'ട്രംപിനെപ്പോലെ പാവങ്ങളോട്​ പുച്​ഛമാണ്​ മകൾ ഇവാൻകക്കും'..ആത്​മസുഹൃത്തി​െൻറ വെളിപ്പെടുത്തൽ

ന്യൂയോർക്ക്​: അ​േമരിക്കൻ പ്രസിഡൻറ്​ ഡോണൾഡ്​ ട്രംപി​െനപ്പോലെ, മകൾ ഇവാൻക ട്രംപിനും പാവപ്പെട്ട ആളുകളോട്​ പുച്​ഛമാണെന്ന്​ സഹപാഠിയും അടുത്ത സുഹൃത്തുമായ ലിസാൻഡ്ര ഓസ്​ട്രോം. പിതാവിനുള്ളതുപോലെ, പണത്തിനോടും പ്രശസ്​തിയോടും മകൾക്കും വലിയ ഭ്രമമാണെന്ന്​ 'വാനിറ്റി ഫെയറി'ൽ എഴുതിയ വിവരണത്തിൽ ഓസ്​ട്രോം പറയുന്നു.

'മാൻഹാട്ടനിൽ പെൺകുട്ടികൾ മാത്രം പഠിക്കുന്ന അപ്പർ ഈസ്​റ്റ്​ സൈഡിലെ സ്​കൂളിലെ പഠനകാലത്താണ്​ ഞങ്ങൾ ആദ്യം കണ്ടുമുട്ടുന്നത്​. സെവൻത്​ ഗ്രേഡ്​ ക്ലാസിൽ ഒന്നിച്ചശേഷം പത്തു വർഷത്തിലേറെ പിരിയാനാവാത്ത കൂട്ടുകാരായിരുന്നു. പിന്നീട്​ അഭിപ്രായവ്യത്യാസങ്ങൾ സ്വാഭാവികമായി ഞങ്ങളെ വേർപിരിച്ചു'- ഓസ്​ട്രോം എഴുതുന്നു.

പണത്തിനോടും പ്രശസ്​തിയോടും ട്രംപി​െൻറ മകൾക്കും വലിയ ഭ്രമം

'സ്​കൂളിൽ പഠിക്കുന്ന സമയംതൊ​ട്ടേ പദവികളോട്​ വലിയ താൽപര്യമായിരുന്നു ഇവാൻകക്ക്​. അവൾ നടത്തുന്ന എല്ലാ അതിക്രമങ്ങൾക്കും സഹപാഠികളുടെ മേൽ കുറ്റം ചാർത്തുകയായിരുന്നു പതിവ്​. പദവിക്കും പണത്തിനും അധികാരത്തിനും ട്രംപ്​ എന്ന പേരുണ്ടായിരുന്നു അവൾക്ക്​. സ്വയം രക്ഷിക്കാൻ മറ്റുള്ളവരെ ബലിയാടാക്കുന്ന പിതാവി​െൻറ സഹജവാസനയും ഇവാൻകയിലുണ്ടായിരുന്നു'-39കാരിയായ ഓസ്​ട്രോം എഴുതുന്നു.

ഇവാൻകക്ക്​ വായിക്കാൻ പുസ്​തകങ്ങൾ നിർദേശിക്കാറുണ്ടായിരുന്നു ഓസ്​ട്രോം. 'അന്ന്​ ഞങ്ങൾക്ക്​ 25 വയസ്സായിക്കാണും. ആ സമയത്ത്​ അവളോട്​ റിച്ചാർഡ്​ റൂസോക്ക്​ പുലിറ്റ്​സർ പുരസ്​കാരം നേടിക്കൊടുത്ത 'എംപയർ ഫാൾസ്​' വായിക്കാൻ പറഞ്ഞു ഞാൻ. മെയ്​നെയിലെ തൊഴിലാളി വർഗക്കാരാണ്​ ആ നോവലിലെ കഥാപാത്രങ്ങൾ. എന്നാൽ, പുസ്​തകം വായിച്ചുതുടങ്ങിയ അവൾ എന്നോട്​ വളരെ രൂക്ഷമായാണ്​ പ്രതികരിച്ചത്​. 'ലീ, എന്തിനാണ്​ നീ ആ ​വൃത്തികെട്ട പാവ​െപ്പട്ടവരുടെ കഥ പറയുന്ന പുസ്​തകം വായിക്കാൻ എന്നോട്​ പറഞ്ഞത്​?' എന്നായിരുന്നു അവളുടെ രോഷം. 'ആ പുസ്​തകത്തിൽ എനിക്ക്​ താൽപര്യമുണ്ടാകുമെന്ന്​ എങ്ങനെയാണ്​ നീ ചിന്തിച്ചത്​? എന്ന ചോദ്യവും അവളുന്നയിച്ചു. പുറത്തെ മിനുക്കങ്ങൾക്കടിയിൽ കടുപ്പമേറിയ ട്രംപിയൻ മുനകൾ ഒളിപ്പിച്ചുവെച്ചവളായിരുന്നു ഭാവിപ്രസിഡൻറി​െൻറ മകളെന്നു​ം ഓസ്​ട്രോം ഓർക്കുന്നു.

ലെബനാൻ കേന്ദ്രീകരിച്ച്​ പ്രവർത്തിക്കുന്ന മാധ്യമപ്രവർത്തകയാണിപ്പോൾ ഓസ്​ട്രോം. പണ്ട്​ ത​െൻറ പക്കൽ അറബിയിൽ പേരെഴുതിയ ഒരു നെക്​ലേസ്​ കണ്ട്​ ഇവാൻക ഏറെ രോഷാകുലയായതും ഓസ്​ട്രോം കുറിപ്പിൽ വിശദീകരിക്കുന്നുണ്ട്​. 'ഒരു രാത്രി അത്താഴത്തിനിടക്കാണ്​ അത്​ അവളുടെ ശ്രദ്ധയിൽപെട്ടത്​. നി​െൻറ ജൂതനായ കാമുകനൊപ്പമിരിക്കവേ, ഈ നെക്​ലേസ്​ മുഖത്തുപതിക്കു​േമ്പാൾ അയാൾക്ക്​ എന്താണ്​ തോന്നാറ്​? എങ്ങനെയാണ്​ നീയിത്​ ധരിക്കു​ന്നത്​? ഇത്​ 'ഭീകരൻ' എന്ന്​ അലറിവിളിക്കുന്നതുപോലെ തോന്നുന്നു'' -ഇവാൻകയുടെ പ്രതികരണം ഇതായിരുന്നു.