ന്യൂഡൽഹി: മസൂദ് അസ്ഹറിനെ തീവ്രവാദ പട്ടികയിൽ ഉൾപ്പെടുത്തുന്നത് സംബന്ധിച്ച് ഇന്ത്യ ചൈനയുമായി ചർച്ച നടത്ത ും. വിദേശകാര്യ സെക്രട്ടറി വിജയ് ഗോഖലയായിരിക്കും ചർച്ചകൾ നടത്തുക. അടുത്തയാഴ്ച ചൈനയിലെത്തുന്ന ഗോഖല ചൈനീസ് വിദേശകാര്യമന്ത്രി വാങ് യീ ഉൾപ്പടെയുള്ള പ്രമുഖരുമായി കൂടികാഴ്ച നടത്തും.
ഞായറാഴ്ചയാണ് ഗോഖലയുടെ രണ്ട് ദിവസത്തെ ചൈന സന്ദർശനം തുടങ്ങുന്നത്. സാധാരണ നടക്കുന്ന നയതന്ത്ര ചർച്ചകളുടെ ഭാഗമായാണ് സന്ദർശനം. ചൈന-പാകിസ്താൻ സാമ്പത്തിക ഇടനാഴിയെ കുറിച്ചും ചർച്ചകൾ ഉണ്ടാവും. വിദേശകാര്യ സെക്രട്ടറി അമേരിക്ക, റഷ്യ തുടങ്ങിയ രാജ്യങ്ങളും സന്ദർശിച്ചിരുന്നു. ജർമ്മനിയിലെ ബർലിൻ സന്ദർശനത്തിന് ശേഷമാണ് ഗോഖല ചൈനയിലെത്തുന്നത്.
നേരത്തെ അമേരിക്ക ഉൾപ്പടെയുള്ള പാശ്ചാത്യ രാജ്യങ്ങളുടെ നേതൃത്വത്തിൽ മസൂദ് അസ്ഹറിനെ യു.എൻ തീവ്രവാദ പട്ടികയിൽ ഉൾപ്പെടുത്താൻ നീക്കം നടത്തിയിരുന്നു. എന്നാൽ, തീരുമാനത്തെ ചൈന വീറ്റോ ചെയ്യുകയായിരുന്നു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.