ഇ-പാസ്​ വേണ്ട, നിയന്ത്രണങ്ങൾ ലളിതമാക്കി; ഊട്ടിയുടെ കുളിര്​ തേടി സഞ്ചാരികൾ ഒഴുകുന്നു

ഗൂഡല്ലൂർ: എട്ട്​ മാസങ്ങൾക്കുശേഷം തമിഴ്​നാട്​ സർക്കാർ നിയന്ത്രണങ്ങൾ ലളിതമാക്കിയതോടെ ഊട്ടിയിലേക്ക് വിനോദ സഞ്ചാരികളുടെ വരവ് കൂടി. നേരത്തെ ഇ - പാസ്​മൂലം ഒരു ദിവസം 200 വിനോദ സഞ്ചാരികൾക്ക്​ മാത്രമേ സന്ദർശനാനുമതി നൽകിയിരുന്നുള്ളൂ. ഇത് റദ്ദാക്കി ഇപ്പോൾ http://eregister.tnega.org എന്ന വെബിൽ കയറി രജിസ്​റ്റർ ചെയ്​താൽ മാത്രം മതി. 

അപേക്ഷക​െൻറ മൊബൈലിലേക്ക് വരുന്ന ഒ.ടി.പി നൽകിയാൽ വെബ്​സൈറ്റിൽ മറ്റ് വിവരങ്ങൾ രേഖപ്പെടുത്താം. യാത്ര ഉദ്ദേശമാണ്​ ആദ്യം നൽകേണ്ടത്​. വിനോദം, വിവഹം തുടങ്ങിയ വിഭാഗങ്ങളുണ്ട്​. ടൂറിസ്​റ്റ് ആണങ്കിൽ നീലഗിരി മാത്രമാണോ അതോ കൊടൈക്കനാൽ, ഏർക്കാട് എന്നിവ സഞ്ചരിക്കുന്നുണ്ടോ എന്ന്​ രേഖപ്പെടുത്താം. വാഹനം, എത്ര പേര്, അപേക്ഷക​െൻറ പേര്​ എന്നിവയും രേഖപ്പെടുത്തണം. തിരിച്ചറിയൽ രേഖയും കൈവശം വെക്കണം. ഇതി​െൻറ വിവരങ്ങളും വെബ്​സൈറ്റിൽ നൽകേണ്ടതുണ്ട്​.

ബസ്​, വാൻ, സുമോ, കാർ, ബൈക്ക് എന്നിവ ഏതാണന്നും വ്യക്തമാക്കണം. ഗ്രൂപ്പ് ടൂർ ആണങ്കിൽ ഒരു ബസിൽ ൈഡ്രവറടക്കം 30 പേരിൽ കൂടാൻ പാടില്ല. കൂടുതൽ ആളു​െണ്ടങ്കിൽ വാഹനം കൂട്ടാം. കോവിഡ് നിയന്ത്രണങ്ങൾ പാലിച്ചായിരിക്കണം യാത്ര. മാസ്​ക് ധരിക്കാതെ നടന്നാൽ 500 രൂപ പിഴയോ ആറുമാസം തടവോ ആണ് ശിക്ഷ. അതേസമയം, സഞ്ചാരികൾക്ക്​ ഹോട്ടലുകൾ ബുക്ക്​ ചെയ്യുന്നതിൽ നിലവിൽ നിബന്ധനകളില്ല. തമിഴ്​നാട്ടിലേക്ക്​​ വരുന്നവർക്ക്​ ക്വാറൻറീനും ആവശ്യമില്ല. തിരിച്ച്​ കേരളത്തിലേക്ക്​ പ്രവേശിച്ചാലും ക്വാറൻറീൻ നിർബന്ധമില്ല.

അതേസമയം, നീലഗിരിയിലെ പ്രധാന കേന്ദ്രങ്ങൾ മാത്രമാണ് സന്ദർശിക്കാൻ കഴിയൂ. ബൊട്ടാണിക്കൽ ഗാർഡൻ, റോസ്​ ഗാർഡൻ, ബോട്ട്ഹൗസ്​, കൂനൂർ സിംസ്​പാർക്ക് എന്നിവിടങ്ങൾ കാണാൻ നിയന്ത്രണമില്ല. മഞ്ഞുകാലം തുടങ്ങിയതിനാൽ രാവിലെയും രാത്രിയും തണുപ്പ്​ കൂടുതലുണ്ട്. 

കഴിഞ്ഞ ദിവസം ദീപാവലി ആഘോഷത്തോടനുബന്ധിച്ച്​ ബൊട്ടാണിക്കൽ ഗാർഡൻ, റോസ്​ ഗാർഡൻ, ബോട്ട്ഹൗസ്​ എന്നിവിടങ്ങളിൽ ടൂറിസ്​റ്റുകളുടെ സാന്നിധ്യം കൂടിയിരുന്നു. എട്ട്​ മാസങ്ങൾക്കുശേഷമാണ് സഞ്ചാരികളുടെ വരവ്കൂടുന്നത്.

ഈ പാസ്​ റദ്ദാക്കി വെബിൽ രജിസ്റ്റർ ചെയ്താൽ മാത്രം മതിയെന്ന് സർക്കാർ അറിയിച്ചതോടെ സഞ്ചാരികൾ കുടുംബങ്ങളുമായി എത്തുകയായിരുന്നു. സംസ്​ഥാനത്തി​െൻറ ഇതര ജില്ലകളിൽനിന്ന്​ പുറമെ കേരളം, കർണാടക എന്നിവിടങ്ങളിലെ സഞ്ചാരികളും ഊട്ടിയിലേക്കെത്തുന്നുണ്ട്. ഇതോടെ വ്യാപാര മേഖലയിലും ഉണർവ് കണ്ടുതുടങ്ങി.