വാഷിങ്ടൺ: അമേരിക്ക ഇന്ത്യയുടെ വിശ്വസ്ത പങ്കാളിയെന്ന് യു.എസ് സ്റ്റേറ്റ് സെക്രട്ടറി റെക്സ് ടില്ലേഴ്സൺ. ഇന്ത്യയും ചൈനയും തമ്മിൽ പ്രശ്നങ്ങൾ നില നിൽക്കുന്നതിനിടെയാണ് ഇന്ത്യക്കൊപ്പമാണെന്ന് ടില്ലേഴ്സൻ വ്യക്തമാക്കിയിരിക്കുന്നത്. അടുത്തയാഴ്ച ഇന്ത്യ സന്ദർശിക്കാനിരിക്കെയാണ് സ്റ്റേറ്റ് സെക്രട്ടറിയുടെ പ്രസ്താവന.
തെക്കൻ ചൈന കടലിലെ ചൈനയുടെ പ്രകോപനങ്ങൾ അന്താരാഷ്ട്ര നിയമങ്ങൾക്ക് ഭീഷണിയാണ്. ഇന്ത്യയും അമേരിക്കയും ഇതിനെതിരെ നിലകൊള്ളും. ചൈനയുമായി സൗഹാർദപരമായ ബന്ധമാണ് ആഗ്രഹിക്കുന്നത്. എന്നാൽ മറ്റ് രാജ്യങ്ങളുടെ പരമാധികാരത്തെ പരിഗണിക്കാതെയുള്ള ചൈനയുടെ നടപടികളെ പിന്തുണക്കില്ലെന്നും ടില്ലേഴ്സൺ പറഞ്ഞു.
ഉത്തരകൊറിയ തുടർച്ചയായി നടത്തുന്ന ആണവപരീക്ഷണങ്ങൾ അമേരിക്കക്കും ഏഷ്യൻ രാജ്യങ്ങൾക്കും ഒരുപോലെ ഭീഷണിയാണെന്നും അദ്ദേഹം അഭിപ്രായപ്പെട്ടു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.