മമ്മൂട്ടിയും ഡെന്നിസ് ജോസഫും
മമ്മൂട്ടി എന്ന് കേൾക്കുേമ്പാൾ തിയറ്ററുകളിൽ ജനം കൂവുന്ന അവസ്ഥ വരെ എത്തി. ഞങ്ങളുടെ മാത്രമല്ല, മമ്മൂട്ടിയുടെ മറ്റു പടങ്ങളും പൊളിഞ്ഞുകൊണ്ടിരുന്നു. 'വീണ്ടും', 'സായംസന്ധ്യ' എന്നീ പൊളിഞ്ഞ പടങ്ങൾ ഇപ്പോൾ ടി.വിയിൽ വരുേമ്പാൾ പലരുംവിളിച്ച് ചോദിക്കാറുണ്ട്: ''ഇതിനെന്താ അന്ന് സംഭവിച്ചത്? മറ്റേ പടത്തിനേക്കാൾ ഇത് നല്ലതാണല്ലോ?'' എന്നൊക്കെ. പക്ഷേ, അന്ന് ഇൗ സിനിമകളൊക്കെ വമ്പൻ പരാജയത്തിലേക്ക് വീഴുകയായിരുന്നു. ജോഷി-ഡെന്നിസ് ജോസഫ് ടീം സിനിമയിൽനിന്ന് ഇല്ലാതെയാകുന്ന ഒരവസ്ഥ വരെ ആയി. മമ്മൂട്ടിയെവെച്ച് സിനിമ എടുക്കാൻ ആരും വരുന്നില്ല. കാരണം അന്വേഷിച്ചാൽ അന്നും ഇന്നും പ്രത്യക്ഷത്തിൽ പറയാവുന്ന ഉത്തരം ഇല്ല. മോഹൻലാൽ അപ്പുറത്ത് എല്ലാപടങ്ങളും വിജയിച്ചുനിൽക്കുന്നു.
ജോയ് േതാമസ് മറ്റു നിർമാതാക്കളിൽനിന്ന് വ്യത്യസ്തനാണ്. മമ്മൂട്ടിയും മോഹൻലാലും അഭിനയിച്ച പടങ്ങൾ ജോയിക്ക് സൂപ്പർഹിറ്റ് ആയി കിട്ടിയിട്ടുണ്ട്. അധിക സിനിമകളിലും മമ്മൂട്ടി ആയിരുന്നു. മമ്മൂട്ടിയുടെ പടങ്ങളുടെ പരാജയം ജോയിയെയും ജോഷിയെയും വല്ലാതെ വിഷമിപ്പിച്ചു. അവർ രണ്ടുപേരും വളരെ ആത്മാർഥതയോടെ മമ്മൂട്ടിയെ തിരികെ കൊണ്ടുവരണമെന്ന് ആഗ്രഹിച്ചു. ഇന്നത്തെ നിലക്ക് ചിന്തിച്ചാൽ പലരും മൂക്കത്ത് കൈവെക്കും. കാരണം മമ്മൂട്ടിയുടെ തോളിൽ കൈയിട്ട് നടന്നിരുന്ന പല വമ്പൻ നിർമാതാക്കളും ആ മഹാനടനെ തിരിഞ്ഞുനോക്കാത്ത ഒരു കാലത്താണ് ഇങ്ങെന ഒരു അത്ഭുതം.
േജായിക്കും േജാഷിക്കും മോഹൻലാലിെൻറ ഡേറ്റ് ഒരു പ്രശ്നമേയല്ല. സിനിമയുടെ സ്വഭാവത്തിനനുസരിച്ച് അടുത്ത ഹീറോയെ തേടിപോകാം. എന്നാൽ ജോയിയും േജാഷിയും അങ്ങനെ ചെയ്തില്ല. മമ്മൂട്ടിയെ തിരികെ കൊണ്ടുവരാൻ എന്തും ചെയ്യുമെന്ന വാശിയായി. അതിനുപിന്നിൽ അവർക്ക് മമ്മൂട്ടിയോടുള്ള സ്നേഹം മാത്രം.അങ്ങനെ മമ്മൂട്ടിക്കുവേണ്ടി പല കഥകൾ ഞങ്ങൾ ആലോചിക്കുേമ്പാൾ എനിക്ക് പണ്ട് സ്കൂളിൽ പഠിച്ച ഒരു പാഠഭാഗം ഒാർമവന്നു. 'പയ്യമ്പള്ളി ചന്തു'. ഉദയാ സിനിമകളുടെ രീതിയിൽ 'പയ്യമ്പള്ളി ചന്തു' സിനിമ ആക്കിയാലോ എന്ന് ആലോചിച്ചു. േജായിക്കും ജോഷിക്കും അത് ഇഷ്ടപ്പെട്ടു. അന്ന് 'വടക്കൻ വീരഗാഥ' വന്നിട്ടില്ല.
ഉദയാ പടങ്ങളുടെ അതേ ചട്ടക്കൂടാണ് ഞങ്ങൾ ഉദ്ദേശിച്ചത്. നല്ല പാട്ടുകളോടെ ശരിക്കും കമേഴ്സ്യൽ ആയ ഒരു പടം. 'പയ്യമ്പള്ളി ചന്തു' തച്ചോളി ഒതേനെൻറ സ്നേഹിതനും ഗുരുവുമാണ്. ഒതേനനെ അവസാനത്തെ അങ്കത്തിന് പൂഴിക്കടകൻ പഠിപ്പിച്ചുവിടുന്നത് പയ്യമ്പള്ളി ചന്തുവാണ്. പക്ഷേ ഇൗ പയ്യമ്പള്ളി ചന്തുവിന് പിന്നീട് ഒരു ദുരന്തകഥ ഉണ്ട്.ഞങ്ങൾ അത് ചെയ്യാൻ പദ്ധതിയിട്ടപ്പോഴാണ് പ്രിയദർശൻ-സാജൻ ഗ്രൂപ് മോഹൻലാലിനെ വെച്ച് ഒരു വലിയ വടക്കൻപാട്ട് സിനിമ ചെയ്യാനുള്ള ആലോചന വരുന്നത്. അത് കേട്ടപ്പോൾ ജോയിക്കും േജാഷിക്കും ബുദ്ധിമുട്ട് തോന്നി. മോഹൻലാലിെൻറ ഒരു സിനിമയോട് അതേ വടക്കൻപാട്ട് വെച്ച് നമ്മളും ഒരു മത്സരം വേണ്ട എന്നുപറഞ്ഞ് 'പയ്യമ്പള്ളി ചന്തു' വേണ്ടെന്നുവെച്ചു. ഇതിനിടക്ക് കോരച്ചേട്ടനോടും ചോദിച്ചു. ''വേണ്ട'' എന്ന് അദ്ദേഹവും ഉറപ്പിച്ചു.
അങ്ങനെയാണ് ഞാൻ പെെട്ടന്ന് ഒരു കഥ പറയുന്നത്. അത് ഒരു യഥാർഥ സംഭവമാണ്, കേട്ടുകേൾവിയുമാണ്. ഒരു അമേരിക്കൻ പ്രസിഡൻറിനെ കൊല്ലാൻ അവിടത്തെ ഒരു ചെറുകിട ടാബ്ലോയ്ഡ് പത്രക്കാരൻ തീരുമാനിക്കുന്നു. പത്രക്കാരൻ പൊളിഞ്ഞ് നശിച്ചുനിൽക്കുകയാണ്. അയാൾ, തനിക്കായിട്ട് മാത്രം ഒരു വാർത്ത സൃഷ്ടിക്കാൻവേണ്ടി സ്വന്തം ഭ്രാന്തൻബുദ്ധിയിൽ അമേരിക്കൻ പ്രസിഡൻറിനെ കൊല്ലാൻ വേണ്ടി ക്വേട്ടഷൻ കൊടുക്കുകയാണ്.
'ന്യൂ ഡെൽഹി': ത്യാഗരാജൻ, മോഹൻ ജോസ്, സിദ്ദീഖ്, മമ്മൂട്ടി, വിജയരാഘവൻ തുടങ്ങിയവർ
ക്വേട്ടഷൻ ഗ്രൂപ്പുകാരുമായി കൃത്യമായി പ്ലാൻചെയ്ത്, ഇത്രമണിക്ക് ഇന്ന സ്ഥലത്തുവെച്ച് വെടിവെക്കുന്നു, കൊല്ലുന്നു. മരണം നടക്കുന്നതിെൻറ തലേദിവസം അയാൾ പത്രം അടിച്ചുവെച്ചു. കൃത്യം രണ്ടുമണിയോ മൂന്നുമണിയോ ആണ് മരണം പ്ലാൻ ചെയ്തുവെച്ചിരിക്കുന്നത്. രണ്ടേമുപ്പതിന് അയാൾ പത്രം പുറത്തിറക്കി. പക്ഷേ കൊലപാതകം നടന്നില്ല. ക്വേട്ടഷൻ ചീറ്റിപ്പോയി. അങ്ങനെ അയാൾ പിടിക്കപ്പെട്ടു. കേട്ടുകേൾവിയിലെ കഥയാണ്. സത്യമോ മിഥ്യയോ എന്നറിയില്ല.
ഇൗ സംഭവവുമായി ബന്ധപ്പെട്ട് പല ഇംഗ്ലീഷ് നോവലുകളും വന്നിട്ടുണ്ട്. ഇങ്ങനെ ഒരു കഥാസാരംവെച്ച്, സ്വന്തം മീഡിയ ശ്രദ്ധിക്കപ്പെടാൻ വേണ്ടി, വാർത്ത സൃഷ്ടിക്കുന്ന ഒരു ക്രിമിനൽ ജീനിയസിെൻറ കഥ എടുത്താലോ എന്നാണ് ഞങ്ങൾ ആദ്യം ആലോചിച്ചത്. പക്ഷേ വാർത്ത സൃഷ്ടിക്കാനും പത്രം വളർത്താനുംവേണ്ടി മാത്രം 'ക്രിമിനൽ ജീനിയസ്' ഇങ്ങനെ ഇറങ്ങി തിരിക്കുന്നു എന്നുപറയുന്നത് ഇന്ത്യൻ സിനിമയിൽ അംഗീകരിക്കപ്പെടുന്ന ഒരു തീം അല്ലെന്ന് തോന്നി. അയാൾ അങ്ങനെ ചെയ്യാൻ ഒരു കാരണം കണ്ടെത്തണം. തന്നെ നശിപ്പിച്ചവർക്കെതിരെ തിരിച്ചടിക്കാൻ അയാൾ ഇതൊരു ആയുധമാക്കുന്നു എന്ന രീതിയിലുള്ള പറഞ്ഞുപഴകിയ കഥാതന്തുതന്നെയാണ് ഞങ്ങൾ എടുത്തത്. അതായത്, എന്നെ തല്ലിയവനെ ഞാൻ തല്ലി എന്നുപറയുന്ന സാധാരണ പ്രതികാര കഥ. അതിനെ ഒരു പത്രമാപ്പീസിെൻറ പശ്ചാത്തലത്തിലേക്ക് കൊണ്ടുവന്നു. ഡൽഹിയിൽവെച്ച് ഒരു ഇംഗ്ലീഷ് പത്രാധിപർ ആയിരിക്കണം ഇത് ചെയ്യുന്നത് എന്നൊരു ആശയം പറഞ്ഞപ്പോൾ പെെട്ടന്ന് േജായിയും ജോഷിയും ഒക്കെ ചോദിച്ചു: ''എന്താണ് അതിെൻറ ഒരു സംഗതി? നമ്മൾ ഇത്രയും ബുദ്ധിമുട്ടി നിൽക്കുന്ന ഒരു സമയത്ത് ഡൽഹിയിൽപോയി മമ്മൂട്ടിയെവെച്ച് സിനിമ എടുത്താൽ അത് വലിയ ചെലവിലേക്ക് പോകും. എന്താണ് നീ ഡൽഹി വേണമെന്ന് പറയുന്നത്?'' എന്ന് അവർ എന്നോടു ചോദിച്ചു. ഞാൻ എെൻറ ഒരു വാദഗതി പറഞ്ഞു:
'ന്യൂെഡൽഹി' എടുക്കുന്ന സമയത്ത് ഇന്ദിരഗാന്ധി വെടിയേറ്റു മരിച്ചിട്ട് വർഷങ്ങളേ ആയുള്ളൂ. നമ്മൾ സാധാരണക്കാർക്ക് അത്ര പരിചിതമല്ല ഡൽഹി. എന്തും നടക്കുന്ന ഒരു നഗരം എന്നൊരു ഇമേജ് ഡൽഹിക്കുണ്ട്. മുംബൈയിൽ ഒക്കെ ഒരുപാട് ഹിന്ദി പടങ്ങൾ നടന്നിട്ടുണ്ട്. ഡൽഹി സാധാരണക്കാർ അങ്ങനെ കണ്ടിട്ടില്ല. അന്ന് ടി.വി ഇത്രയും ശക്തമല്ല. ഡൽഹിയുടെ പശ്ചാത്തലത്തിൽ ഒരു അവിശ്വസനീയ കഥപറഞ്ഞാൽ വിശ്വസനീയത താനേ വരും. ഇത് കേരളത്തിൽ നടക്കുന്നതുപോലെ എടുത്താൽ മനോരമയുടെയോ മാതൃഭൂമിയുടെയോ പത്രാധിപർ ഇങ്ങനെ ചെയ്യുമോ എന്ന് സംശയിച്ച് ജനങ്ങൾക്ക് അവിശ്വാസ്യത ഉണ്ടാകും.
സാധാരണ ഒരു നിർമാതാവ് അത് സമ്മതിക്കില്ല. അന്നത്തെ നിലക്ക് േനരെ ഒരു മലയാള സിനിമയുടെ ഇരട്ടി ചെലവിലേക്ക് പോവുകയാണ്. പക്ഷേ ജോയി വ്യത്യസ്തനായതുകൊണ്ട് ഉടൻ ഒാ.കെ പറഞ്ഞു. കഥ ഒരു ഖണ്ഡിക മാത്രമേ േജായി കേട്ടിട്ടുള്ളൂ. അങ്ങെന 'ന്യൂെഡൽഹി'ക്കുള്ള ഒരുക്കമായി.
സിനിമാരംഗത്ത് ഉള്ള പലരും േജായിക്ക് വട്ടാണെന്ന് പറഞ്ഞു. േജായിയുടെ കാശ് ആണല്ലോ പോകുന്നത്. എനിക്കും ജോഷിക്കും ഒന്നും നഷ്ടപ്പെടാനില്ല. അവന്മാർ എങ്ങനെയും ജോയിയെ വളച്ച് അടുത്തപടം ഉണ്ടാക്കുകയാണ് എന്ന മട്ടിലായി പലരുടെയും സംസാരം.
ഒരുപാട് തവണ ഞാൻ തിരക്കഥ എഴുതി. ഒരു പ്രാവശ്യം ഫുൾസ്ക്രിപ്റ്റ് എഴുതി ജോഷി തന്നെ ഒ.കെ െചയ്തു. ''നീ ഇനി ഒന്നും മാറ്റരുത്, തൊടരുത്'' എന്ന് വിലക്കിയതാണ്. പക്ഷേ അഞ്ചെട്ട് സിനിമകൾ ഒന്നിച്ച് പരാജയപ്പെട്ടതുകൊണ്ട് സത്യംപറഞ്ഞാൽ ഞാൻ തന്നെ എഴുതിയത് തീരെ തൃപ്തി വരാതെ എനിക്ക് കീറിക്കളയേണ്ടി വന്നു.
അങ്ങനെ ജോഷിയുടെ കൂടെ ഡൽഹിക്ക് വിമാനത്തിൽ പുറപ്പെടുേമ്പാൾ ആകെ പതിമൂന്ന് സീനേ എെൻറ കൈയിലുള്ളൂ. അത് ഞാൻ മടക്കി പോക്കറ്റിൽ ഇട്ടിരിക്കുകയാണ്. ഫ്ലൈറ്റിൽവെച്ച് ജോഷി അത് വായിച്ചു: ''ബാക്കി എവിടെ?'' എന്ന് ചോദിച്ചു. ''ബാക്കി ഞാൻ കീറികളഞ്ഞു'' എന്നു കേട്ടപ്പോൾ ജോഷി ഞെട്ടിയതേയില്ല. ബാക്കിഭാഗം കേരള ഹൗസിൽ ഇരുന്ന് അന്നന്ന് ഷൂട്ട് ചെയ്യാനുള്ളത് അപ്പപ്പോൾ എഴുതി. അതാണ് 'ന്യൂെഡൽഹി' എന്ന സിനിമ. അതു മാത്രമല്ല, ഇന്നും അത് കാണുേമ്പാൾ ഒരു പഴയ സിനിമ ആണെന്ന് തോന്നുന്നതേയില്ല. ഒരു പുതിയ സിനിമ കാണുന്നതുപോലെ എന്ന് പലരും പറയാറുണ്ട്
എനിക്കും ജോഷിക്കും ജോയിക്കുമെല്ലാം ജീവിതത്തിലും തൊഴിൽമേഖലയിലും ഒരുപാട് നേട്ടങ്ങൾ തന്ന സിനിമയാണ് 'ന്യൂെഡൽഹി'. ഷൂട്ട് ചെയ്യാനുള്ളത് നിത്യേന എഴുതി ചെയ്ത ആ സിനിമ പൂർത്തിയാക്കാൻ ജോഷി എടുത്തത് ആകെ ഇരുപത്തിരണ്ട് ദിവസം. അതെ, ഇരുപത്തിരണ്ട് ദിവസംകൊണ്ട് ആ സിനിമയുടെ വർക്ക് തീർന്നു!
കേരള ഹൗസിൽ എല്ലാവർക്കുമൊന്നും മുറി ഉണ്ടായിരുന്നില്ല. ആകെ അഞ്ച് മുറിയേ ഞങ്ങൾക്ക് അവിടെ കിട്ടിയുള്ളൂ. എനിക്കും ജോഷിക്കും മമ്മൂട്ടിക്കും ജോയിക്കും സുമലതക്കും മുറികിട്ടി. ബാക്കിയുള്ളവർ പുറത്താണ് താമസിച്ചത്.
േജായിയെ പോലെ 'പെർെഫക്ട്' എന്നുപറയാവുന്ന പ്രൊഡ്യൂസറെ ഇക്കാല സിനിമാ ജീവിതത്തിനിടയിൽ ഞാൻ കണ്ടിട്ടില്ല. കാരണം ഡൽഹിയിൽ ഷൂട്ട് ചെയ്യാൻ പോകുേമ്പാൾ, ആഹാരമൊക്കെ നമ്മുെട ആൾക്കാർ തന്നെയാണ് പാചകം ചെയ്യുന്നത്. ജോയി മുളകുപൊടി, മല്ലിപ്പൊടി എന്നിവയൊക്കെ ഷൂട്ടിങ് തുടങ്ങുന്നതിനു ആഴ്ചകൾക്കുമുമ്പ് വീട്ടിൽതന്നെ ഉണക്കി പൊടിപ്പിച്ചെടുത്ത് എല്ലാവക സാധനങ്ങളുമായാണ് ഡൽഹിയിൽ പോകുന്നത്. വെളിച്ചെണ്ണ അടക്കം. കാശ് ലാഭിക്കാൻ വേണ്ടിയല്ല. അതൊക്കെ ഡൽഹിയിൽ കിട്ടിയില്ലെങ്കിലോ എന്നോർത്ത്.
പക്ഷേ, ഡൽഹിയിലെ കുഴപ്പം അതല്ല. അതിനുമുമ്പ് ഡൽഹിയിൽ സിനിമ ഷൂട്ട് ചെയ്ത പരിചയം മലയാള സിനിമക്കില്ല. ഡൽഹി പലരും ആദ്യംകാണുകയാണ്. ഞാൻ ചെറുപ്പത്തിൽ അച്ഛനു ജോലി അവിടെയായിരുന്നതുകൊണ്ട് നാലു വയസ്സിലോ മറ്റോ പോയിട്ടുണ്ടെന്നുള്ളത് ഒഴിച്ചാൽ ഡൽഹി പിന്നീട് കാണുന്നത് ഷൂട്ടിങ്ങിന് ചെല്ലുേമ്പാഴാണ്. അവിടെ ഷൂട്ടിങ് നടന്നത് ജോയി തോമസ് എന്നുപറയുന്ന മനുഷ്യെൻറ ചങ്കൂറ്റംകൊണ്ട് മാത്രം.
'ന്യൂെഡൽഹി' എന്ന സിനിമയെക്കുറിച്ച് പറയുേമ്പാൾ ഒരു പാട് പേരുടെ സേവനം ഒാർമിക്കണം. അതിൽ ഏറ്റവും പ്രധാനം മരിച്ചുപോയ കോൺഗ്രസ് നേതാവ് സി.കെ. ജീവൻ ആണ്. സി.കെ. ജീവൻ പാലായിൽ കെ.എം. മാണിക്ക് എതിരെ ഇടതു സ്വതന്ത്രനായി നിന്നയാളാണ്. എൻ.എസ്.യുവിെൻറ പ്രസിഡൻറായിരുന്നു. ജോയിയുടെ അടുത്ത സുഹൃത്താണ് ജീവൻ. ജീവന് അന്ന് ഡൽഹിയിൽ ശക്തമായ സ്വാധീനമുണ്ട്. ജീവൻ വഴി മുഖ്യമന്ത്രി കെ. കരുണാകരൻ, വയലാർ രവി, രാജീവ്ഗാന്ധിയുടെ പ്രൈവറ്റ് സെക്രട്ടറി േജാർജ്, പണിക്കേഴ്സ് ട്രാവൽസിലെ പണിക്കരു ചേട്ടൻ, അദ്ദേഹത്തിെൻറ മകൻ ബാബു... ഇങ്ങനെ മറക്കാൻ പറ്റാത്ത ഒരുപാട് പേരുെട സഹായം ഉണ്ടായിരുന്നു.
എനിക്ക് വ്യക്തിപരമായി വിക്ടർ ജോർജിെൻറ സഹായമുണ്ടായി. വിക്ടർ അക്കാലത്ത് മനോരമയിൽ ഫോേട്ടാഗ്രാഫർ ആയി ഡൽഹിയിൽ ആണ്. ലൊേക്കഷനുകൾ പലതും കണ്ടിട്ടില്ല. ദിവസവും രാവിലെ വിക്ടർ വരും. അവനൊരു സ്കൂട്ടർ ഉണ്ട്. ആ സ്കൂട്ടറിെൻറ പിറകിൽ ഇരുന്നിട്ടാണ് പല സ്ഥലങ്ങളും ഞാൻ കാണുന്നത്. ജോഷിയും ജോയിയും പോലും അറിയാതെ ഞാൻ പല സ്ഥലങ്ങളും കണ്ടിട്ടാണ് സീൻ തീരുമാനിക്കുന്നത്. പിന്നെ പലപ്പോഴും ഡൽഹിയിലുള്ള പല സ്ഥലങ്ങളും കാണാൻവേണ്ടി ജീവൻ പലരെയും പറഞ്ഞുവിടും. ഹിന്ദിയൊക്കെ അറിയാവുന്നവർ വേണമല്ലോ. ജീവൻ പറഞ്ഞുവിട്ട അന്നത്തെ ആളുകളിൽ പലരും ഇന്നത്തെ ഉത്തരേന്ത്യൻ നേതാക്കളും കേരളത്തിെൻറ കാര്യം തീരുമാനിക്കുന്ന എ.െഎ.സി.സിയുടെ പ്രമുഖ നേതാക്കളുമാണ്.
കേരള ഹൗസിൽ ആണ് പല സീനുകളും ചിത്രീകരിച്ചത്. കെ. കരുണാകരൻ ഒരു വാക്ക് പറഞ്ഞാൽ മതി ''അവർക്ക് വേണ്ടത് ചെയ്തുകൊടുക്ക്.'' അതിെൻറ മുഴക്കം ഡൽഹിയിൽ എവിടെയും കേൾക്കാമായിരുന്നു. പണ്ടെന്നോ കണ്ട ഒരു സിനിമയിൽനിന്ന് മനസ്സിൽ പതിഞ്ഞ ഒന്നാണ് ക്യാപ്സ്യൂൾ പോലുള്ള ലിഫ്റ്റ്. അന്ന് അത് പുതുമയാണ്. ഇന്ന് സാധാരണം. ലിഫ്റ്റിന് ചുറ്റും ഗ്ലാസ് ആണ്. ഒരു ഹോട്ടലിെൻറ ലോബിയിൽനിന്ന് മുകളിലേക്ക് പോകാനും താഴേക്ക് വരാനുമായി രണ്ട് ലിഫ്റ്റ് ഉണ്ട്. ലോബിയിൽനിന്നാൽ ആൾക്കാർ മുകളിലേക്ക് പോകുന്നതും താഴേക്ക് വരുന്നതും കാണാം.
'ന്യൂ െഡൽഹി'യിൽ ഒരു സീനിൽ ആ ലോബിയിൽനിന്ന് ഇത്തരം ലിഫ്റ്റിൽ മമ്മൂട്ടിയും സുമലതയും താഴേക്ക് വരുന്നതും എതിരാളികൾ ലിഫ്റ്റിൽ മുകളിലേക്ക് വരുന്നതും ആയ ഒരു ത്രില്ലിങ് സീൻ ഉണ്ടാക്കാമെന്ന് ഞാൻ പറഞ്ഞപ്പോൾ ജോയി അതംഗീകരിച്ചു. സെഞ്ച്വറി ഹോട്ടൽ ആയിരുന്നു അത്. അവിടെ ഞാനും ജോഷിയും ജോയിയും ചെല്ലുന്നു. ഷൂട്ട് ചെയ്യാൻ അവർ സമ്മതിച്ചു. പക്ഷേ, ഒരു മണിക്കൂറിന് ഇരുപതിനായിരം രൂപ നൽകണം. അന്ന് അത് വലിയ തുകയാണ്. അഞ്ചാറ് മണിക്കൂർ ഷൂട്ട് ചെയ്താലേ ആ സീൻ തീരൂ. അതിന് മാത്രമായി ഒരു ലക്ഷം രൂപക്ക് മുകളിൽ വരും. ആ സിനിമയിൽ മമ്മൂട്ടിയുടെ പ്രതിഫലം ഒരു ലക്ഷം രൂപയാണെന്നോർക്കണം. അവിടെ ഒരു ദിവസത്തെ ഷൂട്ടിങ്ങിന് മാത്രം ഒന്നേകാൽ ലക്ഷം രൂപ ചെലവഴിക്കണം എന്ന് പറഞ്ഞപ്പോൾ തന്നെ ഞാനും ജോഷിയും അത് വേണ്ടെന്ന് വെച്ചു. ഞങ്ങളെ അമ്പരപ്പിച്ചുകൊണ്ട് ജോയി പറഞ്ഞു: ''ഒരു കാരണവശാലും അത് വേണ്ടെന്ന് വെക്കേണ്ട.''
ജോയിക്ക് ആ സ്ഥലം കണ്ടതോടുകൂടി ഇങ്ങനെ ഒരു സീനിനു വേണ്ടി ഒരു ലക്ഷം രൂപ പോയാലും കുഴപ്പമില്ലെന്ന് തോന്നി. പക്ഷേ, അവിടെയും ജോയിയുടെ സഹജമായ ദൈവാനുഗ്രഹംകൊണ്ട് ഹോട്ടൽ മാനേജർ അനുവാദം തന്നു. അതായത് ഒരു പൈസയും വേണ്ട. സെഞ്ച്വറി ഹോട്ടലിെൻറ ബോർഡ് ഒന്നു രണ്ടു പ്രാവശ്യം കാണിച്ചാൽ മാത്രം മതി. എയർ ഇന്ത്യയുടേതാണ് ഹോട്ടൽ. അതിെൻറ മാനേജർ ഒരു മലയാളി ആണ്. ഒരു മലയാള സിനിമയുടെ ഷൂട്ടിങ്ങിനുവേണ്ടിയാണെന്ന് അറിഞ്ഞപ്പോൾ സന്തോഷത്തോടെ അനുവാദം തരുകയായിരുന്നു. യൂനിറ്റിനാകെ അന്ന് ഉച്ചക്ക് ഭക്ഷണം ഫ്രീ ആയി തരുകയും ചെയ്തു
പറഞ്ഞുവന്നത് പ്രതീക്ഷിക്കാത്ത ഒരുപാട് മേഖലകളിൽനിന്നും ദൈവാനുഗ്രഹം കിട്ടിയ സിനിമയാണ് 'ന്യൂെഡൽഹി' എന്നാണ്. സെറ്റിൽ ഇരുന്ന് എഴുതി ഷൂട്ട് ചെയ്തുകൊണ്ടിരുന്നെങ്കിലും പടത്തിെൻറ ക്ലൈമാക്സ് എന്താവണമെന്ന ധാരണ എനിക്ക് കിട്ടിയില്ല. സിനിമ അസാധാരണവും മലയാളത്തിൽ അതുവരെ വരാത്ത തരത്തിലുള്ളതും ഞങ്ങൾക്കെല്ലാം വളരെ ആത്മവിശ്വാസവും അഭിമാനവും തോന്നിക്കുന്നതുമാണ്. പക്ഷേ, ഒത്ത ക്ലൈമാക്സ് കിട്ടിയില്ല. പല തരത്തിലും ഞാൻ ആലോചിച്ചു; ചിലതൊക്കെ എഴുതി നോക്കി. എല്ലാം സിനിമയുമായി ഒത്തുനോക്കിയാൽ പരമബോറ്. ഒന്നും ശരിയാകുന്നില്ല.
എന്തു ചെയ്യും എന്ന ആശയക്കുഴപ്പത്തിൽ നിൽക്കുന്ന ദിവസം. കേരള ഹൗസിൽ രാവിലെ വരുന്ന പത്രം ടൈംസ് ഓഫ് ഇന്ത്യ ആണ്. അതിെൻറ മുൻപേജിൽ ഒരു ബോക്സ് ന്യൂസ്. ഒരു പ്രിൻററുടെ കൈപ്പത്തി അറ്റുപോയി. അയാൾ പ്രസിൽ പ്രിൻറ് ചെയ്തുകൊണ്ടിരുന്നത് 'Industrial Safety Measures' എന്ന വിഷയം ആണ്. അതായത് വ്യവസായ രംഗത്ത് എങ്ങനെ അപകടങ്ങൾ പറ്റാതെ നോക്കാം എന്നതിനെക്കുറിച്ച് ഒരു ബുക്ക്ലെറ്റ് തയാറാക്കിക്കൊണ്ടിരുന്നപ്പോൾ അയാളുടെ തന്നെ കൈ മെഷീനിന് അകത്തേക്ക് പോയി. ചതഞ്ഞരഞ്ഞ് കൈയിലെ രക്തംെകാണ്ട് ബുക്ലെറ്റിെൻറ രണ്ടു പേജ് അടിച്ചുവന്നു. അതാണ് ബോക്സ് ന്യൂസ്.
ഞാൻ അത് തന്നെ ക്ലൈമാക്സ് ആക്കി. 'ന്യൂ െഡൽഹി' കണ്ടിട്ടുള്ളവർക്ക് അത് മനസ്സിലാകും. ഒരാളുടെ ചോരകൊണ്ടുതന്നെ അയാൾ മരിച്ചു എന്നുള്ള വാർത്ത അച്ചടിച്ചുവരുന്നു. ആ ക്ലൈമാക്സ് സിനിമയെ ഞെട്ടിച്ച വലിയ ഘടകംതന്നെ ആണ്. അവിടെയും നമ്മുടെ ഒരു സർഗാത്മകത എന്നോ ബുദ്ധിയെന്നോ ബോധമെന്നോ ഒന്നും പറയാനില്ല. ദൈവാനുഗ്രഹത്തിെൻറ ഒരു വെളിച്ചം മാത്രം.
ഷൂട്ടിങ് നടക്കുന്ന സമയത്തൊക്കെ മമ്മൂട്ടി അങ്ങേയറ്റം അസ്വസ്ഥനായിരുന്നു. നാട്ടിൽ ഈ ഇരുപത്തൊന്ന് ദിവസത്തിനുള്ളിൽ പല പടങ്ങളും റിലീസ് ആകുന്നുണ്ട്. അതെല്ലാം പൊളിയുന്നു. സിനിമയിലെ ഒരു വില്ലൻ വേഷം ചെയ്യാൻ ഞങ്ങൾ ഉദ്ദേശിച്ചത് തമിഴ് നടൻ സത്യരാജിനെയാണ്. സത്യരാജ് താൽപര്യം കാണിക്കാതെ വന്നപ്പോൾ ത്യാഗരാജനെ അഭിനയിപ്പിക്കുകയായിരുന്നു. അന്ന് ത്യാഗരാജനും തമിഴിൽ നായകനായി അഭിനയിച്ചിട്ട് മമ്മൂട്ടിയുടെ അതേ അവസ്ഥയിൽ പടങ്ങൾ പൊട്ടിനിൽക്കുന്ന സ്ഥിതിയിൽ ആണ്. 'ന്യൂ െഡൽഹി' റിലീസ് ആയശേഷം ത്യാഗരാജൻ തമിഴിൽ വീണ്ടും ധാരാളം ചിത്രങ്ങളിൽ അഭിനയിക്കുകയും സേലം വിഷ്ണു എന്ന പേരിൽ ഒരു സിനിമ സംവിധാനം ചെയ്യുകയും ഉണ്ടായി.
'ന്യൂ െഡൽഹി'യുടെ ഷൂട്ടിങ് തീർന്ന് എഡിറ്റിങ്ങും മറ്റു ജോലികളും നടക്കുന്നു. എന്തോ എനിക്കും ജോഷിക്കും ആത്മവിശ്വാസം കിട്ടുന്നില്ല. നന്നായോ ശരിയായോ എന്ന സംശയം. റിലീസിന് മുമ്പ് ഞങ്ങൾ അടുത്ത പടം തുടങ്ങാൻ കശ്മീരിന് പോകുകയാണ്-'നായർ സാബ്!'
കശ്മീരിൽ 'നായർ സാബ്' ഷൂട്ടിങ് പകുതി ആയ സമയത്തായിരുന്നു 'ന്യൂ െഡൽഹി' റിലീസ്. റിലീസ് വൈകിയതിന് കാരണം ഉണ്ട്. 'ന്യൂ െഡൽഹി' പലവട്ടം പൂർണമായും എഡിറ്റ് ചെയ്തു. പുറത്തെങ്ങും ആരെയും കാണിച്ചില്ല. സിനിമാരംഗത്തുള്ള എല്ലാവർക്കും പടത്തെക്കുറിച്ച് ആകാംക്ഷ ഉണ്ട്. എനിക്കും ജോഷിക്കും ജോയിക്കും മാത്രം ഭയങ്കര കോൺഫിഡൻസ് ആണ്. എന്നാലും ഞങ്ങൾക്ക് ഇടക്ക് സംശയം വരും. എഡിറ്റർ ശങ്കുണ്ണിയേട്ടൻ ഞങ്ങൾക്ക് ധൈര്യം തരും. ഞങ്ങളുടെ ടെൻഷൻ കാരണം, ഈ സിനിമകൂടി പൊളിഞ്ഞു കഴിഞ്ഞാൽ, പിന്നെ ഞങ്ങൾ സിനിമയിൽ ഇല്ല. തീർത്തും വാഷ് ഔട്ട് ആകും. റീ റെക്കോഡിങ്ങും കഴിഞ്ഞു. പുറത്തുള്ള ആരും സിനിമ കണ്ടിട്ടില്ല. ഞാൻ ജോഷിയോട് പറഞ്ഞു: ''ജോഷീ, എനിക്ക് വിശ്വാസമുള്ള ഒരാളുണ്ട്. ഞാൻ ആ ആളെ ഒന്നു വിളിച്ചു കാണിക്കട്ടെ..?'' ആരാ ആള് എന്ന് ജോഷി ചോദിച്ചു. ഞാൻ പറഞ്ഞു: ''പ്രിയദർശൻ.'' ജോഷി സമ്മതിച്ചു. അങ്ങനെ പ്രിയനെ മാത്രം സിനിമ കാണിച്ചു. ഞാനും ജോയിയും ജോഷിയും അല്ലാതെ റിലീസിങ്ങിന് മുമ്പ് ആ സിനിമ കണ്ട ഏക മനുഷ്യൻ പ്രിയദർശനാണ്.
സിനിമ കണ്ട് പ്രിയദർശൻ ഒറ്റ ഇരിപ്പാണ്. എന്നിട്ട് പറഞ്ഞു: ''ജോഷിയേട്ടാ, ഞാനിത് കണ്ടിട്ട് ഞെട്ടിപ്പോയി. ആദ്യത്തെ മൂന്നു റീൽ കണ്ടപ്പോൾ തന്നെ ഇതുവരെയുള്ള എെൻറ ഫിലിം മേക്കിങ് രീതിയേ മാറ്റണം എന്ന് എനിക്ക് തോന്നിപ്പോയി.''
പ്രിയൻ അവിടുന്ന് ഇറങ്ങി ആദ്യം ചെയ്തത് മോഹൻലാലിനെ ഫോണിൽ വിളിക്കുകയായിരുന്നു: ''ദാ മമ്മൂട്ടി വീണ്ടും തിരിച്ചുവരാൻ പോകുന്നു.'' ഇത് സൂപ്പർ ഹിറ്റാകും എന്നു പറഞ്ഞ് പ്രിയൻ മടങ്ങി.തീരുമാനിച്ച ദിവസം 'ന്യൂ െഡൽഹി' റിലീസ് ചെയ്യാൻ കഴിഞ്ഞില്ല. കാരണം ആക്ഷൻ സീനുകൾ കൂടുതലാണ്. കോടതിയെ സ്വാധീനിക്കുന്ന രംഗങ്ങൾ ഉണ്ട്, അതുകൊണ്ട് സെൻസർ ചെയ്തുതരാൻ പറ്റില്ല എന്നു പറഞ്ഞ് സെൻസർ ബോർഡ് തടയിടുന്നു. അങ്ങനെ നേരെ ഡൽഹിയിൽ റിവൈസിങ് കമ്മിറ്റിക്ക് വിടുന്നു. ജോയി ഡൽഹിയിൽ പോയി ആഴ്ചകളോളം കിടന്ന് റിവൈസിങ് കമ്മിറ്റിയുമായി തർക്കിച്ചാണ് സെൻസർ ചെയ്തു കിട്ടിയത്.
അപ്പോഴേക്കും 'നായർ സാബി'െൻറ ഷൂട്ടിങ്ങിന് ഞാനും ജോഷിയും മമ്മൂട്ടിയും എല്ലാം കശ്മീരിലേക്ക് പോയി. ശ്രീനഗറിൽ ഷൂട്ടിങ് തുടങ്ങി അഞ്ചോ പത്തോ ദിവസം കഴിയുേമ്പാഴാണ് 'ന്യൂ െഡൽഹി'യുടെ റിലീസ്. ഞങ്ങൾ താമസിക്കുന്നത് ഒരു വീട് പോലുള്ള ഹോട്ടലിൽ ആണ്. അന്ന് ഞങ്ങൾ ഷൂട്ടിങ്ങിന് പോകാതെ ഒരു ഫോണിന് ചുറ്റും കുത്തിയിരിക്കുകയാണ്. ശ്രീനഗറിൽനിന്ന് അന്ന് എസ്.ടി.ഡി പോലും അത്ര എളുപ്പത്തിൽ കിട്ടുകയില്ല. മാറ്റിനി കഴിഞ്ഞ് ജോയി വിളിച്ചു. പടം സൂപ്പർ ഹിറ്റാണ്. ഒരു ഷോ കഴിഞ്ഞു. ആനന്ദ് തിയറ്ററിലെ ചില്ല് ആൾക്കാർ പൊളിച്ചു (തിരക്കുകൊണ്ട്). ജോയി പറഞ്ഞുകൊണ്ടേയിരിക്കുകയാണ്. ഞങ്ങൾക്ക് സന്തോഷംകൊണ്ട് ശ്വാസം മുട്ടിയിട്ട് പിന്നെ ഒരു പണിയും നടന്നില്ല. സൂപ്പർ ഹിറ്റാണെന്ന് മമ്മൂട്ടിക്ക് വിശ്വാസം വരാഞ്ഞിട്ട് പിന്നെയും കാത്തിരുന്നു. ഫസ്റ്റ് ഷോയും കൂടി കഴിഞ്ഞ് ഉറപ്പായതോടെ എന്നെയും ജോഷിയെയും കെട്ടിപ്പിടിച്ച് മമ്മൂട്ടി കരഞ്ഞു. ഞങ്ങൾക്ക് വിശ്വസിക്കാൻ പറ്റാത്ത വിജയത്തിലേക്ക് ആ സിനിമ കുതിച്ചുയർന്നു.
'ന്യൂ െഡൽഹി' മദിരാശിയിലും റിലീസ് ആയി. ഒറ്റപ്പെട്ട ചിലത് ഒഴിച്ചാൽ മലയാള സിനിമ സാധാരണ ഒരാഴ്ചയിൽ കൂടുതൽ ചെന്നൈയിൽ ഓടിയിട്ടില്ല. എത്ര സൂപ്പർ ഹിറ്റ് പടം ആണെങ്കിലും 'ന്യൂ െഡൽഹി' മദിരാശിയിലെ സഫയർ എന്ന തിയറ്ററിൽ (ഇന്ന് അതില്ല) നൂറ് ദിവസം റെഗുലർ േഷാ ആയി. തമിഴ് പ്രേക്ഷകർ ആദ്യമായി ഒരു മലയാള സിനിമയിൽ തീർത്തും മുഴുകിവീണു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.