ലോക സമാധാനം എന്ന ലക്ഷ്യം മുൻ നിർത്തി 1945ൽ സ്ഥാപിക്കപ്പട്ട സംഘടനയാണ് യുനൈറ്റഡ് നാഷൻസ് ഓർഗനൈസേഷൻ അഥവാ ഐക്യരാഷ്ട്ര സഭ. 1941 ആഗസ്റ്റിൽ ബ്രിട്ടീഷ് പ്രധാനമന്ത്രി വിൻസ്റ്റണ് ചർച്ചിലും അമേരിക്കന് പ്രസിഡൻറ് ഫ്രാങ്ക്ലിന് ഡി റൂസ്വെൽറ്റും ഒപ്പിട്ട അറ്റ്ലാൻറിക് ചാർട്ടറിൽ ആഗോള തർക്കങ്ങള് പരിഹരിക്കാന് ഒരു പുതിയ സമിതി രൂപവത്കരിക്കുമെന്ന തീരുമാനമാണ് സംഘടന രൂപവത്കരിക്കാൻ കാരണമായത്. അമേരിക്ക, റഷ്യ, ബ്രിട്ടൻ എന്നീ രാജ്യങ്ങളുടെ നേതൃത്വത്തിൽ 1945 ഒക്ടോബർ 24ന് 51 രാജ്യങ്ങളുമായി ഐക്യരാഷ്ട്ര സഭ ഔദ്യോഗികമായി സാൻഫ്രാൻസിസ്കോയിൽ നിലവിൽ വന്നു. ഇതിന്റെ ഓർമക്കായാണ് ലോകമെമ്പാടും ഒക്ടോബർ 24ന് യു.എൻ ദിനമായി ആചരിക്കുന്നത്. 1948 മുതലാണ് ദിനാചരണം തുടങ്ങിയത്. ആറ് ഘടകങ്ങളാണ് പ്രധാനമായും യു.എന്നിനുള്ളത്. പൊതുസഭ, സുരക്ഷാസമിതി, ട്രസ്റ്റീഷിപ് കൗൺസിൽ, അന്താരാഷ്ട്ര നീതിന്യായ കോടതി,
സാമ്പത്തികസാമൂഹിക സമിതി, സെക്രട്ടേറിയറ്റ് എന്നിവ. ഇവകൂടാതെ നിരവധി ഏജൻസികൾ യു.എന്നിനു കീഴിൽ പ്രവർത്തിക്കുന്നുണ്ട്. ന്യൂയോർക്കിലെ മാൻഹാട്ടൺ ആണ് ഐക്യരാഷ്ട്രസംഘടനയുടെ ആസ്ഥാനം.
1. ഐക്യരാഷ്ട്ര പൊതുസഭയുടെ ആദ്യ സെഷനിൽ അധ്യക്ഷത വഹിച്ച ആദ്യത്തെ തെരഞ്ഞെടുക്കപ്പെട്ട പ്രസിഡന്റ് പോൾ-ഹെൻറി സ്പാക്ക് (ബെൽജിയം) ആണ്. ബെൽജിയത്തിന്റെ വിദേശകാര്യ മന്ത്രിയായിരുന്നു അദ്ദേഹം.
2. ദക്ഷിണ കൊറിയയുടെ ബാൻ കി മൂണിന്റെ പിൻഗാമിയായി വന്ന പോർച്ചുഗലിൽനിന്നുള്ള അന്റോണിയോ ഗുട്ടെറസ് ആണ് നിലവിലെ ഐക്യരാഷ്ട്രസഭയുടെ സെക്രട്ടറി ജനറൽ.
അന്റോണിയോ ഗുട്ടെറസ്
3. യു.എൻ ജനറൽ അസംബ്ലി ഒരു പ്രസിഡന്റിനെയും 21 വൈസ് പ്രസിഡന്റുമാരെയുമാണ് തിരഞ്ഞെടുക്കുക. ഒരുവർഷമാണ് കാലാവധി. ജനറൽ അസംബ്ലി സെഷനുകളിൽ അധ്യക്ഷത വഹിക്കുന്നത് യു.എൻ പ്രസിഡന്റുമാരാണ്. 1971 മുതൽ സെക്രട്ടറി ജനറലുകൾ അഞ്ച് വർഷത്തേക്കാണ് തെരഞ്ഞെടുക്കപ്പെടുക. പ്രതിനിധികളുടെ വിവേചനാധികാരം അനുസരിച്ച് ജനറൽ സെക്രട്ടറിക്ക് രണ്ടാം തവണയും ഈ സ്ഥാനത്ത് തുടരാനാകും.
4. പടിഞ്ഞാറൻ യൂറോപ്പ്, ലാറ്റിൻ അമേരിക്ക, കരീബിയൻ, കിഴക്കൻ യൂറോപ്പ്, ഏഷ്യ, ആഫ്രിക്ക എന്നിവിടങ്ങളിൽനിന്നുള്ള അംഗരാജ്യങ്ങളിൽനിന്ന് ഓരോ വർഷവും ഊഴമനുസരിച്ച് പ്രസിഡന്റ് സ്ഥാനത്തേക്ക് ആളെ തെരഞ്ഞെടുക്കും.
5. മനുഷ്യാവകാശങ്ങളും അന്താരാഷ്ട്ര സമാധാനവും പ്രോത്സാഹിപ്പിക്കുകയും നിലനിർത്തുകയും ചെയ്യുക എന്നതാണ് ഐക്യരാഷ്ട്രസഭയുടെ പ്രധാന ചുമതല. സഹായം എത്തിക്കുന്നതിനും സംഘട്ടനങ്ങൾ തടയുന്നതിനും സമാധാനം സ്ഥാപിക്കുന്നതിനും അന്താരാഷ്ട്ര സംഘടന പ്രവർത്തിച്ചുകൊണ്ടിരിക്കുന്നു.
6. രൂപവത്കരണകാലത്ത് യു.എന്നിൽ 51 അംഗരാജ്യങ്ങളാണുണ്ടായിരുന്നത്. ഇന്ന് 193 രാജ്യങ്ങൾ ഐക്യരാഷ്ട്രസഭയിലുണ്ട്.
7. 140 രാജ്യങ്ങളിൽ കാലാവസ്ഥാ വ്യതിയാനത്തിനെതിരെ യു.എൻ ശക്തമായി പോരാടുന്നുണ്ട്. മനുഷ്യാവകാശ സംരക്ഷണത്തിനായി യു.എൻ 80 പ്രഖ്യാപനങ്ങൾ നടത്തി. നിരവധി ഉടമ്പടികളുമുണ്ടാക്കി.
8. രണ്ടാം ലോകമഹായുദ്ധകാലത്ത് അമേരിക്കൻ പ്രസിഡന്റ് ഫ്രാങ്ക്ലിൻ റൂസ്വെൽറ്റ് സഖ്യകക്ഷികളെ സൂചിപ്പിക്കാൻ ഉപയോഗിച്ചിരുന്ന പദമായിരുന്നു 'ഐക്യരാഷ്ട്രം' എന്നത്.
9. ഐക്യരാഷ്ട്രസഭയിലെ 193ാമത്തെ അംഗമാണ് ദക്ഷിണ സുഡാൻ. 2011 ലാണ് ഈ രാജ്യം യു.എന്നിൽ ചേർന്നത്.
10. ഐക്യരാഷ്ട്രസഭയുടെ ആസ്ഥാനം സ്ഥിതി ചെയ്യുന്ന ന്യൂയോർക്ക് നഗരത്തിലെ കെട്ടിടവും സ്ഥലവും ഒരു അന്താരാഷ്ട്ര പ്രദേശമായാണ് കണക്കാക്കുന്നത്.
11. ജോൺ ഡി റോക്ക്ഫെല്ലർ ജൂനിയർ ആണ് ഐക്യരാഷ്ട്രസഭയുടെ കെട്ടിടം സ്ഥാപിച്ച ന്യൂയോർക്ക് സിറ്റിയിലെ സ്ഥലം വാങ്ങിയത്. ഓസ്കാർ നീമേയർ, ലെ കോർബുസിയർ എന്നിവർ ചേർന്നാണ് കെട്ടിടം രൂപകല്പന ചെയ്തത്.
12. ഐക്യരാഷ്ട്രസഭയ്ക്ക് സ്വന്തമായി തപാൽ സ്റ്റാമ്പും പോസ്റ്റ് ഓഫിസുമുണ്ട്. വിയന്ന, ജനീവ, ന്യൂയോർക്ക് എന്നിവിടങ്ങളിലെ യു.എൻ ഓഫിസുകളിൽനിന്ന് യു.എൻ സ്റ്റാമ്പുകൾ ലഭ്യമാണ്.
13. ആറ് ഔദ്യോഗിക ആറ് ഭാഷകളാണ് യു.എൻ ഉപയോഗിക്കുന്നത് -ഇംഗ്ലീഷ്, സ്പാനിഷ്, ഫ്രഞ്ച്, അറബിക്, റഷ്യൻ, ചൈനീസ്. അതേസമയം തർജമയെ യു.എൻ പ്രോത്സാഹിപ്പിക്കുന്നുമുണ്ട്.
ഇൻറർനാഷനൽ ലേബർ ഓർഗനൈസേഷൻ
സ്ഥാപിതം: 1919
ആസ്ഥാനം: ജനീവ
ഇൻറർനാഷനൽ അറ്റോമിക് എനർജി ഏജൻസി
സ്ഥാപിതം: 1957
ആസ്ഥാനം: വിയന്ന
ഫുഡ് ആൻഡ് അഗ്രികൾചർ ഓർഗനൈസേഷൻ
സ്ഥാപിതം: 1945
ആസ്ഥാനം: റോം
യുനൈറ്റഡ് നേഷൻസ് എജുക്കേഷനൽ സയൻറിഫിക് ആൻഡ് കൾചറൽ ഓർഗനൈസേഷൻ
സ്ഥാപിതം: 1945
ആസ്ഥാനം: പാരിസ്
വേൾഡ് ഹെൽത്ത് ഓർഗനൈസേഷൻ
സ്ഥാപിതം: 1948
ആസ്ഥാനം: ജനീവ
ഇൻറർനാഷനൽ ബാങ്ക് ഫോർ റീ കൺസ്ട്രക്ഷൻ ആൻഡ് ഡെവലപ്മെൻറ്
സ്ഥാപിതം: 1944
ആസ്ഥാനം: വാഷിങ്ടൺ
വേൾഡ് മിറ്റിയറോളജിക്കൽ ഓർഗനൈസേഷൻ
സ്ഥാപിതം: 1950
ആസ്ഥാനം: ജനീവ
ഇൻറർനാഷനൽ മാരിടൈം ഓർഗനൈസേഷൻ
സ്ഥാപിതം: 1958
ആസ്ഥാനം: ലണ്ടൻ
യുനൈറ്റഡ് നേഷൻസ് ഇൻറർനാഷനൽ ചിൽഡ്രൻസ് എമർജൻസി ഫണ്ട്
സ്ഥാപിതം: 1946
ആസ്ഥാനം: ന്യൂയോർക്
വേൾഡ് േട്രഡ് ഓർഗനൈസേഷൻ
സ്ഥാപിതം: 1995
ആസ്ഥാനം: ജനീവ
യുനൈറ്റഡ് നേഷൻസ് ഡെവലപ്മെൻറ് പ്രോഗ്രാം
സ്ഥാപിതം: 1965
ആസ്ഥാനം: ന്യൂയോർക്
യുനൈറ്റഡ് നേഷൻസ് എൻവയൺമെൻറൽ പ്രോഗ്രാം
സ്ഥാപിതം: 1972
ആസ്ഥാനം: നെയ്റോബി
യുനൈറ്റഡ് നേഷൻസ് ഫണ്ട് ഫോർ പോപുലേഷൻ ആക്ടിവിറ്റീസ്
സ്ഥാപിതം: 1969
ആസ്ഥാനം: ന്യൂയോർക്
യുനൈറ്റഡ് നാഷൻസ് ഹൈകമീഷൻ ഫോർ റെഫ്യൂജീസ്
സ്ഥാപിതം: 1950
ആസ്ഥാനം: ജനീവ
യുനൈറ്റഡ് നേഷൻസ് ഇൻഡസ്ട്രിയൽ ഡെവലപ്മെൻറ് ഓർഗനൈസേഷൻ
സ്ഥാപിതം: 1966
ആസ്ഥാനം: വിയന
ഇൻറർനാഷനൽ ഫണ്ട് ഫോർ അഗ്രികൾചറൽ ഡെവലപ്മെൻറ്
സ്ഥാപിതം: 1977
ആസ്ഥാനം: റോം
യുനൈറ്റഡ് നേഷൻസ് കോൺഫറൻസ് ഓൺ േട്രഡ് ആൻഡ് ഡെവലപ്മെൻറ്
സ്ഥാപിതം: 1964
ആസ്ഥാനം: ജനീവ
യുനൈറ്റഡ് നേഷൻസ് ഇൻസ്റ്റിറ്റ്യൂട്ട് ഫോർ െട്രയ്നിങ് ആൻഡ് റിസർച്
സ്ഥാപിതം: 1963
ആസ്ഥാനം: ജനീവ
യുനൈറ്റഡ് നാഷൻസ് റിലീഫ് ആൻഡ് വർക്ക് ഫോർ ഫലസ്തീൻ റെഫ്യൂജീസ് ഇൻ ദ വെസ്റ്റ് ഏഷ്യ)
സ്ഥാപിതം: 1949
ആസ്ഥാനം: അമ്മാൻ
വേൾഡ് ഫുഡ് പ്രോഗ്രാം
സ്ഥാപിതം: 1961
ആസ്ഥാനം: റോം
യുനൈറ്റഡ് നേഷൻസ് വേൾഡ് ടൂറിസം ഓർഗനൈസേഷൻ
സ്ഥാപിതം: 1946
ആസ്ഥാനം: മാഡ്രിഡ്
വേൾഡ് ഇൻറലക്ച്വൽ പ്രോപ്പർട്ടി ഓർഗനൈസേഷൻ
സ്ഥാപിതം: 1967
ആസ്ഥാനം: ജനീവ
യുനൈറ്റഡ് നേഷൻസ് വളൻറിയേഴ്സ്
സ്ഥാപിതം: 1970
ആസ്ഥാനം: ജർമനി
യുനൈറ്റഡ് നേഷൻസ് ഓഫിസ് ഓൺ ഡ്രഗ്സ് ആൻഡ് ക്രൈം
സ്ഥാപിതം: 1977
ആസ്ഥാനം: വിയന
ഇൻറർനാഷനൽ ട്രേഡ് സെൻറർ
സ്ഥാപിതം: 1964
ആസ്ഥാനം: ജനീവ
യുനൈറ്റഡ് നേഷൻസ് ഹ്യൂമൺ സെറ്റിൽമെൻറ് പ്രോഗ്രാം
സ്ഥാപിതം: 1978
ആസ്ഥാനം: നെയ്റോബി
കോംപ്രിഹെൻസിവ് ന്യൂക്ലിയർ ടെസ്റ്റ് ബാൻ ട്രീറ്റി ഓർഗനൈസേഷൻ
സ്ഥാപിതം: 1996
ആസ്ഥാനം: വിയന്ന
ഇൻറർനാഷനൽ ഡെവലപ്മെൻറ് അസോസിയേഷൻ
സ്ഥാപിതം: 1960
ആസ്ഥാനം: വാഷിങ്ടൺ
ഇൻറർനാഷനൽ ഫിനാൻസ് കോർപറേഷൻ
സ്ഥാപിതം: 1956
ആസ്ഥാനം: വാഷിങ്ടൺ
ഇൻറർനാഷനൽ മോണിറ്ററി ഫണ്ട്
സ്ഥാപിതം: 1944
ആസ്ഥാനം: വാഷിങ്ടൺ
ഇൻറർനാഷനൽ സിവിൽ ഏവിയേഷൻ കമ്യൂണിക്കേഷൻ ഓർഗനൈസേഷൻ
സ്ഥാപിതം: 1944
ആസ്ഥാനം: മോൺട്രിയോൾ
യൂനിവേഴ്സൽ പോസ്റ്റൽ യൂനിയൻ
സ്ഥാപിതം: 1874
ആസ്ഥാനം: ബേൺ
ഇൻറർനാഷനൽ ടെലി കമ്യൂണിക്കേഷൻ യൂനിയൻ
സ്ഥാപിതം: 1865
ആസ്ഥാനം: ജനീവ
ഓർഗനൈസേഷൻ ഫോർ ദ െപ്രാഹിബിഷൻ ഓഫ് കെമിക്കൽ വെപ്പൺസ്
സ്ഥാപിതം: 1997
ആസ്ഥാനം: ഹേഗ്
മൾട്ടി ലാറ്ററൽ ഇൻവെസ്റ്റ്മെൻറ് ഗാരൻറി ഏജൻസി
സ്ഥാപിതം: 1988
ആസ്ഥാനം: വാഷിങ്ടൺ
ഇൻറർനാഷനൽ സെൻറർ ഫോർ സെറ്റിൽമെൻറ് ഓഫ് ഇൻവെസ്റ്റ്മെൻറ് ഡിസ്പ്യൂട്സ്
സ്ഥാപിതം: 1966
ആസ്ഥാനം: വാഷിങ്ടൺ
യുനൈറ്റഡ് നേഷൻസ് കാപിറ്റൽ ഡെവലപ്മെൻറ് ഫണ്ട്
സ്ഥാപിതം: 1966
ആസ്ഥാനം: ന്യൂയോർക്
യുനൈറ്റഡ് നേഷൻസ് എൻറിറ്റി ഫോർ ജെൻഡർ ഇക്വാലിറ്റി ആൻഡ് ദ എംപവർമെൻറ് ഓഫ് വിമൻ
സ്ഥാപിതം: 2010
ആസ്ഥാനം: ന്യൂയോർക്
യുനൈറ്റഡ് നേഷൻസ് പീസ് ബിൽഡിങ് കമീഷൻ
സ്ഥാപിതം: 2005
ആസ്ഥാനം: ന്യൂയോർക്
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.