മോസ്കോ: സിറിയയിൽ ഐ.എസ് സ്ഥാപകൻ അബുബക്കർ അൽ ബാഗ്ദാദിയെ വധിക്കാൻ യു.എസ് നടത്തിയ സൈനിക നീക്കത്തെ കുറിച്ച് വിശ്വാസയോഗ്യമായ വിവരമില്ലെന്ന് റഷ്യ. റഷ്യൻ പ്രതിരോധ മന്ത്രാലയം വക്താവ് മേജർ ജനറൽ ഇഗോർ കോനഷ്കിനോവാണ് ഇക്കാര്യം അറിയിച്ചത്.
യു.എസിന് ആക്രമണം നടത്താൻ സിറിയയിലെ റഷ്യൻ സൈന്യം ഏതെങ്കിലും തരത്തിലുള്ള സഹായം നൽകിയോയെന്നത് അറിയില്ലെന്നും അദ്ദേഹം വ്യക്തമാക്കി. ബാഗ്ദാദിയുടെ മരണം സിറിയയിലെ മറ്റ് തീവ്രവാദികൾക്കെതിരായ പോരാട്ടം ഇല്ലാതാക്കില്ലെന്നും അദ്ദേഹം കൂട്ടിച്ചേർത്തു.
കഴിഞ്ഞ ദിവസമാണ് അബുബക്കർ അൽ ബാഗ്ദാദിയെ വധിക്കാൻ യു.എസ് സൈന്യം ആക്രമണം നടത്തിയത്. ആക്രമണത്തെ പിന്തുണച്ച റഷ്യ, ഇറാഖ്, സിറിയ, തുർക്കി, കുർദ്ദ് സേന തുടങ്ങിയവർക്ക് ട്രംപ് നന്ദിയറിയിക്കുകയും ചെയ്തിരുന്നു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.