ജറൂസലം: ഇസ്രായേല്‍ പ്രധാനമന്ത്രി ബിന്യമിന്‍ നെതന്യാഹുവും ഭാര്യ സാറയും കഴിഞ്ഞവര്‍ഷം നടത്തിയ യു.എസ്. യാത്രയില്‍ ചെലവഴിച്ചത് 3.5 കോടി രൂപ. മുടിമിനുക്കാനും മേക്കപ്പിനും മാത്രം നെതന്യാഹു ചെലവഴിച്ചത് 2.5 ലക്ഷം രൂപയാണ്. 2015 അവസാന പാദത്തില്‍ ഐക്യരാഷ്ട്ര സഭയുടെ യോഗത്തില്‍ പങ്കെടുക്കാന്‍ നടത്തിയ യു.എസ് യാത്രയാണ് വിവാദത്തിലായിരിക്കുന്നത്. ഇസ്രായേല്‍ അഭിഭാഷകനായ ശഹര്‍ ബിന്‍മീര്‍ മാസങ്ങളായി നടത്തിക്കൊണ്ടിരിക്കുന്ന ശ്രമങ്ങള്‍ക്കൊടുവിലാണ് പ്രധാനമന്ത്രിയുടെ ഓഫിസ് യാത്രയുടെ ചെലവുകണക്കുകള്‍ പുറത്തുവിട്ടത്. ജോലിക്കാരിയെ പീഡിപ്പിച്ചുവെന്ന കേസില്‍ ഭാര്യ സാറ നെതന്യാഹുവിനെതിരെ കഴിഞ്ഞ മാസം ഇസ്രായേലിലെ തൊഴില്‍ കോടതി വിധി പുറപ്പെടുവിച്ചിരുന്നു. ഇതിന് പിന്നാലെയാണ് പുതിയ വിവാദം.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.