നിന്റെ സൗഹൃദം
ഒരു നൂൽപാലമാണ്
സ്‌നേഹത്തിന്റെ,
വാത്സല്യത്തിന്റെ,
പ്രണയത്തിന്റെ
ആണിക്കുറ്റിയില്‍
ബന്ധിതമായ
നൂൽപാലം!
എന്റെ സ്‌നേഹം
നീ നാട്ടിയ
ബലിക്കല്ലില്‍
തലതല്ലിച്ചാകുന്ന
വെറും ചാവേര്‍!
സൗഹൃദമെന്നത്
നാട്യങ്ങള്‍
ഊതിനിറച്ച
ബലൂണുകളാണ്!
ഭ്രമകൽപനകളുടെ
നിറമാണതിന്.
വീണ്ടുവിചാര
മില്ലാതൊന്ന്
പെരുമാറിയാല്‍മതി
ബന്ധങ്ങളുടെ
കാറ്റുപോകാന്‍!
സത്യത്തില്‍
സൗഹൃദം
ശുദ്ധസ്‌നേഹത്തിന്റെ
കശാപ്പുകാരനാണ്,
പാപബോധത്തിന്റെ
കീഴാളനാണ്,
മൗനത്തിന്റെ
പാട്ടുകാരനും
വഞ്ചകരുടെ
തോഴനുമാണ്.
നോക്കൂ,
അനുരാഗത്തിന്റെ
ഞാറ്റടിയോരത്ത്
ഒറ്റക്കിരുന്നാരോ
പാടുകയാണ്
ഏതോ രാക്കിളിക്കായി..
ഈ രാത്രിയിലും...
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.