Representational Image
ന്യൂജേഴ്സി: ജനലിലൂടെ മുറ്റത്തേക്ക് വീണ മൂന്നുവയസുകാരനെ വളര്‍ത്തുനായ്ക്കള്‍ കടിച്ചുകീറി. ഗുരുതര പരിക്കേറ്റ കുട്ടി ആശുപത്രിയിൽ മരിച്ചു. യു.എസിലെ ന്യൂജേഴ്സി സംസ്ഥാനത്തെ എലിസബത്ത് സിറ്റിയിലാണ് സംഭവം.
ബുധനാഴ്ച വൈകീട്ടാണ് ദാരുണ സംഭവം നടന്നത്. വീടിനകത്ത് കളിച്ചുകൊണ്ടിരുന്ന മൂന്നു വയസ്സുകാരന്‍ പിറകു വശത്തെ ജനാലയില്‍ കൂടി താഴേക്ക് വീഴുകയായിരുന്നു. വീട്ടുമുറ്റത്തുണ്ടായിരുന്ന നായ്ക്കള്‍ താഴേക്ക് വീണ കുട്ടിയെ മാരകമായി കടിച്ചു പരിക്കേല്‍പ്പിച്ചു. അമ്മ ഓടിയെത്തിയാണ് നായ്ക്കളെ പിന്തിരിപ്പിച്ചത്. ഉടൻ പൊലീസ് എത്തി കുട്ടിയെ ട്രിനിറ്റാഡ് റീജിയണല്‍ മെഡിക്കല്‍ സെന്‍ററില്‍ എത്തിച്ചുവെങ്കിലും ഒരു മണിക്കൂറിനുള്ളില്‍ കുട്ടി മരിച്ചതായി പൊലീസ് അറിയിച്ചു.
നായ്ക്കളെ പിടികൂടി കൂട്ടിലാക്കിയിട്ടുണ്ടെന്നും ഇവയെ ദയാവധത്തിന് വിധേയമാക്കുമെന്നും പൊലീസ് പറഞ്ഞു. നായ്ക്കൾ മുമ്പും അക്രമസ്വഭാവം കാണിക്കാറുണ്ടായിരുന്നെന്ന് അയൽക്കാർ പറയുന്നു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.