പ്ലാസ്റ്റിക്കിനോട് നോ പറയാം, ഭൂമിയെ സംരക്ഷിക്കാം

കൂ​ട്ടു​കാ​രെ​ല്ലാം പ​രീ​ക്ഷ​ത്തി​ര​ക്കി​ലാ​വും അ​ല്ലേ? കു​റ​ച്ചു​ ദി​വ​സ​ങ്ങ​ൾ​കൂ​ടി ക​ഴി​ഞ്ഞാ​ൽ അ​വ​ധി​ക്കാ​ല​മാ​ണ്. ഇ​ത്ത​വ​ണ അ​വ​ധി​ക്കാ​ല​ത്തെ പ്ലാ​നു​ക​ൾ എ​ന്തൊ​ക്കെ​യാ​ണ്? വേ​റെ പ്ലാ​നൊ​ന്നും റെ​ഡി​യാ​യി​ട്ടി​ല്ലെ​ങ്കി​ൽ ‘വെ​ളി​ച്ചം’ ചെ​റി​യൊ​രു ടാ​സ്ക് ത​രാം. ക​ഴി​യു​മോ എ​ന്നൊ​ന്ന് നോ​ക്കാ​മല്ലോ. ടാ​സ്ക് എ​ന്താ​ണെ​ന്ന് പ​റ​യു​ന്ന​തി​നു​മു​മ്പ് മ​റ്റുചി​ല കാ​ര്യ​ങ്ങ​ൾ പ​റ​യാ​നു​ണ്ട്. ഇ​നി അ​തി​ലേ​ക്കു വ​രാം. നി​ങ്ങ​ൾ ഒ​ന്ന് ചു​റ്റും ക​ണ്ണോ​ടി​ച്ചുനോ​ക്കൂ, ചു​റ്റി​ലും നി​ര​വ​ധി കാ​ഴ്ച​ക​ളു​ണ്ടാ​വും. ആ ​കാ​ഴ്ച​ക​ളി​ൽ പ്ലാ​സ്റ്റി​ക് വ​സ്തു​ക്ക​ൾ എ​ന്തൊ​ക്കെ​യു​ണ്ട്? ഒ​ന്ന് ലി​സ്റ്റ് ചെ​യ്ത് നോ​ക്കി​യാ​ലോ... കൈ​യി​ലി​രി​ക്കു​ന്ന പേ​ന​യി​ൽ​നി​ന്നു​ത​ന്നെ തു​ട​ങ്ങാം. പേ​ന, ബോ​ക്സ്, ബാ​ഗ്, വാ​ട്ട​ർ​ബോ​ട്ടി​ൽ... ഇ​നി അ​ടു​ക്ക​ള​യി​ലൊ​ന്ന് പോ​യി​നോ​ക്കൂ... പ്ലാ​സ്റ്റി​ക് ക​വ​റു​ക​ൾ​കൊ​ണ്ടു​ള്ള ബ​ഹ​ള​മാ​കും. പ​ച്ച​ക്ക​റി​യ​രി​യു​ന്ന ക​ട്ടി​ങ് ബോ​ർ​ഡും പൊ​ടി​ക​ളി​ടു​ന്ന ഭ​ര​ണി​ക​ളും അ​ങ്ങ​നെ​യങ്ങ​നെ പോ​കും. വീ​ട്ടി​ൽ ഏ​റ്റ​വും കൂ​ടു​ത​ലു​ള്ള​ത് പ്ലാ​സ്റ്റി​ക്കാവും. ഇ​നി പു​റ​ത്തി​റ​ങ്ങി​യാ​ലോ? ക​ട​യി​ൽ​നി​ന്ന് സാ​ധ​നം വാ​ങ്ങി​ക്ക​ണ​മെ​ങ്കി​ൽ പ്ലാ​സ്റ്റി​ക് ക​വ​ർ, മി​ഠാ​യി​യും അ​ച്ചാ​റും തു​ട​ങ്ങി എ​ല്ലാ സാ​ധ​ന​ങ്ങ​ളു​മി​രി​ക്കു​ന്ന​ത് പ്ലാ​സ്റ്റി​ക് പാ​ക്കു​ക​ളി​ൽ.

ഈ ​പ്ലാ​സ്റ്റി​ക് ക​വ​റു​ക​ളി​ലെ​യും മ​റ്റും സാ​ധ​ന​ങ്ങ​ളെ​ല്ലാം ഉ​പ​യോ​ഗി​ച്ചു​ക​ഴി​ഞ്ഞാ​ൽ പി​ന്നെ നി​ങ്ങ​ള​ത് എ​ന്തു​ചെ​യ്യു​ക​യാ​ണ് പ​തി​വ്? വ​ലി​ച്ചെ​റി​യും എ​ന്നാ​കും മി​ക്ക​വ​രും പ​റ​യു​ന്ന ഉ​ത്ത​രം. ഒ​ന്നു പു​റ​ത്തി​റ​ങ്ങി ചു​റ്റും നോ​ക്കി​യാ​ൽ അ​ത് ന​മു​ക്ക് ബോധ്യ​മാ​വു​ക​യും ചെ​യ്യും. ഈ ​പ്ലാ​സ്റ്റി​ക് ഇ​ത്ര പ്ര​ശ്ന​മു​ള്ള​താ​ണോ എ​ന്നാ​കും സം​ശ​യം. അ​തി​നു​ള്ള മ​റു​പ​ടി​യാ​യി ചി​ല​ത് പ​റ​യാം.

Don’t Stick on Plastic

ഒ​രു വ​ലി​യ ട്ര​ക്ക് നി​റ​ക്കാ​നു​ള്ള​ത്ര പ്ലാ​സ്റ്റി​ക് മാ​ലി​ന്യം ഓ​രോ മി​നി​റ്റി​ലും ക​ട​ലി​ലേ​ക്ക് ത​ള്ളു​ന്നു​ണ്ടെ​ന്നാ​ണ് യു.​എ​ന്നി​ന്റെ ക​ണ​ക്ക്. ആ​ഗോ​ള​ത​ല​ത്തി​ൽ​ത​ന്നെ വ​ള​രെ ഗൗ​ര​വ​തര​മാ​യ പ്ര​ശ്ന​മാ​യി പ്ലാ​സ്റ്റി​ക് മാ​ലി​ന്യം മാ​റി​യി​ട്ടു​ണ്ട്. പ്ര​കൃ​തി​യെ​യും ആ​വാ​സ വ്യ​വ​സ്ഥ​യെ​യും ഗു​രു​ത​ര​മാ​യി ബാ​ധി​ക്കു​ന്ന ഒ​ന്നാ​ണ് പ്ലാ​സ്റ്റി​ക് മാ​ലി​ന്യം. ഇ​ത് കാ​ലാ​വ​സ്ഥ വ്യ​തി​യാ​ന​ത്തി​നും മ​ണ്ണി​ന്റെ ഫ​ല​ഭൂ​യി​ഷ്ഠ​ത ഇ​ല്ലാ​താ​വു​ന്ന​തി​നു​മെ​ല്ലാം കാ​ര​ണ​മാ​വു​ന്നു. ഒ​രു പ്ലാ​സ്റ്റി​ക് വ​സ്തു നി​ർ​മി​ച്ചു ക​ഴി​ഞ്ഞാ​ൽ അ​ത് ഭൂ​മി അ​വ​സാ​നി​ക്കു​ന്നി​ടം​വ​രെ നി​ല​നി​ൽ​ക്കും എ​ന്നു പ​റ​യാ​റു​ണ്ട്. ക​ത്തി​ച്ചു​ക​ള​ഞ്ഞാ​ൽ പി​ന്നെ എ​ങ്ങ​നെ​യെ​ന്ന് ചോ​ദി​ക്കു​ന്ന​വ​രു​ണ്ടാ​കും. ക​ത്തി​ച്ചു​ക​ള​ഞ്ഞാ​ലും അ​ത് മ​റ്റൊ​രു​ രൂ​പ​ത്തി​ൽ ഭൂ​മി​യി​ൽ നി​ല​നി​ൽ​ക്കും എ​ന്ന​താ​ണ് വാ​സ്ത​വം.

എ​ല്ലാ പ്ലാ​സ്റ്റി​ക്കും പ്ര​​ശ്ന​മാ​ണോ?

ഇ​താ​കും അ​ടു​ത്ത സം​ശ​യം. പ്ലാ​സ്റ്റി​ക്കുക​ൾ​ പ​ല​ത​ര​മു​ണ്ട്. അ​തി​ൽ ഏ​റ്റ​വും​ കൂ​ടു​ത​ൽ പ്ര​ശ്ന​മു​ണ്ടാ​ക്കു​ന്ന​തും മ​ലി​നീ​ക​ര​ണം സൃ​ഷ്ടി​ക്കു​ന്ന​തും ഒ​റ്റ​ത്ത​വ​ണ മാ​ത്രം ഉ​പ​യോ​ഗി​ക്കു​ന്ന പ്ലാ​സ്റ്റി​ക് വ​സ്തു​ക്ക​ളാ​ണ്. ഇ​രു​പ​താം നൂ​റ്റാ​ണ്ടി​ന്റെ തു​ട​ക്ക​ത്തി​ലാ​ണ് പ്ലാ​സ്റ്റി​ക് ഉ​ൽ​പാ​ദി​പ്പി​ച്ചു​തു​ട​ങ്ങു​ന്ന​ത്. 1950ക​ൾ​ക്കു​ശേ​ഷം ഇ​വ​യു​ടെ ഉ​ൽപാ​ദ​ന രം​ഗ​ത്ത് വ​ൻ വ​ർ​ധ​ന​യു​ണ്ടാ​യി. 1950 മു​ത​ൽ 2015 വ​രെ മാ​​ത്രം 7800 മി​ല്യ​ൺ ട​ൺ ആ​യി​രു​ന്ന​ത്രേ ഉ​ൽ​പാ​ദ​ന ക​ണ​ക്ക്. എ​ല്ലാ പ്ലാ​സ്റ്റി​ക്കു​ക​ളും നാശമു​ണ്ടാ​ക്കു​ന്ന​വ​യ​ല്ല. ഉ​ദാ​ഹ​ര​ണ​ത്തി​ന് ബൈ​ക്ക് ഓ​ടി​ക്കു​മ്പോ​ൾ വെ​ക്കു​ന്ന ഹെ​ൽ​മ​റ്റും കാ​റി​ലെ എ​യ​ർ​ബാ​ഗും മെ​ഡി​ക്ക​ൽ ഉ​പ​ക​ര​ണ​ങ്ങ​ളും അ​ങ്ങ​നെ നി​ര​വ​ധി പ്ലാ​സ്റ്റി​ക് ഉ​ൽ​പന്ന​ങ്ങ​ൾ ന​ല്ല ഗു​ണ​ങ്ങ​ൾ ചെ​യ്യു​ന്നു​ണ്ട്. ക​വ​റു​ക​ളും സ്ട്രോ​ക​ളും ബോ​ട്ടി​ലു​ക​ളും ഭ​ക്ഷ​ണ ക​വ​റു​ക​ളു​മ​ട​ക്ക​മു​ള്ള​വ​യാ​ണ് ഒ​റ്റ​ത്ത​വ​ണ ഉ​പ​യോ​ഗി​ക്കു​ന്ന പ്ലാ​സ്റ്റി​ക്കു​ക​ൾ. ഉ​ൽ​പാ​ദി​പ്പി​ക്കു​ന്ന പ്ലാ​സ്റ്റി​ക്കുക​ളി​ൽ 79 ശ​ത​മാ​ന​വും അ​തി​ന്റെ ഉ​പ​യോ​ഗ​ശേ​ഷം മ​ണ്ണി​ൽ അ​വ​ശേ​ഷി​ക്കു​ന്നു​വെ​ന്നാ​ണ് ക​ണ​ക്ക്. 12 ശ​ത​മാ​നം ക​ത്തി​ച്ചു​ക​ള​യു​ന്നു. വെ​റും ഒ​മ്പ​തു ശ​ത​മാ​നം മാ​ത്ര​മേ പു​ന​രു​പ​യോ​ഗി​ക്കു​ന്നു​ള്ളൂ​വെ​ന്നും ക​ണ​ക്കു​ക​ൾ സൂ​ചി​പ്പി​ക്കു​ന്നു.

ഏ​റ്റ​വും ​കൂ​ടു​ത​ൽ പ്ലാ​സ്റ്റി​ക് മാ​ലി​ന്യം അ​ടി​ഞ്ഞു​കൂ​ടു​ന്ന​ത് സ​മു​ദ്ര​മ​ട​ക്ക​മു​ള്ള ജ​ലാ​ശ​യ​ങ്ങ​ളി​ലാ​ണെ​ന്ന് യു.​എ​ന്നി​ന്റെ പ​ഠ​ന റി​പ്പോ​ർ​ട്ട് പ​റ​യു​ന്നു​ണ്ട്. എ​ല്ലാ വ​ർ​ഷ​വും 8.8 മി​ല്യ​ൺ ട​ൺ പ്ലാ​സ്റ്റി​ക് ക​ട​ലി​ലേ​ക്ക് ത​ള്ളു​ന്നു​ണ്ടെ​ന്നാ​ണ് ശാ​സ്ത്ര​ജ്ഞ​രു​ടെ വി​ല​യി​രു​ത്ത​ൽ. ജ​ലാ​ശ​യ​ങ്ങ​ൾ​ക്ക​രി​കി​ലൂ​ടെ ഒ​ന്നു ന​ട​ന്നാ​ൽ​ത​ന്നെ നി​ങ്ങ​ൾ​ക്ക് മ​ന​സ്സിലാ​കും എ​ത്ര​ത്തോ​ളം പ്ലാ​സ്റ്റി​ക് മാ​ലി​ന്യം അ​വി​ടെ അ​ടി​യു​ന്നു​വെ​ന്ന്. പു​ഴ​യി​ലും തോ​ടു​ക​ളി​ലു​മെ​ല്ലാം ത​ള്ളു​ന്ന മാ​ലി​ന്യം പി​ന്നീ​ട് ക​ട​ലി​ലേ​ക്കെ​ത്തു​ക​യും ചെ​യ്യും. ജ​ലാ​ശ​യ​ങ്ങ​ളി​ലെ​ത്തു​ന്ന പ്ലാ​സ്റ്റി​ക് മാ​ലി​ന്യം ജ​ല​ജീ​വി​ക​ള​ുടെ ആ​വാ​സവ്യ​വ​സ്ഥ ത​ക​ർ​ക്കു​ക​യാ​ണ്.

മീ​നി​നെ​ക്കാ​ളേ​റെ പ്ലാ​സ്റ്റി​ക്കുക​ൾ!

ഓ​രോ ദി​വ​സ​വും പ്ലാ​സ്റ്റി​ക് ക​വ​റു​ക​ളും സ്ട്രോ​ക​ളു​മ​ട​ക്ക​മു​ള്ള​വ വി​ഴു​ങ്ങി​യും അ​തി​ൽ കു​രു​ങ്ങി​യും നി​ര​വ​ധി ജീ​വി​ക​ളാ​ണ് ച​ത്തൊ​ടു​ങ്ങു​ന്ന​ത്. 2050 ആ​കു​മ്പോ​ഴേ​ക്കും ക​ട​ലി​ൽ മീ​നി​നെ​ക്കാ​ളേ​റെ പ്ലാ​സ്റ്റി​ക് മാ​ലി​ന്യ​മാ​യി​രിക്കു​മെ​ന്ന് പ​ഠ​ന​ങ്ങ​ൾ പ​റ​യു​ന്നു. 270ഓ​ളം ക​ട​ൽ സ്പീ​ഷീ​സു​ക​ൾ പ്ലാ​സ്റ്റി​ക് മാ​ലി​ന്യ​മു​ണ്ടാ​ക്കു​ന്ന പ്ര​ശ്ന​ങ്ങ​ൾ​കാ​ര​ണം വം​ശ​നാ​ശ​ത്തി​ന്റെ വ​ക്കി​ലാ​ണ്. അ​ടു​ത്ത 30 വ​ർ​ഷ​ത്തി​നു​ള്ളി​ൽ 99 ശ​ത​മാ​നം ക​ട​ൽ​പ​ക്ഷി​ക​ളു​ടെ​യും വ​യ​റ്റി​ൽ പ്ലാ​സ്റ്റി​ക് മാ​ലി​ന്യം അ​ട​ങ്ങി​യി​ട്ടു​ണ്ടാ​വു​മെ​ന്നും പ​വി​ഴ​പ്പുറ്റു​ക​ള​ട​ക്ക​മു​ള്ള ക​ട​ൽസ​മ്പ​ത്ത് ഇ​വ​മൂ​ലം ന​ശി​ച്ചു​പോ​കു​മെ​ന്നും പ​ഠ​ന​ത്തി​ൽ വ്യ​ക്ത​മാ​ക്കു​ന്നു​ണ്ട്.

പ്ലാ​സ്റ്റി​ക് ക​ത്തി​ച്ചാ​ൽ?

പ്ലാസ്റ്റി​ക് ക​ത്തി​ക്കു​ന്ന​ത് ഗു​രു​ത​ര ആ​രോ​ഗ്യ പ്ര​ശ്ന​ങ്ങ​ൾ​ക്ക് വ​ഴി​വെ​ക്കും. ക​ത്തി​ക്ക​ു​മ്പോ​ൾ ഗു​രു​ത​ര രോ​ഗ​ങ്ങ​ളു​ണ്ടാ​ക്കാ​വു​ന്ന കെ​മി​ക്ക​ലു​ക​ളാ​ണ് പു​ക​യി​ലൂ​ടെ എ​ത്തു​ന്ന​ത്. ഇ​ത് ശ്വ​സി​ക്കു​ന്ന​തു​വ​ഴി മാ​റാ​വ്യാ​ധി​ക​ൾ വ​രെ​യു​ണ്ടാ​കാം. പ്ലാ​സ്റ്റി​ക് ക​ത്തി​ക്കു​മ്പോ​ഴു​ണ്ടാ​കു​ന്ന പു​ക അ​ന്ത​രീ​ക്ഷ വാ​യു​വി​നെ മ​ലി​ന​മാ​ക്കും. മ​നു​ഷ്യ​ൻ ത​ന്റെ ഭ​ക്ഷ​ണ​ത്തി​ലൂ​ടെ മൈ​ക്രോ പ്ലാ​സ്റ്റി​ക്കുക​ൾ അ​ക​ത്താ​ക്കു​ന്നു​ണ്ടെ​ന്നാ​ണ് മ​റ്റൊ​രു ക​ണ്ടെ​ത്ത​ൽ. ഒ​രാ​ഴ്ച ന​മ്മ​ൾ ക​ഴി​ക്കു​ന്ന ഭ​ക്ഷ​ണ​ത്തി​ലൂ​ടെ അഞ്ചു ഗ്രാം ​വ​രെ പ്ലാ​സ്റ്റി​ക് ശ​രീ​ര​ത്തി​ലേ​ക്ക് എ​ത്തു​ന്നു​ണ്ട​ത്രേ! ന​മ്മ​ള​റി​യാ​തെ മൈ​ക്രോ പ്ലാ​സ്റ്റി​ക്കുക​ൾ ശ്വാ​സ​ത്തി​ലൂ​ടെ വ​രെ അ​ക​ത്തെ​ത്തു​മെ​ന്നും പ​ഠ​നം പ​റ​യു​ന്നു.

റീസൈ​ക്കി​ൾ ആൻഡ് റീയൂ​സ്

റീ​സൈ​ക്ലി​ങ് ആ​ണ് പ്ലാ​സ്റ്റി​ക് ഉ​പ​യോ​ഗം കു​റ​ക്കാ​നു​ള്ള വ​ഴി​യെ​ന്നാ​യി​രു​ന്നു മു​മ്പ് ക​ണ​ക്കാ​ക്കി​യി​രു​ന്ന​ത്. എ​ന്നാ​ൽ, ഇതൊ​രു ശാ​ശ്വ​ത പ​രി​ഹാ​ര​മാ​യി ഇ​ന്ന് ക​ണ​ക്കാ​ക്കു​ന്നി​ല്ല. അ​തി​നും കാ​ര​ണ​ങ്ങ​ളു​ണ്ട്. ഉ​ൽ​പാ​ദി​പ്പി​ക്ക​പ്പെ​ടു​ന്ന പ്ലാ​സ്റ്റി​ക്കി​ന്റെ ഒ​മ്പ​ത​ു ശ​ത​മാ​ന​ത്തോ​ളം മാ​ത്ര​മാ​ണ് ഇ​ന്ന് റീ​സൈ​ക്കി​ൾ ചെ​യ്യ​പ്പെ​ടു​ന്ന​ത്. ഇ​തി​ൽ ത​ന്നെ ഒ​ന്നി​ല​ധി​കം ത​വ​ണ റീ​സൈ​ക്കി​ൾ ചെ​യ്യ​പ്പെ​ടു​ന്ന​ത് വെ​റും 10 ശ​ത​മാ​നം മാ​ത്രം. റീ​സൈ​ക്കി​ൾ ചെ​യ്യു​മ്പോ​ൾ ക്വാ​ളി​റ്റി ന​ഷ്ട​പ്പെ​ടു​ന്നു​വെ​ന്ന​താ​ണ​ത്രേ റീ​സൈ​ക്ലി​ങ് പ്രോ​ത്സാ​ഹ​നം കു​റ​യാ​ൻ കാ​ര​ണം. സ്വാ​ഭാ​വി​ക​മാ​യും ഇ​ത് വീ​ണ്ടും മാ​ലി​ന്യ​മാ​യി വ​ലി​ച്ചെ​റി​യ​പ്പെ​ടു​ന്നു.

ഉ​പ​യോ​ഗി​ച്ച പ്ലാ​സ്റ്റി​ക്കുക​ൾ വീ​ണ്ടും ഉ​പ​യോ​ഗി​ക്കു​ക എ​ന്ന​താ​ണ് മ​റ്റൊ​രു പ​രി​ഹാ​രം. പ​ക്ഷേ, ഒ​രു​ത​വ​ണ ഉ​പ​യോ​ഗി​ച്ചു​ക​ഴി​ഞ്ഞാ​ൽ അ​ത് വ​ലി​ച്ചെ​റി​യാ​തെ ന​മു​ക്കൊ​രു സ​മാ​ധാ​ന​വു​മു​ണ്ടാ​വി​ല്ല എ​ന്ന​താ​ണ് യാ​ഥാ​ർ​ഥ്യം. മാ​ത്ര​മ​ല്ല, മ​നു​ഷ്യ​ന് ആ​വ​ശ്യ​മു​ള്ള​തി​ന്റെ എ​ത്ര​യോ മ​ട​ങ്ങ് അ​ധി​കം പ്ലാ​സ്റ്റി​ക് നി​ല​വി​ൽ ഉ​ണ്ടു​താ​നും.

ഒ​ഴി​വാ​ക്കു​ക​ത​ന്നെ മാ​ർ​ഗം

ഒ​റ്റ​ത്ത​വ​ണ ഉ​പ​യോ​ഗി​ക്കു​ന്ന പ്ലാ​സ്റ്റി​ക്കുക​ളു​ടെ ഉ​പ​യോ​ഗം നി​ർ​ത്തു​ക എ​ന്ന​തു​മാ​ത്ര​മാ​ണ് മാ​ലി​ന്യ​ത്തി​ന്റെ അ​ള​വു കു​റ​ച്ച് പ്ര​കൃ​തി​യെ​യും കാ​ലാ​വ​സ്ഥ​യെ​യും അ​തു​വ​ഴി ഭൂ​മി​യെ​യും ര​ക്ഷി​ക്കാ​നു​ള്ള ഒ​രേ​യൊ​രു മാ​ർ​ഗം. അ​തി​ന് ന​മ്മ​ൾ​ത​ന്നെ മു​ൻ​കൈ​യെ​ടു​ക്കു​ക​യും വേ​ണം.

ഇ​താ​ണ് ടാ​സ്ക്

ഇ​ത്ത​വ​ണ അ​വ​ധി​ക്കാ​ല​ത്ത് ക​ളി​ക​ൾ​ക്കി​ട​യി​ൽ ചെ​റി​യ ചി​ല ടാ​സ്കു​ക​ൾ​കൂ​ടി ചെ​യ്താ​ലോ? ന​മ്മു​ടെ ഭൂ​മി​യെ ന​മ്മ​ള​ല്ലാ​തെ വേ​റെ ആ​ര് സം​ര​ക്ഷി​ക്കാ​ൻ? ഇ​നി എ​ന്തൊ​ക്കെ​യാ​ണ് ചെ​യ്യാ​നു​ള്ള​ത് എ​ന്ന​റി​യാം.

പ്ലാ​സ്റ്റി​ക് ക​വ​റു​ക​ൾ വേ​ണ്ട

വീ​ട്ടി​ൽ ഇ​നി ഒ​റ്റ​ത്ത​വ​ണ ഉ​പ​യോഗിക്കു​ന്ന പ്ലാ​സ്റ്റി​ക് ക​വ​റു​ക​ൾ വേ​ണ്ടെ​ന്ന് വീ​ട്ടി​ലു​ള്ള​വ​രോ​ട് പ​റ​യ​ണം. അ​തി​നു​പ​ക​രം കൂ​ട്ടു​കാ​ർ​ക്കു​ത​ന്നെ ചെ​റി​യ തു​ണി സ​ഞ്ചി​ക​ൾ നി​ർ​മി​ക്കാം. പ​ഴ​യ വ​സ്ത്ര​ങ്ങ​ളും പു​ത​പ്പു​മെ​ല്ലാം ഇ​തി​നാ​യി ഉ​പ​യോ​ഗി​ക്കാം. യൂ​ട്യൂ​ബി​ൽ ഒ​ന്ന് തി​ര​ഞ്ഞാ​ൽ ഇ​തെ​ല്ലാം എ​ളു​പ്പ​ത്തി​ലു​ണ്ടാ​ക്കാ​നു​ള്ള ക്ലാ​സു​ക​ളും കി​ട്ടും.

പാ​ക്ക​റ്റു​ക​ൾ വ​ലി​ച്ചെ​റി​യേ​ണ്ട

പൊ​ടി​ക​ളു​ടെ​യും മി​ഠാ​യി​യു​ടെ​യു​മൊ​ന്നും ക​വ​റു​ക​ൾ അ​ല​ക്ഷ്യ​മാ​യി വ​ലി​ച്ചെ​റി​യ​രു​ത്. ഇ​ങ്ങ​നെ ചെ​യ്യു​ന്ന​വ​രെ പ​റ​ഞ്ഞ് മ​ന​സ്സി​ലാ​ക്കു​ക​യും വേ​ണം. ഈ ​ക​വ​റു​ക​ളെ​ല്ലാം തൊ​ടി​യി​ൽ​നി​ന്നും മ​റ്റും ശേ​ഖ​രി​ച്ച് ഒ​രു സ​ഞ്ചി​യി​ലാ​ക്കി​വെ​ക്കാം. പ​ഞ്ചാ​യ​ത്ത് അ​ധി​കൃ​ത​രും മ​റ്റും ഇ​ത്ത​ര​ത്തി​ലു​ള്ള പ്ലാ​സ്റ്റി​ക് ശേ​ഖ​രി​ക്കാ​നു​ള്ള സം​വി​ധാ​ന​ങ്ങ​ൾ ഇ​പ്പോ​ൾ ഏ​ർ​പ്പെ​ടു​ത്തി​യി​ട്ടു​ണ്ട്. ശേ​ഖ​രി​ച്ച ക​വ​റു​ക​ളെ​ല്ലാം അ​വ​രെ ഏ​ൽ​പിക്കാം.

ഒ​ന്നി​ച്ചി​റ​ങ്ങാം

ക​ളി ക​ഴി​ഞ്ഞ് വി​ശ്ര​മി​ക്കു​ന്ന സ​മ​യ​ത്ത് കൂ​ട്ടു​കാ​രോ​ടൊ​പ്പം ചേ​ർ​ന്ന് വീ​ടി​ന്റെ പ​രി​സ​ര​ങ്ങ​ളി​ൽ ഒ​ഴി​ഞ്ഞ സ്ഥ​ല​ങ്ങ​ളി​ൽ ഉ​പേ​ക്ഷി​ക്ക​പ്പെ​ട്ട പ്ലാ​സ്റ്റി​ക് ശേ​ഖ​രി​ച്ച് കൂ​ട്ടി​വെ​ക്കാം. ഇ​തി​നാ​യി വീ​ട്ടു​കാ​രു​ടെ സ​ഹാ​യ​വും തേ​ടാം. ഇ​ങ്ങ​നെ ശേ​ഖ​രി​ക്കു​ന്ന​വ​യും അ​ധി​കൃ​ത​രെ ഏ​ൽ​പി​ക്കാം. കാ​ട്ടി​ലും കു​ഴ​ിയി​ലും ഒ​ന്നും പോ​യി വീ​ണേ​ക്ക​രു​ത് കേ​ട്ടോ.

ക​ട​ലാ​സു​കൊ​ണ്ട് എ​ന്തെ​ല്ലാം!

​പേ​പ്പ​ർ ബാ​ഗു​ക​ളും പേ​പ്പ​ർ സ്ട്രോ​ക​ളും തു​ട​ങ്ങി നി​ര​വ​ധി സാ​ധ​ന​ങ്ങ​ൾ ക​ട​ലാ​സു​പ​യോ​ഗി​ച്ച് വ​ള​രെ എ​ളു​പ്പ​ത്തി​ൽ വീ​ട്ടി​ൽ നി​ർ​മി​ക്കാ​വു​ന്ന​തേ​യു​ള്ളൂ. ഇ​ത് കൂ​ട്ടു​കാ​രെ പ​റ​ഞ്ഞ് മ​ന​സ്സി​ലാ​ക്കേ​ണ്ട​തും നി​ങ്ങ​ളാ​ണ്. ഇ​ത് പ​റ​യാ​ൻ പോ​കു​മ്പോ​ൾ ക​ട​ലാ​സു​കൊ​ണ്ട് ഒ​രു കാ​ർ​ഡോ മ​റ്റോ നി​ർ​മി​ച്ച് അ​വ​ർ​ക്ക് ഒ​രു സ​മ്മാ​നം​കൂടി ന​ൽ​കു​ക​യാ​ണെ​ങ്കി​ൽ ഉ​ഷാ​റാ​വും.

മ​ൺ​ച​ട്ടി മ​തി

ഗാ​ർ​ഡ​നി​ങ് ഇ​ഷ്ട​മു​ള്ള​വ​രാ​കും അ​ധി​കം കൂ​ട്ടു​കാ​രും. ഇ​നി​മു​ത​ൽ ഗാ​ർ​ഡ​നി​ൽ പ്ലാ​സ്റ്റി​ക് ബാ​ഗു​ക​ളും പൂ​ച്ച​ട്ടി​യും വേ​ണ്ട. ഇ​നി മ​ൺ​ച​ട്ടി​ക​ളി​ൽ പൂ​ക്ക​ൾ വി​രി​യ​ട്ടെ.

ഒ​രു പൂ​വ് ന​ൽ​കാം

കൂ​ട്ടു​കാ​ർ​ക്കൊ​പ്പം ചേ​ർ​ന്ന് പ്ലാ​സ്റ്റി​ക് ഒ​ഴി​വാ​ക്കാ​നു​ള്ള സ​ന്ദേ​ശ​മെ​ഴു​തി​യ ക​ത്തും പേ​പ്പ​ർ​കൊ​ണ്ടു​ള്ള പൂ​ക്ക​ളുംകൊ​ണ്ട് അ​ടു​ത്തു​ള്ള വീ​ടു​ക​ളി​ലേ​ക്ക് ചെ​ല്ലൂ. അ​വ​രും നി​ങ്ങ​ളോ​ട് ചേ​ർ​ന്നു​നി​ൽ​ക്ക​ട്ടെ.