ചൂടിനെ തണുപ്പിക്കാൻ മാംഗോ മസ്താനി
text_fieldsകനത്തചൂടിൽ അൽപം തണുത്തത് കഴിച്ചാൽ കിട്ടുന്ന ആശ്വാസം ചെറുതല്ല. അതിന് മികച്ചതാണ് ജ്യൂസുകളും പാനീയങ്ങളും. രുചിയേറും ‘മാംഗോ മസ്താനി’യാകട്ടെ ഇന്ന്
ആവശ്യമായ ചേരുവകൾ
1. പഴുത്ത മാമ്പഴം (ചെറുതായി മുറിച്ചത്) - ഒന്നരകപ്പ്
2. പഞ്ചസാര - 2 ടേബിള്സ്പൂൺ
3. പാല് - 3/4 കപ്പ് (തണുത്തത്)
4. വാനില ഐസ്ക്രീം - 2-3 സ്കൂപ്പ്
5. ബദാം, പിസ്ത - 3 ടേബിള്സ്പൂൺ (അരിഞ്ഞത്)
6. ടൂട്ടി ഫ്രൂട്ടി - 2 ടേബിള്സ്പൂൺ
7. ചെറി - അലങ്കരിക്കാനായി
8. ഐസ് ക്യൂബ്സ് - 6-8
തയാറാക്കുന്ന വിധം
1. ഒരു കപ്പ് മാമ്പഴവും 2 ടേബിള്സ്പൂൺ പഞ്ചസാരയും ചേർത്ത് മിക്സിയിൽ നന്നായി അടിച്ചെടുക്കുക. അതിൽ തണുത്ത പാലും ഐസ് ക്യൂബുകളും ചേർത്ത് വീണ്ടും അടിച്ചെടുക്കുക.
2. ഇത് 2-3 ഗ്ലാസുകളിൽ 3/4ഭാഗം വരെ ഒഴിച്ച്, അതിനു മുകളിൽ ഐസ്ക്രീം സ്കൂപ്പ് ചേർക്കുക.
3. മുകളിൽ ശേഷിച്ച മാമ്പഴവും അരിഞ്ഞ ബദാം, പിസ്ത, ടുട്ടി ഫ്രൂട്ടിയും ചേർക്കുക. മുകളിൽ ചെറിവെച്ച് അലങ്കരിച്ച് ഉടൻ സെർവ് ചെയ്യുക.

Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.