കൂലിപ്പടയുടെ അട്ടിമറി ശ്രമം: റഷ്യയിൽ പുടിൻ യുഗാന്ത്യത്തിന്റെ തുടക്കം?

മോ​സ്കോ: യു​ക്രെ​യ്ൻ അ​ധി​നി​വേ​ശ​ത്തി​ൽ അ​തി​നി​ർ​ണാ​യ​ക​മാ​യ തെ​ക്ക​ൻ റ​ഷ്യ​യി​ലെ റോ​സ്തോ​വ് ന​ഗ​രം പി​ടി​ച്ച് മോ​സ്കോ​യി​ലേ​ക്ക് കു​തി​ച്ച വാ​ഗ്ന​ർ കൂ​ലി​പ്പ​ട്ടാ​ളം ഒ​ടു​വി​ൽ എ​ല്ലാം അ​വ​സാ​നി​പ്പി​ച്ച് മ​ട​ങ്ങി​യെ​ങ്കി​ലും റ​ഷ്യ​ക്കും പു​ടി​നും എ​ളു​പ്പം ഭീ​തി​യ​ട​ങ്ങി​ല്ല.

കൂ​ലി​പ്പ​ട്ടാ​ള മേ​ധാ​വി യ​വ്ജ​നി പ്രി​ഗോ​ഷി​നെ ബ​ല​റൂ​സി​ലേ​ക്ക് ‘നാ​ടു​ക​ട​ത്തി’​യാ​ണ് പു​ടി​ൻ ത​ൽ​ക്കാ​ലം മാ​നം​കാ​ത്ത​ത്. എ​ന്നാ​ൽ, റ​ഷ്യ ഒ​റ്റ​ക്കെ​ട്ടാ​ണെ​ന്ന മി​ത്ത് ഇ​തോ​ടെ പൊ​ളി​ഞ്ഞെ​ന്ന ഇ​റ്റ​ലി ​വി​ദേ​ശ​കാ​ര്യ മ​ന്ത്രി​യു​ടെ വാ​ക്കു​ക​ളെ ശ​രി​വെ​ക്കു​ന്നു, ഏ​റ്റ​വു​മൊ​ടു​വി​ലെ റി​പ്പോ​ർ​ട്ടു​ക​ൾ. 16 മാ​സ​മാ​യി യു​​ക്രെ​യ്നി​ൽ തു​ട​രു​ന്ന ര​ക്ത​രൂ​ഷി​ത യു​ദ്ധ​ത്തി​ൽ റ​ഷ്യ​ൻ സൈ​നി​ക നീ​ക്ക​ങ്ങ​ളു​ടെ ചു​ക്കാ​ൻ​പി​ടി​ച്ചി​രു​ന്ന​ത് 62കാ​ര​നാ​യ പ്രി​ഗോ​ഷി​ൻ കൂ​ടി​യാ​ണ്.

നീ​ണ്ട പോ​രാ​ട്ട​ത്തി​നൊ​ടു​വി​ൽ ബ​ഖ്മൂ​ത് പി​ടി​ച്ച​ട​ക്കു​മ്പോ​ൾ മു​ന്നി​ലു​ണ്ടാ​യി​രു​ന്ന​ത് അ​ദ്ദേ​ഹ​വും വാ​ഗ്ന​ർ സേ​ന​യും. ഒ​ടു​വി​ൽ മോ​സ്കോ ല​ക്ഷ്യ​മി​ടാ​ൻ കാ​ര​ണ​മാ​യി അ​ദ്ദേ​ഹം പ​റ​ഞ്ഞ​ത്, യു​ദ്ധം ഇ​നി​യും ജ​യി​ക്കാ​നാ​വാ​ത്ത അ​ഴി​മ​തി​ക്കാ​രാ​യ സൈ​നി​ക മേ​ധാ​വി​ക​ളെ പു​റ​ത്താ​ക്കി സൈ​ന്യ​ത്തെ ശു​ദ്ധീ​ക​രി​ക്ക​ലാ​ണ്.

റോ​സ്തോ​വി​ലെ സൈ​നി​ക ആ​സ്ഥാ​ന​ത്ത് അ​ദ്ദേ​ഹ​വും കൂ​ലി​പ്പ​ട്ടാ​ള​വും പി​ടി​ച്ച​ട​ക്കാ​നെ​ത്തു​മ്പോ​ൾ അ​വി​ടെ​യു​ണ്ടാ​യി​രു​ന്ന ഔ​ദ്യോ​ഗി​ക സൈ​നി​ക​ർ പ്ര​തി​ഷേ​ധി​ക്കു​ക പോ​ലു​മു​ണ്ടാ​യി​ല്ല. നാ​ട്ടു​കാ​രും പി​ന്തു​ണ ന​ൽ​കി. അ​നാ​യാ​സം കീ​ഴ​ട​ങ്ങു​മെ​ന്ന് ക​രു​തി​യ കൂ​ലി​പ്പ​ട ജ​ന​പി​ന്തു​ണ​യോ​ടെ വ​ൻ​ന​ഗ​രം പി​ടി​ച്ചെ​ടു​ത്ത​ത് മ​റ്റി​ട​ങ്ങ​ളി​ലും സ​മാ​ന​മാ​യ​ത് ആ​വ​ർ​ത്തി​ക്കാ​മെ​ന്ന സാ​ധ്യ​ത​യും മു​ന്നി​ൽ​വെ​ച്ചു.

തു​ട​ർ​ന്ന്, ‘നീ​തി​ക്കാ​യു​ള്ള മാ​ർ​ച്ച്’ എ​ന്നു​പേ​രി​ട്ട് മോ​സ്കോ​യി​ലേ​ക്ക് ന​ട​ത്തി​യ സൈ​നി​ക​നീ​ക്കം യു​ദ്ധ ടാ​ങ്കു​ക​ൾ, ക​വ​ചി​ത ട്ര​ക്കു​ക​ൾ എ​ന്നി​വ​യു​ടെ അ​ക​മ്പ​ടി​യോ​ടെ​യാ​യി​രു​ന്നു. ഒ​ടു​വി​ൽ ​പ്ര​ശ്ന​മൊ​ഴി​വാ​ക്കി പ്രി​ഗോ​ഷി​നെ നാ​ടു​ക​ട​ത്തി​യ ക​രാ​റി​ൽ​പോ​ലും അ​യാ​ൾ​ക്കെ​തി​രാ​യ എ​ല്ലാ ക്രി​മി​ന​ൽ കു​റ്റ​ങ്ങ​ളും ഒ​ഴി​വാ​ക്കു​മെ​ന്ന് പ്ര​ത്യേ​കം ചേ​ർ​ത്തി​രു​ന്നു. മ​റു​വ​ശ​ത്ത്, ക​ലാ​പം റ​ഷ്യ​യു​ടെ അ​സ്തി​ത്വം​ത​ന്നെ അ​പ​ക​ട​ത്തി​ലാ​ക്കി​യെ​ന്ന് പു​ടി​ൻ ടെ​ലി​വി​ഷ​ൻ പ്ര​സം​ഗ​ത്തി​ൽ ഭീ​തി പ​ങ്കു​വെ​ക്കു​ക​യും ചെ​യ്തു.

റ​ഷ്യ​ൻ പ്ര​തി​രോ​ധ മ​ന്ത്രി സെ​ർ​ജി ഷോ​യ്ഗു, സൈ​നി​ക മേ​ധാ​വി വ​ലേ​റി ജെ​റാ​സി​മോ​വ് എ​ന്നി​വ​രാ​ണ് ​പ്രി​ഗോ​ഷി​ൻ വി​ര​ൽ ചൂ​ണ്ടു​ന്ന പ്ര​ധാ​നി​ക​ൾ. ഇ​രു​വ​രും സൈ​നി​ക നി​ര​യു​ടെ ത​ല​പ്പ​ത്ത് ഇ​രു​ത്താ​വു​ന്ന​വ​​ര​ല്ലെ​ന്നും മ​റ്റാ​രെ​ങ്കി​ലു​മാ​യി​​രു​ന്നെ​ങ്കി​ൽ യു​ക്രെ​യ്ൻ അ​ധി​നി​വേ​ശം എ​ന്നേ പൂ​ർ​ത്തി​യാ​ക്കാ​മെ​ന്നു​മാ​ണ് പ്രി​ഗോ​ഷി​ന്റെ നി​ല​പാ​ട്.

റ​ഷ്യ​ൻ ജ​യി​ലു​ക​ളി​ൽ​നി​ന്ന് പു​റ​ത്തി​റ​ങ്ങി​യ ആ​യി​ര​ക്ക​ണ​ക്കി​ന് മു​ൻ ജയിൽപുള്ളികളട​ങ്ങു​ന്ന വാ​ഗ്ന​ർ കൂ​ലി​പ്പ​ട്ടാ​ളം ഉ​യ​ർ​ത്തു​ന്ന ഭീ​ഷ​ണി റ​ഷ്യ​ക്ക് ചെ​റു​താ​യി കാ​ണാ​നാ​കി​ല്ല. ആ​ഫ്രി​ക്ക​യി​ലും പ​ശ്ചി​മേ​ഷ്യ​യി​ലു​മാ​യി നി​ര​വ​ധി ഖ​നി​ക​ളു​ടെ നി​യ​ന്ത്ര​ണ​മു​ള്ള സം​ഘ​ത്തെ റ​ഷ്യ​ൻ പ്ര​തി​രോ​ധ വ​കു​പ്പി​നു കീ​ഴി​ലാ​ക്കാ​ൻ അ​ടു​ത്തി​ടെ പു​ടി​ൻ ഉ​ത്ത​ര​വി​റ​ക്കി​യി​രു​ന്നെ​ങ്കി​ലും പ്രി​ഗോ​ഷി​ൻ ക​രാ​റി​ലൊ​പ്പു​വെ​ക്കാ​തെ വി​ട്ടു​നി​ന്നു.

അ​തും​ക​ഴി​ഞ്ഞ്, ര​ണ്ടു​ദി​വ​സം മു​മ്പ് റ​ഷ്യ ന​ട​ത്തി​യ വ്യോ​മാ​ക്ര​മ​ണ​ത്തി​ൽ നി​ര​വ​ധി വാ​ഗ്ന​ർ സൈ​നി​ക​ർ കൊ​ല്ല​പ്പെ​ട്ട​താ​ണ് ഏ​റ്റ​വു​മൊ​ടു​വി​ലെ പ്ര​കോ​പ​നം. യു​ക്രെ​യ്ൻ നേ​രി​ട്ട് റ​ഷ്യ​ക്കെ​തി​രെ ആ​ക്ര​മ​ണം ആ​രം​ഭി​ച്ച് ദി​വ​സ​ങ്ങ​ൾ പി​ന്നി​ടു​ന്ന​തി​നി​ടെ രാ​ജ്യ​ത്തി​ന​ക​ത്തു​ത​ന്നെ​യു​ണ്ടാ​യ സം​ഘ​ർ​ഷം പു​ടി​ന് ചി​ല്ല​റ ഭീ​ഷ​ണി​യൊ​ന്നു​മ​ല്ല ഉ​യ​ർ​ത്തു​ന്ന​ത്.

റ​ഷ്യ​യി​ൽ മൊ​ത്തം അ​ര​ക്ഷി​താ​വ​സ്ഥ​യാ​യെ​ന്നാ​യി​രു​ന്നു ഇ​തേ​ക്കു​റി​ച്ച് യു​​ക്രെ​യ്ൻ പ്ര​സി​ഡ​ന്റ് സെ​ല​ൻ​സ്കി​യു​ടെ വാ​ക്കു​ക​ൾ. റൊ​സ്തോ​വി​ൽ സൈ​നി​ക നി​യ​ന്ത്ര​ണം ആ​ർ​ക്കെ​ന്ന ആ​ധി നി​ല​നി​ൽ​ക്കു​ന്ന​ത് യു​ക്രെ​യ്നി​ൽ തു​ട​ർ​ന്നു​ള്ള മു​ന്നേ​റ്റ​ങ്ങ​ൾ അ​പ​ക​ട​ത്തി​ലാ​ക്കും.

അ​ടു​ത്തി​ടെ റ​ഷ്യ നി​യ​ന്ത്ര​ണ​ത്തി​ലാ​ക്കി​യ ബ​ഖ്മൂ​ത്തി​ൽ യു​ക്രെ​യ്ൻ സേ​ന തി​രി​ച്ചു​ക​യ​റു​ന്നു​വെ​ന്ന വാ​ർ​ത്ത ഇ​തോ​ടു ചേ​ർ​ത്തു​വാ​യി​ക്ക​ണം. വി​ഷ​യ​ങ്ങ​ൾ സൂ​ക്ഷ്മ​മാ​യി വി​ല​യി​രു​ത്തു​ന്ന തി​ര​ക്കി​ലാ​ണ് യു.​എ​സ് ഉ​ൾ​പ്പെ​ടെ നാ​റ്റോ ശ​ക്തി​ക​ൾ. യു.​എ​സ് പ്ര​സി​ഡ​ന്റ് ജോ ​ബൈ​ഡ​ൻ ജ​ർ​മ​നി, ഫ്രാ​ൻ​സ്, ബ്രി​ട്ട​ൻ അ​ട​ക്കം രാ​ജ്യ​ങ്ങ​ളി​ലെ പ്ര​മു​ഖ​രു​മാ​യി ഇ​തേ​ക്കു​റി​ച്ച് ച​ർ​ച്ച ന​ട​ത്തി. 

ക്രെംലിൻ-പ്രിഗോഷിൻ കരാറിലെന്ത്?

വാ​ഗ്ന​ർ കൂ​ലി​പ്പ​ട്ടാ​ളം ന​യി​ച്ച സൈ​നി​ക​നീ​ക്കം അ​വ​സാ​നി​പ്പി​ച്ച് ധാ​ര​ണ​യാ​യ ക​രാ​ർ പൂ​ർ​ണ​മാ​യി പു​റ​ത്തു​വ​ന്നി​ല്ലെ​ങ്കി​ലും പ്രി​ഗോ​ഷി​നെ കു​റ്റ​മു​ക്ത​നാ​ക്കു​മെ​ന്ന വ്യ​വ​സ്ഥ ക്രെം​ലി​ൻ​ത​ന്നെ സ്ഥി​രീ​ക​രി​ക്കു​ന്നു​ണ്ട്. മാ​ർ​ച്ചി​ൽ പ​​ങ്കെ​ടു​ത്ത വാ​ഗ്ന​ർ കൂ​ലി​പ്പ​ട്ടാ​ള​ക്കാ​ർ​ക്കെ​തി​രെ​യും ന​ട​പ​ടി​യു​ണ്ടാ​കി​ല്ല. എ​ന്നാ​ൽ, പ്രി​ഗോ​ഷി​ൻ ഇ​നി റ​ഷ്യ​യി​ൽ ത​ങ്ങി​ല്ല.

പ​ക​രം, ക​രാ​റി​ന് മു​ൻ​കൈ​യെ​ടു​ത്ത സൗ​ഹൃ​ദ രാ​ജ്യ​മാ​യ ബ​ല​റൂ​സി​ൽ അ​ഭ​യം തേ​ടും. ര​ണ്ടു പ​തി​റ്റാ​ണ്ടാ​യി പ്രി​ഗോ​ഷി​നു​മാ​യി സൗ​ഹൃ​ദം നി​ല​നി​ർ​ത്തു​ന്ന​യാ​ളാ​ണ് ബ​ല​റൂ​സ് ​പ്ര​സി​ഡ​ന്റ് ലു​കാ​ഷെ​ങ്കോ. ഇ​തോ​ടൊ​പ്പം, പ്രി​ഗോ​ഷി​ന്റെ ആ​വ​ശ്യം മു​ൻ​നി​ർ​ത്തി റ​ഷ്യ​ൻ പ്ര​തി​രോ​ധ​മ​ന്ത്രി സെ​ർ​ജി ഷോ​യ്ഗു അ​ട​ക്കം രാ​ജി​വെ​ക്കേ​ണ്ടി​വ​രു​മെ​ന്നും റി​​പ്പോ​ർ​ട്ടു​ക​ൾ പ​റ​യു​ന്നു. മ​റു​വ​ശ​ത്ത്, വാ​ഗ്ന​ർ കൂ​ലി​പ്പ​ട​യെ പ​തു​ക്കെ പൂ​ർ​ണ​മാ​യി ഇ​ല്ലാ​താ​ക്കാ​നു​ള്ള ശ്ര​മ​ങ്ങ​ളും പു​ടി​ൻ ന​ട​ത്തി​യേ​ക്കും.