റിയാദ്: റിയാദിൽ നിന്ന് മുംബൈയിലേക്ക് യാത്രതിരിച്ച ജെറ്റ് എയർവേയ്സ് വിമാനം റൺവേയിൽ നിന്ന് തെന്നിമാറി. ടേക്ക് ഒാഫിനിടെയായിരുന്നു വിമാനം റൺവേയിൽ നിന്ന് തെന്നിമാറിയതെന്ന് ജെറ്റ് എയർവേയ്സ് അറിയിച്ചു.
#9Wupdate: Our flight 9W523 with 142 guests and 7 crew members from Riyadh to Mumbai of 3rd August aborted takeoff and departed the runway at Riyadh Airport.
— Jet Airways (@jetairways) August 3, 2018
All our guests and crew have been evacuated safely with no reported injuries.
142 യാത്രക്കാരും ഏഴ് ജീവനക്കാരുമായി റിയാദിൽ നിന്ന് മുംബൈയിലേക്ക് വരേണ്ടിയിരുന്ന 9W523 വിമാനം റൺവേയിൽ നിന്ന് തെന്നിമാറിയതായി ജെറ്റ് എയർവേയ്സ് ട്വിറ്ററിൽ കുറിച്ചു. മുഴുവൻ യാത്രക്കാരെയും സുരക്ഷിതമായി വിമാനത്തിന് പുറത്തെത്തിച്ചതായും ജെറ്റ് എയർവേയ്സ് പുറത്തിറക്കിയ പ്രസ്താവനയിൽ വ്യക്തമാക്കി.
പൈലറ്റിെൻറ പിഴവാണ് വിമാനം റൺവേയിൽ നിന്ന് തെന്നാൻ കാരണമെന്ന് റിപ്പോർട്ടുകളുണ്ട്. സംഭവത്തിൽ അന്വേഷണം ആരംഭിച്ചതായി ജെറ്റ് എയർവേയ്സ് വ്യക്തമാക്കി. യാത്രക്കാർക്ക് മുംബൈയിലെത്താനായി മറ്റ് സൗകര്യങ്ങൾ ഏർപ്പെടുത്താനുള്ള ശ്രമങ്ങൾ നടക്കുകയാണ്. ഇപ്പോൾ യാത്രക്കാരെ സുരക്ഷിതമായി ഹോട്ടലിൽ താമസിപ്പിച്ചിട്ടുണ്ടെന്നും ജെറ്റ് എയർവേയ്സ് അറിയിച്ചു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.