ഹി​സ്ബു​ല്ല ആ​ക്ര​മ​ണ​ത്തി​ൽ പ​ക​ച്ച് ഇ​സ്രാ​യേ​ൽ

ബൈ​റൂ​ത്: ഇ​സ്രാ​യേ​ൽ -ഹ​മാ​സ് യു​ദ്ധം ഒ​രു വ​ർ​ഷ​ത്തി​ലേ​ക്ക് അ​ടു​ക്കു​മ്പോ​ൾ പ​ശ്ചി​മേ​ഷ്യ യു​ദ്ധ വ്യാ​പ​ന ഭീ​തി​യി​ൽ. പ്ര​ശ്ന പ​രി​ഹാ​ര​ത്തി​നു​ള്ള ശ്ര​മ​ങ്ങ​ൾ എ​ങ്ങു​മെ​ത്താ​തെ തു​ട​രു​ന്ന​തി​നി​ട​യി​ലാ​ണ് ല​ബ​നാ​ൻ -ഇ​സ്രാ​യേ​ൽ അ​തി​ർ​ത്തി​യി​ൽ സം​ഘ​ർ​ഷാ​വ​സ്ഥ ശ​ക്ത​മാ​കു​ന്ന​ത്. ഇ​തു​വ​രെ​യു​ണ്ടാ​യ​തി​ൽ ഏ​റ്റ​വും ശ​ക്ത​മാ​യ ആ​ക്ര​മ​ണ​മാ​ണ് ഹി​സ്ബു​ല്ല ഞാ​യ​റാ​ഴ്ച ഇ​സ്രാ​യേ​ലി​ൽ ന​ട​ത്തി​യ​ത്. സൈ​നി​ക, ര​ഹ​സ്യാ​ന്വേ​ഷ​ണ കേ​ന്ദ്ര​ങ്ങ​ളെ​യാ​ണ് ഹി​സ്ബു​ല്ല ല​ക്ഷ്യം വെ​ച്ച​ത്.

പ​ക​രം വീ​ട്ടാ​ൻ ല​ബ​നാ​നി​ലെ ജ​ന​വാ​സ കേ​ന്ദ്ര​ങ്ങ​ളെ ആ​ക്ര​മി​ച്ചാ​ൽ ഇ​നി​യു​ള്ള തി​രി​ച്ച​ടി​യും ആ ​രീ​തി​യി​ലാ​കു​മെ​ന്ന് ഹി​സ്ബു​ല്ല മു​ന്ന​റി​യി​പ്പ് ന​ൽ​കി​യി​ട്ടു​ണ്ട്. ഞാ​യ​റാ​ഴ്ച​ത്തെ ആ​ക്ര​മ​ണം ഇ​സ്രാ​യേ​ലി​ൽ ഭീ​തി പ​ര​ത്തി​യി​ട്ടു​ണ്ട്. മ​ന്ത്രി​മാ​രെ​യും ഉ​ന്ന​ത സൈ​നി​ക ഉ​ദ്യോ​ഗ​സ്ഥ​രെ​യും ബ​ങ്ക​റു​ക​ളി​ലേ​ക്ക് മാ​റ്റി​യ​താ​യി ഇ​സ്രാ​യേ​ൽ മാ​ധ്യ​മ​ങ്ങ​ൾ റി​പ്പോ​ർ​ട്ട് ചെ​യ്തു. ജ​ന​ങ്ങ​ൾ​ക്ക് ജാ​ഗ്ര​ത നി​ർ​ദേ​ശം ന​ൽ​കി. പു​ല​ർ​ച്ച മു​ത​ൽ മു​ന്ന​റി​യി​പ്പ് സൈ​റ​ൺ നി​ല​ക്കാ​തെ ശ​ബ്ദി​ച്ചു​കൊ​ണ്ടി​രു​ന്നു. ജ​നം ഭീ​തി​യി​ൽ​ നെ​ട്ടോ​ട്ട​മോ​ടി. വി​വി​ധ​യി​ട​ങ്ങ​ളി​ൽ റോ​ക്ക​റ്റ് പ​തി​ച്ച് തീ ​പ​ട​രു​ന്ന ദൃ​ശ്യം സ​മൂ​ഹ മാ​ധ്യ​മ​ങ്ങ​ളി​ൽ പ്ര​ച​രി​ച്ചു. അ​യ​ൺ ഡോം ​പ്ര​തി​രോ​ധ സം​വി​ധാ​ന​ത്തെ ഹി​സ്ബു​ല്ല നി​ഷ്പ്ര​യാ​സം മ​റി​ക​ട​ക്കു​ന്ന​ത് ഇ​സ്രാ​യേ​ലി​ന് ആ​ശ​ങ്ക ന​ൽ​കു​ന്നു. സ്വ​യം പ്ര​തി​രോ​ധ​ത്തി​ന് ആ​വ​ശ്യ​മാ​യ​തെ​ല്ലാം ചെ​യ്യു​മെ​ന്ന് പ​റ​ഞ്ഞ ഇ​സ്രാ​യേ​ൽ സൈ​നി​ക നേ​തൃ​ത്വം ഹി​സ്ബു​ല്ല​യു​മാ​യി ഇ​പ്പോ​ൾ യു​ദ്ധ​ത്തി​ന് താ​ൽ​പ​ര്യ​പ്പെ​ടു​ന്നി​ല്ലെ​ന്ന് ഇ​തോ​ടൊ​പ്പം ചേ​ർ​ത്തു​പ​റ​യു​ന്നു.

ഹി​സ്ബു​ല്ല കേ​ന്ദ്ര​ങ്ങ​ളി​ൽ മു​ൻ​കൂ​ർ ആ​ക്ര​മ​ണം ന​ട​ത്തി​യ​താ​യി ഇ​സ്രാ​യേ​ൽ അ​വ​കാ​ശ​പ്പെ​ട്ടെ​ങ്കി​ലും ത​ങ്ങ​ൾ​ക്കൊ​ന്നും സം​ഭ​വി​ച്ചി​ട്ടി​ല്ലെ​ന്നാ​ണ് ഹി​സ്ബു​ല്ല പ്ര​തി​ക​ര​ണം. ഒന്നും ഇവിടെ അവസാനിക്കുന്നില്ലെന്നും വടക്കൻ അതിർത്തിയിലെ സാഹചര്യങ്ങൾ മാറ്റാനും സുരക്ഷ ഉറപ്പുവരുത്താനും നടപടികൾ ഉണ്ടാകുമെന്നും ഇസ്രായേൽ പ്രധാനമന്ത്രി ബിന്യമിൻ നെതന്യാഹു മുന്നറിയിപ്പ് നൽകി. ഇതും സംഘർഷ വ്യാപനത്തിലേക്കാണ് സൂചന നൽകുന്നത്.

ല​ബ​നാ​നി​ൽ ഇ​സ്രാ​യേ​ൽ ന​ട​ത്തി​യ ആ​ക്ര​മ​ണ​ത്തി​ൽ മൂ​ന്നു​പേ​ർ കൊ​ല്ല​പ്പെ​ട്ടു. ഹ​മാ​സ് നേ​താ​വ് ഇ​സ്മാ​ഈ​ൽ ഹ​നി​യ്യ തെ​ഹ്റാ​നി​ൽ കൊ​ല്ല​പ്പെ​ട്ട​തി​ന് പ്ര​തി​കാ​ര​മാ​യി ഇ​റാ​ൻ ഇ​സ്രാ​യേ​ലി​നെ ആ​ക്ര​മി​ക്കു​മെ​ന്ന ഭീ​ഷ​ണി നി​ല​നി​ൽ​ക്കു​ന്നു​ണ്ട്. തി​രി​ച്ച​ടി ഉ​റ​പ്പാ​ണെ​ന്നും ഉ​ചി​ത​മാ​യ സ​മ​യ​വും ല​ക്ഷ്യ​കേ​ന്ദ്ര​ങ്ങ​ളും ത​ങ്ങ​ൾ നി​ശ്ച​യി​ക്കു​മെ​ന്നു​മാ​ണ് ഇ​റാ​ൻ ഉ​റ​പ്പി​ച്ചു പ​റ​യു​ന്ന​ത്.

മേ​ഖ​ല​യി​ൽ യു​ദ്ധ​വ്യാ​പ​ന​ത്തി​ന് ത​ന്നെ​യാ​ണ് കൂ​ടു​ത​ൽ സാ​ധ്യ​ത​യെ​ന്നാ​ണ് ഇ​ക്കാ​ര്യ​ങ്ങ​ൾ അ​ടി​വ​ര​യി​ടു​ന്ന​ത്. ഇ​സ്രാ​യേ​ലി​ന് അ​മേ​രി​ക്ക പൂ​ർ​ണ പി​ന്തു​ണ​യും ആ​യു​ധ സ​ഹാ​യ​വും ന​ൽ​കു​മ്പോ​ൾ ഇ​റാ​ന് റ​ഷ്യ​യു​ടെ പി​ന്തു​ണ​യു​ണ്ട്. റ​ഷ്യ​യി​ൽ​നി​ന്ന് ക​ഴി​ഞ്ഞ ആ​ഴ്ച​ക​ളി​ൽ ഇ​റാ​നി​ലേ​ക്ക് വ​ൻ​തോ​തി​ൽ ആ​യു​ധം എ​ത്തി​യ​താ​യി അ​​ന്താ​രാ​ഷ്ട്ര മാ​ധ്യ​മ​ങ്ങ​ൾ റി​പ്പോ​ർ​ട്ട് ചെ​യ്തു.

ചൈ​ന​യും ഇ​റാ​ന് വാ​ക്കാ​ൽ പി​ന്തു​ണ ന​ൽ​കി​യി​ട്ടു​ണ്ട്. ബ​ഹു​രാ​ഷ്ട്ര യു​ദ്ധ​ത്തി​ലേ​ക്കു​വ​രെ നീ​ങ്ങാ​ൻ സാ​ധ്യ​ത​യു​ള്ള​താ​ണ് പ​ശ്ചി​മേ​ഷ്യ​യി​ലെ നി​ല​വി​ലെ സം​ഘ​ർ​ഷം. ഫ​ല​സ്തീ​ൻ പ്ര​ശ്നം പ​രി​ഹ​രി​ക്കാ​തെ പ​ശ്ചി​മേ​ഷ്യ​യി​ൽ സ​മാ​ധാ​നം സാ​ധ്യ​മ​ല്ലെ​ന്ന വി​ല​യി​രു​ത്ത​ലാ​ണ് പൊ​തു​വെ​യു​ള്ള​ത്. ഗ​സ്സ യു​ദ്ധം അ​വ​സാ​നി​പ്പി​ക്കാ​നു​ള്ള മ​ധ്യ​സ്ഥ ച​ർ​ച്ച ഈ​ജി​പ്തി​ലെ കൈ​റോ​യി​ൽ പു​രോ​ഗ​മി​ക്കു​ക​യാ​ണ്. മ​ധ്യ​സ്ഥ രാ​ജ്യ​ങ്ങ​ൾ പ്ര​തീ​ക്ഷ പ​ങ്കു​വെ​ക്കു​ന്നു​ണ്ടെ​ങ്കി​ലും സ​മ​വാ​യ​ത്തി​ന്റെ ല​ക്ഷ​ണ​മൊ​ന്നും കാ​ണു​ന്നി​ല്ല.