിട്ടില്ലെന്ന് പൊലീസ് വൃത്തങ്ങൾ പറഞ്ഞു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.