കാബൂൾ: കിഴക്കൻ അഫ്ഗാനിസ്താൻ പ്രവിശ്യയിൽ താലിബാനും െഎ.എസ് ഭീകരരും തമ്മിൽ ഏറ്റുമുട്ടൽ നടന്നതായി റിപ്പോർട്ട്. അഫ്ഗാൻ സർക്കാർ വൃത്തങ്ങളെ ഉദ്ധരിച്ചാണ് മാധ്യമങ്ങൾ ഇക്കാര്യം റിപ്പോർട്ട് ചെയ്തത്. ഏറ്റുമുട്ടൽ നടന്ന ഖൊഗ്യാനി, ശർസാദ് എന്നീ ഗ്രാമങ്ങളിൽനിന്ന് നൂറുകണക്കിന് കുടുംബങ്ങൾ ഒഴിഞ്ഞുപോയതായും പ്രവിശ്യ ഗവർണറുടെ വക്താവ് അതാഹുല്ല അറിയിച്ചു. അതിനിടെ, ഇരു ഭീകര ഗ്രൂപ്പുകൾക്കുമെതിരെ സർക്കാർ വ്യോമ-കര മാർഗങ്ങളിലൂടെ ആക്രമണമാരംഭിച്ചതായും അധികൃതർ അറിയിച്ചു. ഏറ്റുമുട്ടിയ ഇരു ഭാഗത്തുമുള്ള നിരവധി പേർ കൊല്ലപ്പെട്ടതായും റിപ്പോർട്ടുണ്ട്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.