സാക്കിർ നായിക്കി​​െൻറ ​പ്രഭാഷണങ്ങൾക്ക്​ മലേഷ്യയിൽ വിലക്ക്​

ക്വലാലംപുർ: മലേഷ്യയിലെ ഹിന്ദു വിഭാഗങ്ങൾക്കെതിരെ വിദ്വേഷപ്രസംഗം നടത്തി‌യ സാക്കിർ നായിക്കി​​​​െൻറ പ്രഭാഷണങ ്ങൾക്ക്​ മലേഷ്യയിൽ വിലക്ക്​. മലേഷ്യയിൽ എവിടെയും സാക്കിർ നായിക്ക് മതപ്രഭാഷണങ്ങൾ നടത്തരുതെന്ന്​ മലായ്​ സർക്കാ ർ ഉത്തരവിട്ടു.

ദേശസുരക്ഷയും മതമൈത്രിയും ഐക്യവും നിലനിർത്തുകയെന്ന രാജ്യ താൽപര്യത്തെ മുൻനിർത്തിയാണ്​ നായ ിക്കി​​​​െൻറ പ്രഭാഷണങ്ങൾക്ക്​ വിലക്ക്​ ഏർപ്പെടുത്തിയതെന്ന്​ മലായ്​ പൊലീസ്​ അറിയിച്ചു. വംശീയമായ പരാമർശങ്ങൾ രാജ്യത്തി​​​​െൻറ മൈത്രിയെ ബാധിക്കുമെന്നതിനാൽ നായിക്കി​​​​​െൻറ പൊതുപ്രഭാഷണങ്ങൾ നിരോധിക്കുകയാണെന്ന്​ റോയൽ മലേഷ്യൻ പൊലീസ്​ കമ്മ്യൂണിക്കേഷൻ വിഭാഗം തലവൻ ദാതുക്​ അസ്​മാവതി അഹമ്മദ്​ ഔദ്യോഗികമായി അറിയിച്ചു.

ആഗസ്റ്റ് മൂന്നിന് മലേഷ്യയിലെ കോട്ട ബാരുവിൽ നടത്തിയ പ്രഭാഷണത്തിനിടെയാണ് ഹിന്ദുക്കൾക്കും ചൈനീസ് വംശജർക്കുമെതിരേ സാക്കിർ നായിക്ക് വംശീയപരാമർശം നടത്തിയത്. മലേഷ്യയിലെ ഹിന്ദുക്കൾക്ക്​ സ്വന്തം രാജ്യത്തി​​​​െൻറ പ്രധാനമന്ത്രിയേക്കാൾ കൂറ്​ ഇന്ത്യൻ പ്രധാനമന്ത്രിയായ നരേന്ദ്രമോദിയോടാണ്​ എന്നതായിരുന്നു നായിക്കി​​​​െൻറ വിവാദ പ്രസ്​താവന. ‘പഴയ അതിഥി’കളായ മലേഷ്യയിലെ ചൈനീസ് വംശജർ രാജ്യംവിടണമെന്നും ഇന്ത്യയിലെ മുസ്‍ലിങ്ങൾക്കുള്ളതിനെക്കാൾ നൂറിരട്ടി അവകാശങ്ങളാണ് മലേഷ്യയിലെ ഹിന്ദുക്കൾക്കുള്ളതെന്നും നായിക്​ പറഞ്ഞിരുന്നു.

നായിക്ക് വംശീയരാഷ്ട്രീയം കളിക്കാനാഗ്രഹിക്കുന്നുവെന്ന് വ്യക്തമാക്കുന്ന പരാമർശമാണിതെന്നും വംശീയവികാരങ്ങളെ ആളിക്കത്തിക്കാനാണ് ശ്രമിക്കുന്നതെന്നും പ്രധാനമന്ത്രി മഹാതിർ മുഹമ്മദ് പ്രതികരിച്ചിരുന്നു.

വിവാദ പ്രസ്​താവനകളെ തുടർന്ന്​ മലേഷ്യയിലെ ഏഴ്​ സംസ്ഥാനങ്ങളിൽ നായിക്കി​​​​െൻറ പ്രഭാഷണങ്ങൾ നിരോധിച്ചിരുന്നു. സംഭവത്തിൽ രണ്ടു തവണയായി മലേഷ്യൻ പൊലീസ്​ നായിക്കിനെ മണിക്കൂറുകളോളം ചോദ്യം ചെയ്യുകയും ചെയ്​തു.

മലേഷ്യൻ നിയമപ്രകാരം പീനൽ കോഡിലെ 504ാം വകുപ്പ്​ പ്രകാരം സമാധാനം തകർക്കുക ലക്ഷ്യമിട്ട്​ നടത്തിയ മനഃപൂർവ്വമായ വിദ്വേഷപ്രചാരണ കുറ്റമാണ്​ സാകിർ നായിക്കിനെതിരെ ആരോപിക്കുന്നത്​.

2016-ൽ കള്ളപ്പണം വെളുപ്പിക്കൽ, മതപ്രഭാഷണങ്ങളിലൂടെ തീവ്രവാദത്തിനു പ്രേരിപ്പിക്കൽ എന്നീ കുറ്റങ്ങളിൽ ഇന്ത്യയിൽ കേസെടുത്തതോടെയാണ് നായിക്ക് മലേഷ്യയിലേക്ക് കടന്നത്.