ഒരു ദേശത്തിന്‍റെ തലവര മാറ്റിയ ‘കുത്തിയതോട്’

തു​റ​വൂ​ർ: നാ​ടി​ന് അ​ഴ​കു​മാ​ത്ര​മ​ല്ല, കാ​ർ​ഷി-​വാ​ണി​ജ്യ-​സാ​മ്പ​ത്തി​ക വ​ള​ർ​ച്ച​കൂ​ടി ന​ൽ​കി​യ​താ​ണ്​ ഈ ​തോ​ട്. ജി​ല്ല​യി​ലെ ചേ​ർ​ത്ത​ല താ​ലൂ​ക്കി​ലെ പ​ട്ട​ണ​ക്കാ​ട് ബ്ലോ​ക്ക് പ​രി​ധി​യി​ൽ​പെ​ട്ട ഗ്രാ​മ​പ​ഞ്ചാ​യ​ത്താ​ണ് കു​ത്തി​യ​തോ​ട്. തു​റ​വൂ​ർ വ​ട​ക്ക് എ​ന്ന​റി​യ​പ്പെ​ട്ടി​രു​ന്ന ഈ ​ഗ്രാ​മം കു​ത്തി​യ​തോ​ട് ആ​യ​തി​ന്റെ പി​ന്നി​ലൊ​രു ച​രി​ത്ര​മു​ണ്ട്.

തി​രു​വ​ന​ന്ത​പു​രം, കൊ​ല്ലം, കോ​ട്ട​യം, വൈ​ക്കം എ​ന്നി​വി​ട​ങ്ങ​ളി​ൽ​നി​ന്ന് ച​ര​ക്കു​ക​യ​റ്റി​യ വ​ലി​യ​കേ​വ് വ​ള്ള​ങ്ങ​ൾ ക​ട​ന്നു​പോ​യി​രു​ന്ന​ത് വേ​മ്പ​നാ​ട്ടു​കാ​യ​ലി​ന്‍റെ കൈ​വ​ഴി​യാ​യ ഉ​ള​വ​യ്പ് കാ​യ​ലി​ലൂ​ടെ​യാ​യി​രു​ന്നു. ഉ​ള​വ​യ്പി​ൽ​നി​ന്ന് വ​ട​ക്കോ​ട്ടു​ള്ള യാ​ത്ര​യി​ൽ സ്ഥി​ര​മാ​യു​ണ്ടാ​കു​ന്ന കാ​റ്റും കോ​ളും വ​ള്ള​ങ്ങ​ൾ​ക്ക് ഭീ​ഷ​ണി​യാ​യി​രു​ന്നു. ഇ​തു​മൂ​ലം കൊ​ച്ചി​യി​ലെ​ത്താ​ൻ താ​മ​സ​വും നേ​രി​ട്ടു. ഇ​ത് വ്യാ​പാ​ര​ത്തെ ബാ​ധി​ക്കു​മെ​ന്ന ഘ​ട്ട​ത്തി​ലാ​ണ് മ​റ്റൊ​രു ജ​ല​മാ​ർ​ഗ​ത്തെ​ക്കു​റി​ച്ച് ഭ​ര​ണ​ക​ർ​ത്താ​ക്ക​ൾ ചി​ന്തി​ച്ച​ത്. കൈ​ത​പ്പു​ഴ കാ​യ​ലി​ന്‍റെ കൈ​വ​ഴി പ​ടി​ഞ്ഞാ​റ​ൻ മേ​ഖ​ല​യി​ലൂ​ടെ ക​ട​ന്നു​പോ​കു​ന്ന​താ​യി തി​രി​ച്ച​റി​ഞ്ഞ്, കാ​യ​ലു​ക​ളെ ബ​ന്ധി​പ്പി​ക്കു​ന്ന വ​ലി​യ​തോ​ട് കു​ഴി​ക്കാ​ൻ തീ​രു​മാ​നി​ച്ചു. കി​ഴ​ക്കു​പ​ടി​ഞ്ഞാ​റാ​യി വേ​മ്പ​നാ​ട്ടു​കാ​യ​ലി​നെ​യും ത​ഴു​പ്പ് കാ​യ​ലി​നെ​യും ബ​ന്ധി​പ്പി​ച്ചു​കൊ​ണ്ട് ജോ​ലി​ക്ക് കൂ​ലി​യാ​യി ഭ​ക്ഷ​ണം കൊ​ടു​ത്തു​കൊ​ണ്ട് രാ​ജ​ഭ​ര​ണ കാ​ല​ത്ത് ‘കു​ത്തി​യ’ തോ​ടാ​ണ് കു​ത്തി​യ​തോ​ട്.

തോ​ടി​ന്റെ വ​ര​വോ​ടെ തു​റ​വൂ​ർ വ​ട​ക്ക് എ​ന്ന് അ​തു​വ​രെ അ​റി​യ​പ്പെ​ട്ട ഈ ​ദേ​ശം കു​ത്തി​യ​തോ​ടെ​ന്ന് അ​റി​യ​പ്പെ​ട്ടു. തോ​ട്, നാ​ടി​ന്‍റെ രാ​ഷ്ട്രീ​യ, സാ​മൂ​ഹി​ക, സാ​മ്പ​ത്തി​ക, കാ​ർ​ഷി​ക മേ​ഖ​ല​യി​ൽ വ​ലി​യ സ്വാ​ധീ​നം ചെ​ലു​ത്തി. മ​ല​നാ​ടും ക​ട​ലോ​ര​വു​മാ​യി ബ​ന്ധ​പ്പെ​ടു​ന്ന പ്ര​ധാ​ന മാ​ർ​ഗ​മാ​യി തോ​ട് മാ​റി. കു​ത്തി​യ​തോ​ട് പ​ഞ്ചാ​യ​ത്തി​ലെ പ്ര​ധാ​ന കൃ​ഷി നെ​ല്ലും തെ​ങ്ങു​മാ​ണ്. ക​യ​ർ, ചെ​മ്മീ​ൻ എ​ന്നി​വ​യു​ടെ ക​ച്ച​വ​ടം ഇ​വി​ട​ത്തു​കാ​രു​ടെ മ​റ്റൊ​രു വ​രു​മാ​ന​മാ​ർ​ഗ​മാ​ണ്. തോ​ട്ടി​ലൂ​ടെ വാ​ണി​ജ്യ​കേ​ന്ദ്ര​മാ​യ കൊ​ച്ചി​യി​ലേ​ക്ക് ക​ട​ത്തു​ന്ന കാ​ർ​ഷി​ക വി​ഭ​വ​ങ്ങ​ൾ​ക്കും മ​ല​ഞ്ച​ര​ക്കു​ക​ൾ​ക്കും എ​ന്നു​വേ​ണ്ട എ​ല്ലാ സാ​ധ​ന​ങ്ങ​ൾ​ക്കും രാ​ജ​ഭ​ര​ണ​കാ​ല​ത്ത് ചു​ങ്കം ചു​മ​ത്തു​ന്ന ചൗ​ക്ക നി​ല​നി​ന്നി​രു​ന്ന​തി​ന്റെ (ചെ​ക്ക് പോ​സ്റ്റ്) ശേ​ഷി​പ്പു​ക​ൾ ഇ​ന്നും തോ​ടി​ന്റെ ക​ര​യി​ൽ കാ​ണാം. ഇ​വി​ടം സ​ന്ദ​ർ​ശി​ച്ച മ​ഹാ​ത്മാ​ഗാ​ന്ധി​ക്ക് സ​മ​ർ​പ്പി​ച്ച ഗാ​ന്ധി​ജി​യു​ടെ സ്മാ​ര​കം ഇ​പ്പോ​ഴും കു​ത്തി​യ​തോ​ട് പ​ഞ്ചാ​യ​ത്ത് ഓ​ഫി​സി​ലു​ണ്ട്. ഗാ​ന്ധി​ജി അ​ന്തി​യു​റ​ങ്ങി​യ സ്ഥ​ല​മാ​ണി​ത്. ഗാ​ന്ധി​പ്ര​തി​മ സ്ഥാ​പി​ച്ച് പ​ഞ്ചാ​യ​ത്ത് ഓ​ഫി​സ് ഗാ​ന്ധി സ്മാ​ര​ക​മാ​യി മാ​റി​യി​രി​ക്കു​ക​യാ​ണ്. ജ​നാ​യ​ത്ത ഭ​ര​ണ​കാ​ല​ത്ത് തോ​ടി​ന്റെ ഉ​പ​യോ​ഗം ജ​ന​ങ്ങ​ളു​ടെ സ​ഞ്ചാ​ര​ത്തി​നും കൃ​ഷി​ക്കു​മാ​യി മാ​റി. കൊ​ച്ചി​യി​ൽ​നി​ന്ന്​ എ​ത്തു​ന്ന ച​ര​ക്കു​വ​ള്ള​ങ്ങ​ളി​ൽ ക​യ​റി​ക്കൂ​ടു​ന്ന വി​ദേ​ശി​യ​ർ നാ​ട് കാ​ണാ​നെ​ത്തു​ന്ന​ത് പ​തി​വാ​യി. പി​ന്നീ​ട് വി​ദേ​ശീ​യ​രാ​യ വി​നോ​ദ​സ​ഞ്ചാ​രി​ക​ളു​ടെ യാ​ത്ര​ക്കാ​യി കു​ത്തി​യ​തോ​ടി​ന്റെ പ​രി​സ​ര​ത്ത് നി​ര​വ​ധി സം​രം​ഭ​ക​ർ വ​ള​ർ​ന്നു​വ​ന്നു. ഗ്രാ​മ​ജീ​വി​ത​ത്തി​ന്റെ നേ​ർ​ക്കാ​ഴ്ച​ക​ൾ​ക്കാ​യി നി​ര​വ​ധി വി​ദേ​ശീ​യ​ർ വ​ഞ്ചി​യാ​ത്ര​ക്ക്​ കു​ത്തി​യ​തോ​ട്ടി​ൽ എ​ത്താ​ൻ തു​ട​ങ്ങി. ഇ​പ്പോ​ഴും വി​ദേ​ശീ​യ​ർ വി​നോ​ദ​ത്തി​ന് ഉ​ൾ​നാ​ട്ടി​ലും കാ​യ​ലി​ലും വ​രു​ന്നു​ണ്ടെ​ങ്കി​ലും തോ​ടി​നെ ഭം​ഗി​യാ​യി നി​ല​നി​ർ​ത്താ​നും ഗ്രാ​മീ​ണ​രു​ടെ ജീ​വി​ത​ത്തി​നു​കൂ​ടി പ്ര​യോ​ജ​ന​പ്പെ​ടും​വി​ധം ഉ​ൾ​നാ​ട​ൻ വി​നോ​ദ​സ​ഞ്ചാ​ര​ത്തെ വി​ക​സി​പ്പി​ക്കാ​നും ബ​ന്ധ​പ്പെ​ട്ട​വ​ർ​ക്ക് ഇ​നി​യും ക​ഴി​ഞ്ഞി​ട്ടി​ല്ല.