അ​ഗ്ര​സി​വ് ജേ​ണ​ലി​സ​ത്തി​ന്റെ കാ​ലം

എം.​ഡി. നാ​ല​പ്പാ​ട്​ പ​ത്രാ​ധി​പ​രാ​യി​രു​ന്ന വേ​ള​യി​ലെ പ​ത്ര​പ്ര​വ​ർ​ത്ത​ന രം​ഗ​ത്തെ ന​ട​പ്പു​രീ​തി​ക​ൾ പ​ല​തും മാ​റി​മ​റി​ഞ്ഞു. അ​ക്കാ​ല​ത്ത്​ ന​ട​ന്ന സം​ഭ​വ​ങ്ങ​ൾ എ​ഴു​തു​ന്ന ലേ​ഖ​ക​ൻ ത​നി​ക്ക്​ മ​ർ​ദ​ന​മേ​ൽ​ക്കേ​ണ്ടി വ​ന്ന വാ​ർ​ത്ത​യെ​ക്കു​റി​ച്ചും എ​ഴു​തു​ന്നു.

അ​ടി​യ​ന്ത​രാ​വ​സ്ഥ​ക്കാ​ലം. കോ​ഴി​ക്കോ​ട്ട് പ​ടി​ഞ്ഞാ​റെ ന​ട​ക്കാ​വി​ലെ ഞ​ങ്ങ​ളു​ടെ ക്രി​ക്ക​റ്റ് ടീ​മി​ന്റെ ക​ളി​യ​ര​ങ്ങ് ന​ട​ക്കാ​വ് ഗേ​ൾ​സ് സ്കൂ​ളി​ന്റെ മ​തി​ലി​നോ​ട് ചേ​ർ​ന്നു​ള്ള നീ​ണ്ട നാ​ട്ടു​വ​ഴി​യാ​യി​രു​ന്നു. സ്കൂ​ൾ മെ​യി​ൻ​റോ​ഡ് മു​ത​ൽ ഡോ. ​പി.​കെ. അ​ബ്ദു​ൽ ഗ​ഫൂ​റി​ന്റെ വീ​ടു​വ​രെ ടാ​റി​ടാ​ത്ത വീ​തി​കൂ​ടി​യ റോ​ഡാ​ണ്. ഗ​ഫൂ​റി​ന്റെ മ​ക​ൻ ഫ​സ​ൽ (പി​ൽ​ക്കാ​ല​ത്ത് ഡോ. ​ഫ​സ​ൽ ഗ​ഫൂ​ർ) ടീ​മി​ലെ ത​ല​മു​തി​ർ​ന്ന അം​ഗ​മാ​ണ്. തൊ​ട്ട​വീ​ടാ​ണ് ഡോ. ​മോ​ഹ​ൻ​ദാ​സി​ന്റേ​ത്. മാ​തൃ​ഭൂ​മി മാ​നേ​ജി​ങ് എ​ഡി​റ്റ​ർ വി.​എം. നാ​യ​രു​ടെ​യും ബാ​ലാ​മ​ണി​യ​മ്മ​യു​ടെ​യും മ​ക​ൻ. ഡോ​ക്ട​റു​ടെ മ​ക്ക​ൾ അ​ജ​യ്യും മാ​ധ​വ​നും ക്രി​ക്ക​റ്റ് ടീ​മി​ലെ ക​ളി​ക്കൂ​ട്ടു​കാ​രാ​യി​രു​ന്നു. മാ​ധ​വി​ക്കു​ട്ടി​യും കു​ടും​ബ​വു​മൊ​ക്കെ ഒ​ഴി​വു​കാ​ല​ങ്ങ​ളി​ൽ സ​ഹോ​ദ​ര​ന്റെ വീ​ട്ടി​ൽ താ​മ​സി​ക്കാ​നെ​ത്തു​ന്ന​ത് നാ​ട്ടി​ലാ​കെ ഒ​രു സം​ഭ​വ​മാ​യി​രു​ന്നു. ‘എ​ന്റെ ക​ഥ’​യു​ടെ അ​ട​ക്കി​പ്പി​ടി​ച്ച ച​ർ​ച്ച ചു​മ​രു​ക​ൾ​ക്കി​ട​യി​ൽ ന​ട​ക്കും.

മാ​ധ​വി​ക്കു​ട്ടി​യു​ടെ മൂ​ത്തമ​ക​ൻ മോ​നു നാ​ല​പ്പാ​ട് ക്രി​ക്ക​റ്റ് ക​ളി​ക്കാ​നൊ​ന്നും കൂ​ടാ​റി​ല്ലെ​ങ്കി​ലും ന​ല്ല കാ​ണി​യും ക​ളി​യു​പ​ദേ​ശ​ക​നു​മാ​യി​രു​ന്നു. ക​ളി ക​ഴി​ഞ്ഞാ​ൽ ഇ​രു​ളും വ​രെ അ​ടി​യ​ന്ത​രാ​വ​സ്ഥ​യു​ടെ മ​റ​വി​ൽ ന​ട​ന്നു​വ​രു​ന്ന നി​ഗൂ​ഢ​വി​വ​ര​ങ്ങ​ൾ കേ​ൾ​പ്പി​ക്കു​മാ​യി​രു​ന്നു. അ​പ​സ​ർ​പ്പ​ക ക​ഥ പോ​ലെ ഞ​ങ്ങ​ള​ത് കേ​ട്ട് ത​രി​ച്ചു​നി​ന്നു. പൊ​ലീ​സ് മ​ർ​ദ​ന​ത്തി​ൽ മ​രി​ച്ചു​പോ​കു​ന്ന ന​ക്സ​ലൈ​റ്റു​ക​ളു​ടെ മൃ​ത​ശ​രീ​രം സ​ൾ​ഫ്യൂ​റി​ക് ആ​സി​ഡ് നി​റ​ച്ച ടാ​ങ്കി​ലേ​ക്കി​ട്ട് ഇ​ല്ലാ​താ​ക്കു​മാ​യി​രു​ന്നു എ​ന്ന​ത് ഒ​രു ഞെ​ട്ട​ലാ​യി​രു​ന്നു. അ​ത് ശ​രി​യാ​യി​രു​ന്നോ എ​ന്ന​റി​യി​ല്ലെ​ങ്കി​ലും ആ​സി​ഡ് ടാ​ങ്കി​ൽ കി​ട​ന്ന് ഉ​രു​കി​ത്തീ​രു​ന്ന മ​നു​ഷ്യ​ർ പി​ന്നീ​ട് എ​ത്ര​യോ കാ​ലം വി​ടാ​തെ പി​ന്തു​ട​ർ​ന്ന ഒ​രു ദുഃ​സ്വ​പ്ന​മാ​യി​രു​ന്നു.

കോ​ള​ജി​ലെ​ത്തി​യ​പ്പോ​ൾ ജീ​വി​തം വ​ഴി​പി​രി​ഞ്ഞു. ക്രി​ക്ക​റ്റും പ​ടി​ഞ്ഞാ​റെ ന​ട​ക്കാ​വും മോ​നു നാ​ല​പ്പാ​ടു​മൊ​ക്കെ അ​പ്ര​ത്യ​ക്ഷ​മാ​യി (1977-86 ). വീ​ണ്ടും മോ​നു നാ​ല​പ്പാ​ടു​മാ​യി ഒ​രു കൂ​ട്ടി​മു​ട്ട​ലു​ണ്ടാ​കു​ന്ന​ത് 1986 ജൂ​ൈ​ല​യി​ലാ​ണ്. ഞാ​ൻ ‘മാ​തൃ​ഭൂ​മി’ കോ​ഴി​ക്കോ​ട് ബ്യൂ​റോ​യി​ൽ റി​പ്പോ​ർ​ട്ട​റാ​യി എ​ത്തി​യ​പ്പോ​ഴാ​യി​രു​ന്നു അ​ത്. പ​ത്രാ​ധി​പ​രു​ടെ ക​സേ​ര​യി​ലി​രു​ന്ന എം.​ഡി. നാ​ല​പ്പാ​ട് പ​ണ്ടു ക​ണ്ട പ​രി​ച​യം​പോ​ലും ന​ടി​ച്ചി​ല്ല. അ​പ്പോ​ഴേ​ക്കും അ​ദ്ദേ​ഹം ‘വാ​ർ​ത്ത’​യി​ലെ മ​മ്മൂ​ട്ടി​യാ​യി വ​ള​ർ​ന്നി​രു​ന്നു. ഓ​ർ​മ​യി​ല്ലേ എ​ന്ന് സ്വ​യം പ​രി​ച​യ​പ്പെ​ടു​ത്തി​യ​പ്പോ​ൾ ‘‘ഓ ​നീ ഇ​വി​ടെ എ​ത്തി​യോ, ന​ന്നാ​യി പ​ണി​യെ​ടു​ക്ക​ണം, അ​തി​ൽ ഒ​രു കോം​പ്ര​മൈ​സും ഇ​ല്ല’’ എ​ന്ന് മു​ര​ണ്ടു . ‘മാ​തൃ​ഭൂ​മി’ ഡ​യ​റ​ക്ട​ർ​കൂ​ടി​യാ​യ പി.​വി. ഗം​ഗാ​ധ​ര​ന്റെ ‘ഗൃ​ഹ​ല​ക്ഷ്മി’ പ്രൊ​ഡ​ക്ഷ​ൻ​സ് നി​ർ​മി​ച്ച ‘വാ​ർ​ത്ത’ തി​യ​റ്റ​റി​ൽ ക​ത്തി​നി​ൽ​ക്കു​ക​യാ​ണ​പ്പോ​ൾ. ‘വാ​ർ​ത്ത’യി​ൽ തി​ര​ക്ക​ഥാ​കൃ​ത്ത് ടി. ​ദാ​മോ​ദ​ര​ൻ മാ​ഷ് മാ​തൃ​ക​യാ​ക്കി​യ​ത് നാ​ല​പ്പാ​ടി​നെ​യാ​ണ് എ​ന്നാ​യി​രു​ന്നു അ​ന്ന​ത്തെ സം​സാ​രം. ‘മാ​തൃ​ഭൂ​മി’​ക്ക​ക​ത്തെ പു​തി​യ അ​ധി​കാ​ര കേ​ന്ദ്ര​മാ​യി പ​ത്ര​മു​ട​മ​കൂ​ടി​യാ​യ പ​ത്രാ​ധി​പ​ർ മാ​റി​യി​രു​ന്നു.

എ​ഡി​റ്റോ​റി​യ​ൽ മീ​റ്റി​ങ്ങി​ൽ നാ​ല​പ്പാ​ട് ന​യം​ വ്യ​ക്ത​മാ​ക്കി: ‘‘ ന​മു​ക്ക് പ്ര​സം​ഗ​ങ്ങ​ളു​ടെ സം​സ്കാ​രം വേ​ണ്ട. ഓ​രോ പേ​ജി​ലും നെ​ഹ്റു അ​ല്ലെ​ങ്കി​ൽ ഇ​ന്ദി​ര എ​ന്ന ന​യം ഇ​നി വേ​ണ്ട. ഇ​നി വാ​ർ​ത്ത മ​തി. വാ​ർ​ത്ത സൃ​ഷ്ടി​ക്കാ​ന​റി​യു​ന്ന​വ​ർ മാ​ത്രം മ​തി ഇ​വി​ടെ. തെ​ളി​വു​ണ്ടെ​ങ്കി​ൽ നി​ങ്ങ​ൾ​ക്ക് എ​ന്തും എ​ഴു​താം. ഞാ​ൻ ഒ​പ്പ​മു​ണ്ടാ​കും. എ​ന്തു​വ​ന്നാ​ലും. 99 ശ​ത​മാ​നം നി​ങ്ങ​ൾ​ക്ക് സ്വാ​ത​ന്ത്ര്യ​മു​ണ്ടാ​കും. ഒ​രു ശ​ത​മാ​നം എ​നി​ക്ക് വി​ട്ടു​ത​ന്നേ​ക്കൂ. അ​ത് ന​മ്മു​ടെ ക​മ്പ​നി ഡ​യ​റ​ക്ട​ർ​മാ​ർ ആ​രെ​ങ്കി​ലും പ​ങ്കാ​ളി​ക​ളാ​യി ചെ​യ്ത കേ​സാ​ണെ​ങ്കി​ൽ മാ​ത്രം. എ​ഴു​തി​ക്കോ! പ​ക്ഷേ, അ​ത് കൊ​ടു​ക്ക​ണോ വേ​ണ്ട​യോ എ​ന്ന തീ​രു​മാ​നം എ​നി​ക്ക് വി​ട്ടു​ത​ര​ണം.’’ –എ​ല്ലാ​വ​ർ​ക്കും തൃ​പ്തി. അ​ന്വേ​ഷ​ണാ​ത്മ​ക പ​ത്ര​പ്ര​വ​ത്ത​നം – അ​തൊ​രു താ​ക്കോ​ൽ​വാ​ക്കാ​യി​രു​ന്നു.

റി​പ്പോ​ർ​ട്ടി​ങ്ങി​ൽ കെ. ​ജ​യ​ച​ന്ദ്ര​നാ​യി​രു​ന്നു അ​ക്കാ​ല​ത്തെ ഹീ​റോ. അ​ന്ന​ത്തെ ‘മാ​തൃ​ഭൂ​മി’ ബ്യൂ​റോ​യു​ടെ ചു​മ​ത​ല വി. ​രാ​ജ​ഗോ​പാ​ലി​നാ​യി​രു​ന്നു. എ​ൻ.​പി. രാ​ജേ​ന്ദ്ര​ൻ, വി.​എ​ൻ. ജ​യ​ഗോ​പാ​ൽ, വി. ​അ​ശോ​ക​ൻ, എം.​ഇ. ഹ​രി​ദാ​സ്, സി.​പി. വി​ജ​യ​കൃ​ഷ്ണ​ൻ, എം.​പി. ഗോ​പി​നാ​ഥ് , പി.​കെ. ര​വി, ന​രി​പ്പ​റ്റ രാ​ധാ​കൃ​ഷ്ണ​ൻ, രാ​ധാ​കൃ​ഷ്ണ​ൻ ന​മ്പി, മോ​ഹ​ൻ​ദാ​സ് രാ​ധാ​കൃ​ഷ്ണ​ൻ, എം.​പി. കൃ​ഷ്ണ​ദാ​സ്, ബി.​എം. ഗ​ഫൂ​ർ, പി. ​ബാ​ല​കൃ​ഷ്ണ​ൻ, ടി. ​ബാ​ല​കൃ​ഷ്ണ​ൻ, ത്രി​വി​ക്ര​മ​ൻ ന​മ്പൂ​തി​രി, വി. ​പ്ര​ഭാ​ക​ര​ൻ (വാ​ഗ്ഭ​ടാ​ന​ന്ദ​ന്റെ മ​ക​ൻ), കൈ​ത​പ്രം, എ. ​ജ​നാ​ർ​ദ​ന​ൻ, ഇ​ന്ന​ത്തെ സീ​നി​യ​ർ എ​ക്സി​ക്യൂ​ട്ടി​വ് എ​ഡി​റ്റ​ർ വി. ​ര​വീ​ന്ദ്ര​നാ​ഥ്... അ​ത് ‘ഗൃ​ഹ​ല​ക്ഷ്മി’​യി​ൽ പി.​ബി. ലാൽ​ക്ക​റി​ൽ ചെ​ന്നു​നി​ൽ​ക്കു​ന്നു. ആ​ണു​ങ്ങ​ളു​ടെ ലോ​ക​മാ​യി​രു​ന്നു പ​ത്രം.

റി​പ്പോ​ർ​ട്ടി​ങ് എ​നി​ക്ക് തൊ​ഴി​ലാ​യി​രു​ന്നി​ല്ല. ജ​ന​കീ​യ സാം​സ്കാ​രി​ക വേ​ദി കാ​ലം ബാ​ക്കി​െ​വ​ച്ച ‘ആ​ക്ടി​വ​ിസ’​ത്തി​ന്റെ ഒ​രു തു​ട​ർ​ച്ച​യാ​യി​രു​ന്നു. നാ​ല​പ്പാ​ടി​ന്റെ അ​ഗ്ര​സി​വ് ജേ​ണ​ലി​സം സൃ​ഷ്ടി​ച്ച മാ​ധ്യ​മ​സ്ഥ​ല​ത്ത് ആ​ക്ടി​വി​സ​ത്തി​ന് ഒ​രി​ടം തു​റ​ന്നു കി​ട്ടു​ക​യാ​യി​രു​ന്നു. ഒ​രു റി​പ്പോ​ർ​ട്ടി​നെ​ച്ചൊ​ല്ലി മ​ർ​ദ​ന​മേ​റ്റ​തോ​ടെ​യാ​ണ് പ​ത്രാ​ധി​പ​ർ നാ​ല​പ്പാ​ട് എ​ന്നെ ശ​രി​ക്കും ക​ണ്ട​ത്. നോ​ക്കി​യ​ത് എ​ന്നു​പ​റ​യാം. ത​ത്സ​മ​യം ‘മാ​തൃ​ഭൂ​മി’​യു​ടെ എ​ല്ലാ യൂ​നി​റ്റു​ക​ളി​ലും മു​ഴു​വ​ൻ ജീ​വ​ന​ക്കാ​രും ഒ​ന്നി​ച്ച​ണി​നി​ര​ന്ന പ്ര​ക​ട​ന​ങ്ങ​ൾ ന​ട​ന്നു. തി​രു​വ​ന​ന്ത​പു​ര​ത്ത് നാ​ല​പ്പാ​ട് ത​ന്നെ നേ​രി​ട്ട് പ്ര​ക​ട​നം ന​യി​ച്ചു. ലേ​ഖ​ക​ന് ഏ​റ്റ മ​ർ​ദ​നം ഒ​രു സം​ഭ​വ​മാ​ക്കി മാ​റ്റി പ​ത്രാ​ധി​പ​ർ. വാ​സ്ത​വ​ത്തി​ൽ ‘മാ​തൃ​ഭൂ​മി’​ക്ക് സം​ഭ​വി​ച്ച ഒ​രു എ​ഡി​റ്റി​ങ് പി​ശ​കാ​യി​രു​ന്നു എ​നി​ക്ക് ത​ല്ല് കി​ട്ടാ​ൻ കാ​ര​ണം എ​ന്ന​ത് ആ​രും ശ്ര​ദ്ധി​ച്ചി​ല്ല. അ​തൊ​രു സ്ത്രീ ​പീ​ഡ​ന​ കേ​സാ​യി​രു​ന്നു.

ഭ​ർ​തൃ​ഗൃ​ഹ​ത്തി​ൽ മ​രി​ച്ച നി​ല​യി​ൽ കാ​ണ​പ്പെ​ട്ട ഒ​രു ന​വ​വ​ധു​വി​ന്റെ വീ​ട്ടു​കാ​രു​ടെ വി​കാ​ര​ങ്ങ​ൾ ഉ​ൾ​ക്കൊ​ണ്ട് ത​യാ​റാ​ക്കി​യ റി​പ്പോ​ർ​ട്ടാ​യി​രു​ന്നു എ​ന്റേ​ത്. 1985-86 കാ​ല​ത്ത് ഉ​യ​ർ​ന്ന ഫെ​മി​നി​സ്റ്റ് ഭാ​വു​ക​ത്വം ഉ​ൾ​ക്കൊ​ണ്ട് മ​ര​ണാ​ന​ന്ത​ര നീ​തി​ക്കാ​യി എ​ഴു​ത​പ്പെ​ട്ട റി​പ്പോ​ർ​ട്ട് അ​ച്ച​ടി​ച്ച​ത് ക​ണ്ട് ഞാ​ൻ ഞെ​ട്ടി​പ്പോ​യി. ഭ​ർ​തൃവീ​ട്ടു​കാ​രു​ടെ പ​ക്ഷ​വും ചേ​ർ​ത്ത് പ​ത്ര​ത്തി​ൽ ഒ​ന്നാം പേ​ജി​ൽ ആ ​മ​ര​ണം ‘വ്യ​ത്യ​സ്ത​ ക​ഥ​ക​ളാ’​യാ​ണ് അ​വ​ത​രി​പ്പി​ക്ക​പ്പെ​ട്ട​ത്. ആ ​എ​ഡി​റ്റി​ങ്ങാ​യി​രു​ന്നു എ​ല്ലാ പ്ര​ശ്ന​ങ്ങ​ൾ​ക്കും നി​മി​ത്ത​മാ​യ​ത്. പ​ത്രം കി​ട്ടി​യ ഉ​ട​ൻ ഞാ​ൻ ഓ​ഫി​സി​ൽ വി​ളി​ച്ച് പ്ര​തി​ഷേ​ധം രേ​ഖ​പ്പെ​ടു​ത്തി. തൊ​ട്ടു​പി​റ​കെ മ​രി​ച്ച സ്ത്രീ​യു​ടെ വീ​ട്ടു​കാ​ർ വി​ളി​ച്ചു, കൂ​ടു​ത​ൽ വി​വ​ര​ങ്ങ​ൾ ത​രാ​നു​ണ്ട്, ഒ​ന്നു വീ​ട്ടി​ലേ​ക്ക് വ​രാ​മോ എ​ന്ന്. ഞാ​ൻ സ​മ്മ​തി​ച്ചു. ആ ​വീ​ട്ടി​ൽ ക​യ​റി​യ​തും വാ​തി​ൽ കു​റ്റി​യി​ട്ട് അ​ടി തു​ട​ങ്ങി. ചോ​ദ്യ​മൊ​ന്നും ഉ​ണ്ടാ​യി​രു​ന്നി​ല്ല.

‘‘ഞ​ങ്ങ​ളു​ടെ പെ​ങ്ങ​ളു​ടെ മ​ര​ണം നി​ങ്ങ​ൾ​ക്കൊ​ക്കെ ഒ​രു ക​ഥ​യാ​ണ​ല്ലേ’’ എ​ന്ന് ചോ​ദി​ച്ചാ​യി​രു​ന്നു ച​വി​ട്ടി​ക്കൂ​ട്ട​ൽ. ഞാ​ൻ തി​രി​ച്ചൊ​ന്നും ചെ​യ്യു​ന്നി​ല്ലെ​ന്നു ക​ണ്ട് അ​വ​ർ കൂ​ടു​ത​ൽ രോ​ഷാ​കു​ല​രാ​യി. ഒ​രാ​ൾ കൊ​ടു​വാ​ൾ എ​ടു​ക്കാ​ൻ അ​ക​ത്തേ​ക്ക് കു​തി​ച്ചു.

‘‘കൊ​ല്ല​ണം’’ – ആ​ക്രോ​ശം ഉ​ച്ച​ത്തി​ലാ​യി. മ​ര​ണം ഉ​റ​പ്പി​ച്ചു. അ​പ്പോ​ൾ അ​ക​ത്തു​നി​ന്ന് അ​വ​രു​ടെ ഉ​മ്മ​യും ബാ​പ്പ​യും പു​റ​ത്തേ​ക്ക് വ​ന്ന് മ​ക്ക​ൾ​ക്ക് ന​ടു​വി​ൽ ചാ​ടി​വീ​ണു. ‘‘ഒ​ന്നും ചെ​യ്യ​രു​തേ’’ എ​ന്ന് നി​ല​വി​ളി​ച്ചു . ‘‘മോ​ളോ പോ​യി, ഇ​നി ഒ​രു കൊ​ല​പാ​ത​ക​ത്തി​നും ഉ​ത്ത​രം പ​റ​യാ​നാ​വൂ​ലാ’’ എ​ന്ന അ​വ​രു​ടെ ക​ര​ച്ചി​ലി​ൽ മ​ക്ക​ൾ അ​ട​ങ്ങി. പു​റ​ത്ത് വാ​തി​ലി​ൽ മു​ട്ടു കേ​ട്ടു. അ​വ​രു​ടെ അ​യ​ൽ​ക്കാ​ര​നും എ​ന്റെ ബ​ന്ധു​വു​മാ​യ വെ​ള്ളി​മാ​ടു​കു​ന്ന് ലീ​ല തി​യ​റ്റ​ർ ഉ​ട​മ അ​ച്ചു​വേ​ട്ട​ൻ അ​ക​ത്തേ​ക്കു വ​ന്നു.

‘‘നീ​യെ​ന്താ ഇ​വി​ടെ’’ എ​ന്ന് ചോ​ദി​ച്ച് എ​ന്നെ​യും കൂ​ട്ടി പു​റ​ത്തേ​ക്ക് ക​ട​ന്നു. പു​റ​ത്തൊ​രു ആ​ൾ​ക്കൂ​ട്ട​മു​ണ്ടാ​യി​രു​ന്നു. അ​വ​രാ​ണ് അ​ച്ചു​വേ​ട്ട​നെ വി​വ​ര​മ​റി​യി​ച്ച​ത്. അ​ച്ചു​വേ​ട്ട​ൻ പൊ​ലീ​സി​നെ​യും വി​വ​ര​മ​റി​യി​ച്ചി​രു​ന്നു. നി​മി​ഷ​ങ്ങ​ൾ​ക്ക​കം പൊ​ലീ​സു​മെ​ത്തി. അ​ടി​ച്ച സ​ഹോ​ദ​ര​ങ്ങ​ളെ അ​റ​സ്റ്റ് ചെ​യ്തു കൊ​ണ്ടു​പോ​യി. എ​ന്നെ ബീ​ച്ചാ​ശു​പ​ത്രി​യി​ൽ അ​ഡ്മി​റ്റ് ചെ​യ്തു. ആ​ശു​പ​ത്രി​യി​ൽ പൊ​ലീ​സ് വ​ന്ന് എ​ഫ്.​ഐ.​ആ​ർ എ​ടു​ത്തു. പു​റ​ത്ത് പ​ത്രാ​ധി​പ​ർ നാ​ല​പ്പാ​ട് അ​ത് മ​ഹാ​സം​ഭ​വ​മാ​ക്കി. എ​ല്ലാ ന​ഗ​ര​ങ്ങ​ളി​ലും ‘മാ​തൃ​ഭൂ​മി’ ജീ​വ​ന​ക്കാ​ർ പ്ര​ക​ട​നം ന​ട​ത്തി. തി​രു​വ​ന​ന്ത​പു​ര​ത്ത് നാ​ല​പ്പാ​ട് ത​ന്നെ പ്ര​ക​ട​നം ന​യി​ച്ചു. പ​ത്ര​ത്തി​ൽ ഫോ​ട്ടോ അ​ട​ക്കം വ​ലി​യ വാ​ർ​ത്ത​ക​ൾ വ​ന്നു. ആ​ശുപ​ത്രി​യി​ലേ​ക്ക് രാ​ഷ്ട്രീ​യ​ക്കാ​ർ പ്ര​വ​ഹി​ച്ചു. ആ​ശു​പ​ത്രി​യി​ലേ​ക്ക് വ​രാ​നാ​കാ​ത്ത​വ​ർ എ​നി​ക്ക് ക​ത്ത​യ​ച്ചു. അ​ക്ബ​ർ ക​ക്ക​ട്ടി​ലും അ​ന​ശ്വ​ര​നാ​യ കു​ട്ടി ചി​ത്ര​കാ​ര​ൻ ക്ലി​ന്റി​ന്റെ അ​ച്ഛ​നും അ​മ്മ​യും എ​ഴു​തി​യ ക​ത്തു​ക​ൾ ഇ​ന്നും സൂ​ക്ഷി​ക്കു​ന്നു.

കേ​സ് കോ​ട​തി​യി​ൽ എ​ത്തി​യ​പ്പോ​ൾ ഞാ​ൻ പ​ക്ഷേ, കോ​ട​തി മു​മ്പാ​കെ എ​നി​ക്ക് പ​രാ​തി​യി​ല്ലെ​ന്നു പ​റ​ഞ്ഞു. ശി​ക്ഷി​ക്ക​പ്പെ​ട്ടാ​ൽ പ​ട്ടാ​ള​ക്കാ​ര​നാ​യ സ​ഹോ​ദ​ര​ന്റെ പ​ണി​പോ​കു​മാ​യി​രു​ന്നു. അ​വ​ർ വി. ​രാ​ജ​ഗോ​പാ​ൽ വ​ഴി​യും ലീ​ല തി​യ​റ്റ​ർ അ​ച്ചു​വേ​ട്ട​ൻ വ​ഴി​യും മാ​പ്പ​പേ​ക്ഷ​യു​മാ​യി എ​ത്തി​യി​രു​ന്നു. എ​നി​ക്ക​വ​രോ​ട് ഒ​രു ദേ​ഷ്യ​വും ഇ​ല്ലാ​യി​രു​ന്നു. ഞാ​ൻ പ​രാ​തി​യി​ല്ലെ​ന്നു പ​റ​ഞ്ഞ​തി​ൽ ജ​ഡ്ജി രോ​ഷാ​കു​ല​നാ​യി​രു​ന്നു എ​ന്ന് തോ​ന്നി. ‘‘സ​മ​യം മെ​ന​ക്കെ​ടീ​യ്ക്കാ​ൻ ഓ​രോ​രു​ത്ത​ന്മാ​ര്’’ എ​ന്ന ഭാ​വ​ത്തോ​ടെ ഫ​യ​ല​ട​ച്ചു. കേ​സ് വി​ട്ടു​പോ​യി.

ക​ഷ്ടി​ച്ച് ര​ണ്ടു വ​ർ​ഷം. അ​ത്ര​യേ ഞാ​ൻ റി​പ്പോ​ർ​ട്ടി​ങ്ങി​ൽ ഉ​ണ്ടാ​യി​രു​ന്നു​ള്ളൂ (86-88). ‘‘സ​ത്യം, സ​മ​ത്വം, സ്വാ​ത​ന്ത്ര്യം’’ എ​ന്ന ടാ​ഗ് ലൈ​ൻ പി​ന്നെ​യൊ​രി​ക്ക​ലും അ​ത്ര​മേ​ൽ ആ​ഴ​ത്തി​ൽ അ​നു​ഭ​വി​ച്ചി​ട്ടി​ല്ല. ഒ​രുപ​ക്ഷേ ആ ​കാ​ല​ത്തി​ന്റെ പ്ര​ത്യേ​ക​ത​കൊ​ണ്ടു കൂ​ടി​യാ​വാം അ​ത്. 1985ലാ​ണ് ഗോ​ർ​ബ​ച്ചേ​വ് സോ​വി​യ​റ്റ് യൂ​നി​യ​നി​ൽ പെ​രി​സ്ട്രോ​യി​ക്ക​യും ഗ്ലാ​സ് നോ​സ്റ്റും തു​ട​ങ്ങു​ന്ന​ത്. 1989 ന​വം​ബ​ർ 9ന് ​ബ​ർ​ലി​ൻ മ​തി​ൽ ഇ​ടി​ഞ്ഞു​വീ​ണു. സോ​വി​യ​റ്റ് പ​ത​ന​ത്തി​ന്റെ മു​ന്നോ​ടി​യാ​യി​രു​ന്നു അ​ത്. ആ​ഗോ​ളീ​ക​ര​ണ​ത്തി​ന്റെ ഉ​ദ​യ​വും. 1988-1991 കാ​ലം എ​ന്ന​ത് ഗ്രാം​ഷി ചൂ​ണ്ടി​ക്കാ​ട്ടി​യ​തു​പോ​ലെ പ​ഴ​യ​തി​ന്റെ പ​ത​ന​വും പു​തി​യ​തി​ന്റെ ഉ​യി​ർ​ത്തെ​ഴു​ന്നേ​ൽ​പി​നു​മി​ട​യി​ലെ ഒ​രു അ​ന്ത​രാ​ള​ഘ​ട്ട​മാ​യി​രു​ന്നു. പ​ത്രാ​ധി​പ​ർ എം.​ഡി. നാ​ല​പ്പാ​ടി​ന്റെ പ​ത​നം ‘മാ​തൃ​ഭൂ​മി’​യു​ടെ മാ​ത്രം ച​രി​ത്ര​മ​ല്ല. മാ​ധ്യ​മ​ഭൂ​പ​ടം മാ​റ്റി​വ​ര​ച്ച പു​തി​യ ഓ​ഹ​രി മു​ത​ലാ​ളി​ത്ത​ത്തി​ന്റെ ഉ​ദ​യ​ത്തെ അ​ത് ച​രി​ത്ര​ത്തി​ൽ അ​ട​യാ​ള​പ്പെ​ടു​ത്തു​ന്നു. ബാ​ബ​രി മ​സ്ജി​ദി​ന്റെ പ​ത​ന​ത്തി​ൽ എ​ൻ.​എ​സ്. മാ​ധ​വ​ന്റെ ‘തി​രു​ത്തി’​ലെ പ​ത്രാ​ധി​പ​ർ ചു​ല്യാ​റ്റ് വ​രു​ത്തി​യ തി​രു​ത്ത് ഭാ​വ​നാ​ത്മ​കം മാ​ത്രം. പ്ര​തി​രോ​ധി​ക്ക​പ്പെ​ടാ​ത്ത രാ​ക്ഷ​സീ​യ​മാ​യ അ​ധി​കാ​ര രൂ​പ​ങ്ങ​ളു​ടെ ക​ട​ന്നു​വ​ര​വാ​യി​രു​ന്നു ച​രി​ത്ര​മാ​കെ. ഡ​ൽ​ഹി​യി​ൽ ന​ര​സിം​ഹ​റാ​വു, റ​ഷ്യ​യി​ൽ യെ​ൽ​ത്സി​ൻ... അ​ങ്ങ​നെ രാ​ഷ്ട്ര​ഭൂ​പ​ട​ങ്ങ​ൾ ഏ​റ്റ​വും കൂ​ടു​ത​ൽ ത​വ​ണ ഏ​റ്റ​വും ചു​രു​ങ്ങി​യ സ​മ​യ​ത്തി​നു​ള്ളി​ൽ പ​ല​ത​വ​ണ മാ​റ്റി​വ​ര​ക്ക​പ്പെ​ട്ട കാ​ല​മാ​യി​രു​ന്നു അ​ത്. രാ​ഷ്ട്ര​ങ്ങ​ൾ​ക്ക​ക​ത്തെ പൊ​തു​ ഇ​ട​ങ്ങ​ളും അ​തി​ന​നു​സൃ​ത​മാ​യി അ​ഴി​ച്ചു​ പ​ണി​യ​പ്പെ​ട്ടു.

വാ​ർ​ത്ത

എ​ന്നെ ആ​ദ്യം റി​പ്പോ​ർ​ട്ട് ചെ​യ്യാ​ൻ ഏ​ൽ​പി​ച്ച സി​നി​മാ പ​രി​പാ​ടി ഹോ​ട്ട​ൽ മ​ഹാ​റാ​ണി​യി​ൽ ന​ട​ന്ന ‘വാ​ർ​ത്ത’​യു​ടെ നൂ​റാം ദി​നാ​ഘോ​ഷ​മാ​യി​രു​ന്നു – സൈ​ഡ് ലൈ​റ്റ്സ് ശ്ര​ദ്ധി​ക്ക​ണം – വി. ​രാ​ജ​ഗോ​പാ​ൽ ഉ​പ​ദേ​ശി​ച്ചു.

താ​ര​നി​ബി​ഡ​മാ​യി​രു​ന്നു മ​ഹാ​റാ​ണി. ജ​ന​പ്ര​ള​യം പു​റ​ത്തേ​ക്ക് ഒ​ഴു​കി​യെ​ത്തി​യി​രു​ന്നു. ച​ട​ങ്ങി​ന്റെ ടേ​ണി​ങ് പോ​യ​ന്റ് തി​ര​ക്ക​ഥാ​കൃ​ത്ത് ടി. ​ദാ​മോ​ദ​ര​ൻ മാ​ഷി​ന്റെ പ്ര​സം​ഗ​മാ​യി​രു​ന്നു. മാ​ഷി​ന്റെ പ്ര​സം​ഗ​ത്തി​ൽ, ച​ട​ങ്ങി​ൽ മു​ഖ്യാ​തി​ഥി​യാ​യി​രു​ന്ന മാ​ധ​വി​ക്കു​ട്ടി​യെ​ക്കു​റി​ച്ചു​ള്ള ചി​ല പ​രാ​മ​ർ​ശ​ങ്ങ​ൾ കേ​ട്ട് അ​വ​ർ സ്റ്റേ​ജി​ൽ​നി​ന്ന് എ​ഴു​ന്നേ​റ്റ് ക​ര​ഞ്ഞു​കൊ​ണ്ട് പു​റ​ത്തേ​ക്ക് ഇ​റ​ങ്ങി​യോ​ടി. സ്തബ്ധ​രാ​യ സം​ഘാ​ട​ക​ർ പി​റ​കെ​യും. റി​പ്പോ​ർ​ട്ട​ർ​മാ​ർ​ക്ക് ‘വാ​ർ​ത്ത’​ക്ക് പി​ന്നെ മ​റ്റൊ​ന്നും വേ​ണ്ടാ​യി​രു​ന്നു. ആ ​ഇ​റ​ങ്ങി​പ്പോ​ക്ക് ഒ​രു ച​രി​ത്ര​മാ​യി​രു​ന്നു.

‘മാ​തൃ​ഭൂ​മി’ ഡ​യ​റ​ക്ട​ർ​മാ​ർ ചേ​ർ​ന്നു നി​ർ​മി​ച്ച സി​നി​മ​യു​ടെ തി​ര​ക്ക​ഥാ​കൃ​ത്താ​യി​ട്ടു​പോ​ലും ദാ​മോ​ദ​ര​ൻ മാ​സ്റ്റ​റെ പി​ന്നീ​ട​ങ്ങോ​ട്ട് ‘മാ​തൃ​ഭൂ​മി’ പ​ത്ര​വും സി​നി​മാ​വാ​രി​ക​യാ​യ ‘ചി​ത്ര​ഭൂ​മി’​യും വ​ള​ഞ്ഞി​ട്ടാ​ക്ര​മി​ച്ചു. മാ​ഷെ​ക്കു​റി​ച്ച് കാ​ർ​ട്ടൂ​ൺ പ​ര​മ്പ​ര​ക്കു ത​ന്നെ ‘ചി​ത്ര​ഭൂ​മി’ തു​ട​ക്ക​മി​ട്ടു. ‘മാ​തൃ​ഭൂ​മി’ മാ​ത്ര​മ​ല്ല മ​റ്റ് പ്ര​മു​ഖ സി​നി​മാ വാ​രി​ക​ക​ളും ദാ​മോ​ദ​ര​ൻ മാ​ഷി​നെ​തി​രെ തി​രി​ഞ്ഞു. ‘നാ​ന’ ഒ​രു യു​ദ്ധ​മു​ഖം​ത​ന്നെ തു​റ​ന്നു. മാ​ധ​വി​ക്കു​ട്ടി വേ​ഴാ​മ്പ​ലി​നെ​പ്പോ​ലെ കേ​ഴു​ന്ന ഒ​രു സ്ത്രീ​യാ​യി മാ​റി എ​ന്ന മാ​ഷി​ന്റെ വി​ല​യി​രു​ത്ത​ലാ​ണ് ക​ലാ​പ​മു​യ​ർ​ത്തി​യ​ത്. അ​താ​രും പൊ​റു​ത്തി​ല്ല.

‘വാ​ർ​ത്ത’ സം​ഭ​വ​ത്തി​നു​ശേ​ഷം നാ​ല​പ്പാ​ട് ഒ​ന്നു​കൂ​ടി അ​ഗ്ര​സി​വാ​യി. ദി​ന​പ​ത്ര​ത്തി​ന് പു​റ​മെ പീ​രി​യോ​ഡി​ക്ക​ൽ​സി​ലും വേ​ണം അ​ഗ്ര​സി​വ് ജേ​ണ​ലി​സം എ​ന്ന സി​ദ്ധാ​ന്തം കൊ​ണ്ടു​വ​ന്നു.

‘‘ ‘ഗൃ​ഹ​ല​ക്ഷ്മി’​യി​ൽ ഇ​നി പ​ഴ​യ​പോ​ലെ ‘വ​നി​താ​പാ​യ​സം’ വേ​ണ്ട. അ​തും പ​ത്ര​ത്തി​ന്റെ നി​ല​പാ​ടു​ക​ൾ​ക്കൊ​പ്പം അ​ന്വേ​ഷ​ണാ​ത്മ​ക ഫീ​ച്ച​റു​ക​ളു​മാ​യി മു​ന്നോ​ട്ടു​വ​ര​ണം. ഓ​രോ ല​ക്ക​ത്തി​ലും ഒ​രു എ​ക്സ് ക്ലൂ​സി​വ് ക​വ​ർ സ്റ്റോ​റി വേ​ണം’’ – ന​യം വ്യ​ക്ത​മാ​ക്ക​പ്പെ​ട്ടു.

ആ ​ത​രം​ഗ​ത്തി​ൽ ‘ഗൃ​ഹ​ല​ക്ഷ്മി’​യി​ലെ ആ​ദ്യ ഇ​ൻ​വെ​സ്റ്റി​ഗേ​റ്റി​വ് ഫീ​ച്ച​ർ ചെ​യ്ത​ത് വി. ​അ​ശോ​ക​നാ​ണ് – വ​യ​നാ​ട്ടി​ലെ അ​പ്പ​പ്പാ​റ​യി​ൽ ആ​ദി​വാ​സി സ്ത്രീ​ക​ളെ പൊ​ലീ​സു​കാ​ർ മ​ദ്യ​പി​പ്പി​ച്ച് നൃ​ത്തംചെ​യ്യി​ച്ച സം​ഭ​വം. അ​ത് ക്ലി​ക്കാ​യി. പി.​ബി. ല​ാൽ​ക്ക​റും എ. ​ജ​നാ​ർ​ദ​ന​നു​മാ​യി​രു​ന്നു ‘ഗൃ​ഹ​ല​ക്ഷ്മി’​യു​ടെ ചു​മ​ത​ല​ക്കാ​ർ. ര​ണ്ടും മൂ​ന്നും ഫീ​ച്ച​റു​ക​ൾ എ​ന്റെ ഊ​ഴ​മാ​യി​രു​ന്നു. ഉ​രു​ൾ​പൊ​ട്ട​ലി​ന്റെ സ​മ​യ​ത്തെ വ​യ​നാ​ട്ടി​ലെ പൊ​ലീ​സു​കാ​രു​ടെ പ​ന്നി​ക്ക​ട​ത്ത് കേ​സ് റി​പ്പോ​ർ​ട്ട് ചെ​യ്ത വി​വാ​ദ സം​ഭ​വ​ത്തി​നു​ശേ​ഷം വ​യ​നാ​ട്ടി​ൽ​നി​ന്നും കോ​ഴി​ക്കോ​ട്ടേ​ക്ക് നാ​ടു​ക​ട​ത്ത​പ്പെ​ട്ട കെ. ​ജ​യ​ച​ന്ദ്ര​ൻ മൊ​ത്തം ഒ​ന്ന് പി​ൻ​വാ​ങ്ങി​യി​രു​ന്നു. ത​ന്റെ ത​ട്ട​ക​മാ​യി​രു​ന്ന മെ​ഡി​ക്ക​ൽ കോ​ള​ജും കു​തി​ര​വ​ട്ടം ചി​ത്ത​രോ​ഗാ​ശു​പ​ത്രി​യും എ​നി​ക്ക് കൈ​മാ​റി​യ സ​മ​യ​മാ​യി​രു​ന്നു അ​ത്. ‘മാ​തൃ​ഭൂ​മി’​യി​ലെ​ത്തു​ന്ന​തി​ന് മു​മ്പ​ത്തെ കോ​ഴി​ക്കോ​ട് മെ​ഡി​ക്ക​ൽ കോ​ള​ജി​ലെ സു​ഹൃ​ത്തു​ക​ൾ വാ​ർ​ത്ത​ക​ളു​ടെ ഒ​രു ഖ​നി​ത​ന്നെ​യാ​യി​രു​ന്നു എ​നി​ക്ക് ഒ​രു​ക്കി​ത്ത​ന്ന​ത്. ‘‘അ​നീ​തി​ക്കെ​തി​രെ ക​ലാ​പം ചെ​യ്യു​ന്ന​ത് ന്യാ​യ​മാ​ണ്’’ എ​ന്ന മു​ദ്രാ​വാ​ക്യ​ത്തി​ന്റെ ചൂ​ട് അ​വി​ടെ അ​പ്പോ​ഴും കെ​ട്ട​ട​ങ്ങി​യി​രു​ന്നി​ല്ല.

ചി​ത്ത​രോ​ഗാ​ശു​പ​ത്രി​യി​ലെ അ​ന്യാ​യ​ങ്ങ​ൾ​ക്കെ​തി​രെ ആ ​മെ​ഡി​ക്ക​ൽ വി​ദ്യാ​ർ​ഥി കൂ​ട്ടാ​യ്മ​ത​ന്നെ പ​ര​സ്യ​മാ​യ പ്ര​ക്ഷോ​ഭ​ത്തി​നും രം​ഗ​ത്തി​റ​ങ്ങി​യ​പ്പോ​ൾ ഞാ​നും അ​വ​ർ​ക്കൊ​പ്പം കൂ​ടി. പി​ൽ​ക്കാ​ല​ത്ത് കേ​ര​ളം ക​ണ്ട ഏ​റ്റ​വും മി​ക​ച്ച ഡോ​ക്ട​ർ​മാ​രാ​യ പെ​യി​ൻ ആ​ൻ​ഡ് പാ​ലി​യേ​റ്റി​വ് കെ​യ​റി​ന്റെ സാ​ര​ഥി​ക​ളി​ൽ ഒ​രാ​ളാ​യ ഡോ. ​കെ. സു​രേ​ഷ് കു​മാ​ർ, മെ​ഡി​ക്ക​ൽ കോ​ള​ജ് സൂ​പ്ര​ണ്ടും തൊ​റാ​സി​ക് സ​ർ​ജ​റി മേ​ധാ​വി​യു​മാ​യി​രു​ന്ന ഡോ. ​കു​ര്യാ​ക്കോ​സ്, ഇം​ഹാ​ൻ​സ് സ്ഥാ​പ​ക ഡ​യ​റ​ക്ട​ർ ഡോ. ​പി. കൃ​ഷ്ണ​കു​മാ​ർ, ഡോ. ​സു​രേ​ഷ് ബാ​ബു, ഡോ. ​മോ​ഹ​ൻ മാ​മു​ണ്ണി, ഐ. ​രാ​ജ​ൻ, ഡോ. ​ജ​ഗ​ദീ​ഷ്... പി​ന്നെ എ​ല്ലാ പ്ര​തി​രോ​ധ​ങ്ങ​ളു​ടെ​യും ആ​ത്മാ​വാ​യ ഡോ. ​ബ്ര​ഹ്മ​പു​ത്ര​ൻ... തു​ട​ങ്ങി നി​ര​വ​ധിപേ​ർ അ​ന്ന​ത്തെ മെ​ഡി​ക്ക​ൽ വി​ദ്യാ​ർ​ഥി​ക​ളു​ടെ പ​ല​ത​രം പ്ര​തി​രോ​ധ കൂ​ട്ടാ​യ്മ​ക​ളു​ടെ ഭാ​ഗ​മാ​യി​രു​ന്നു. സ​മ​ര​ത്തി​ന്റെ ഭാ​ഗ​മാ​യി കു​തി​ര​വ​ട്ടം ചി​ത്ത​രോ​ഗാ​ശു​പ​ത്രി​യി​ൽ ക​ട​ന്നു​കൂ​ടി​യ​പ്പോ​ഴാ​ണ് ‘ഉ​പേ​ക്ഷി​ക്ക​പ്പെ​ട്ട’ സെ​ല്ലി​ൽ ചി​ത്ത​രോ​ഗ​മി​ല്ലാ​ത്ത ഒ​ര​മ്മ​യെ കൊ​ണ്ടു ചെ​ന്നു ത​ള്ളി​യ സം​ഭ​വം ​ൈക​യി​ൽ കി​ട്ടു​ന്ന​ത്. ആ ​അ​മ്മ​യു​മാ​യി സം​സാ​രി​ക്കാ​ൻ ഡോ​ക്ട​ർ​മാ​ർ ത​ന്നെ അ​വ​സ​ര​മൊ​രു​ക്കി​ത്ത​രു​ക​യും ചെ​യ്തു. അ​ത് ര​ണ്ടാ​മ​ത്തെ ‘ഗൃ​ഹ​ല​ക്ഷ്മി’ ഫീ​ച്ച​റാ​യി അ​ച്ച​ടി​ച്ചു – ‘ര​ക്ത​ബ​ന്ധ​ത്തി​ന് ക​രു​ണ ന​ഷ്ട​പ്പെ​ടു​മ്പോ​ൾ’. അ​തും ക്ലി​ക്കാ​യി.

അ​തോ​ടെ, മൂ​ന്നാ​മ​ത്തെ​തി​നെ​ക്കു​റി​ച്ചു​ള്ള പ്ര​തീ​ക്ഷ വാ​നോ​ളം ഉ​യ​ർ​ന്നു. അ​തും എ​ന്നെ​യാ​യി​രു​ന്നു ഏ​ൽ​പി​ച്ച​ത്. വി​ഖ്യാ​ത​മാ​യ ഐ​സ്ക്രീം പാ​ർ​ല​ർ പെ​ൺ​വാ​ണി​ഭ കേ​സി​ന് മു​ന്നോ​ടി​യാ​യി മ​ല​യാ​ള​ത്തി​ലു​ണ്ടാ​കു​ന്ന ആ​ദ്യ​ത്തെ സ്ത്രീ ​പീ​ഡ​ന​ക്കേ​സാ​യി​രു​ന്നു അ​ത്. കോ​ഴി​ക്കോ​ട്ടെ ആ​ദ്യ ഫെ​മി​നി​സ്റ്റ് കൂ​ട്ടാ​യ്മ ‘ബോ​ധ​ന’ പി​ച്ച​െ​വ​ച്ച് പു​റ​ത്തേ​ക്കു വ​ന്ന കാ​ലം കൂ​ടി​യാ​യി​രു​ന്നു അ​ത്. അ​ജി​ത, ഗം​ഗ, സു​ഹ​റ, അം​ബു​ജം... എ​ന്നി​ങ്ങ​നെ വി​ര​ലി​ൽ എ​ണ്ണാ​വു​ന്ന​വ​രാ​ണ് നേ​തൃ​നി​ര​യി​ലു​ള്ള​ത്. ഒ​പ്പം ന​ട​ക്കാ​ൻ ഞാ​ൻ, യാ​ക്കൂ​ബ്, ഷു​ഹൈ​ബ് തു​ട​ങ്ങി വി​ര​ലി​ൽ എ​ണ്ണാ​വു​ന്ന​വ​രും. ‘ബോ​ധ​ന’​യു​ടെ ച​രി​ത്രം രേ​ഖ​പ്പെ​ടു​ത്തി​യ​പ്പോ​ൾ അ​ജി​ത പി​ൽ​ക്കാ​ല​ത്ത് രേ​ഖ​പ്പെ​ടു​ത്താ​ൻ മ​റ​ന്നു​പോ​യ ഒ​ര​ധ്യാ​യ​മാ​ണ് ‘ഗൃ​ഹ​ല​ക്ഷ്മി’​യി​ലെ പേ​ജു കീ​റ​ലും അ​തി​നെ​തി​രെ ‘ബോ​ധ​ന’ ന​ട​ത്തി​യ പ്ര​ക്ഷോ​ഭ​വും.

(തു​ട​രും)