ബാപ്പുവിന്റെ തലശ്ശേരി കേക്കിന് 140 വയസ്സ്

ത​ല​ശ്ശേ​രി: ക്രി​സ്മ​സ് ആ​ഘോ​ഷ​ത്തി​ന് നാ​ടും ന​ഗ​ര​വും ഒ​രു​ങ്ങു​ക​യാ​ണ്. ബേ​ക്ക​റി​ക​ളി​ലെ ചി​ല്ല​ല​മാ​ര​ക​ളി​ൽ ഇ​നി​യു​ള​ള ദി​വ​സ​ങ്ങ​ൾ മ​ധു​ര​കേ​ക്കു​ക​ൾ നി​റ​യും. ഇ​ന്ത്യ​യി​ൽ ആ​ദ്യ​മാ​യി ക്രി​സ്മ​സ് കേ​ക്ക് പി​റ​ന്ന​ത് ത​ല​ശ്ശേ​രി​യി​ലെ മ​മ്പ​ള്ളി ബാ​പ്പു​വി​ന്റെ അ​പ്പ​ക്കൂ​ടി​ലാ​ണെ​ന്ന് ച​രി​ത്രം. ഇന്ത്യയിൽ ആദ്യമായി കേ​ക്ക് ​നിർമിച്ചതിന്റെ വാ​ർ​ഷി​കം കൊ​ണ്ടാ​ടാ​നൊ​രു​ങ്ങു​ക​യാ​ണ് ത​ല​ശ്ശേ​രി.

അ​ഞ്ച​ര​ക്ക​ണ്ടി​യി​ൽ ക​റ​പ്പ​ത്തോ​ട്ടം ഉ​ണ്ടാ​ക്കി​യ ബ്രി​ട്ടീ​ഷു​കാ​ര​ൻ മ​ർ​ഡ്രോ​ക്ക് ബ്രൗ​ണി​ന്റെ മ​ക​നാ​യ ഫ്രാ​ൻ​സി​സ് കാ​ർ​ണാ​ക് ബ്രൗ​ൺ സാ​യി​പ്പി​ന് ക്രി​സ്മ​സ് കേ​ക്ക് നി​ർ​മി​ച്ചു​ന​ൽ​കി​യ​ത് ത​ല​ശ്ശേ​രി​ക്കാ​ര​ൻ മ​മ്പ​ള്ളി ബാ​പ്പു​വാ​യി​രു​ന്നു. 1883 ഡി​സം​ബ​ർ 20നാ​ണ് ഇ​ന്ത്യ​യി​ൽ ആ​ദ്യ​മാ​യി ക്രി​സ്മ​സ് കേ​ക്ക് നി​ർ​മി​ച്ച​ത്.

ബ്രൗ​ൺ​സാ​യി​പ്പ് ഇം​ഗ്ല​ണ്ടി​ൽ​നി​ന്ന് കൊ​ണ്ടു​വ​ന്ന ക്രി​സ്മ​സ് കേ​ക്ക് മ​മ്പ​ള​ളി ബാ​പ്പു​വി​ന് കൊ​ടു​ക്കു​ക​യും അ​തി​ന്റെ ചേ​രു​വ​ക​ൾ പ​റ​ഞ്ഞു​കൊ​ടു​ത്തും ഇ​തു​പോ​ലൊ​രു കേ​ക്ക് നി​ർ​മി​ക്കാ​ൻ സാ​യി​പ്പ് ആ​വ​ശ്യ​പ്പെ​ട്ടു.

ബാ​പ്പു ധ​ർ​മ​ട​ത്തെ കൊ​ല്ല​പ്പ​ണി​ക്കാ​ര​നെ കൊ​ണ്ട് കേ​ക്കി​ന്റെ അ​ച്ച് നി​ർ​മി​ക്കു​ക​യും കേ​ക്ക് നി​ർ​മി​ച്ച് ഒ​രു ക​ഷ്ണം രു​ചി​ച്ചു​നോ​ക്കാ​ൻ സാ​യി​പ്പി​ന് ന​ൽ​കു​ക​യും ചെ​യ്തു. കേ​ക്ക് രു​ചി​ച്ചു​നോ​ക്കി​യ സാ​യി​പ്പ് എ​ക്സ​ല​ന്റ് എ​ന്ന് പ​റ​ഞ്ഞ് ബാ​പ്പു​വി​നെ കെ​ട്ടി​പ്പി​ടി​ച്ചു. അ​ങ്ങ​നെ 1883 ഡി​സം​ബ​ർ 20ന് ​ആ​ദ്യ​ത്തെ ഇ​ന്ത്യ​ൻ ക്രി​സ്മ​സ് കേ​ക്ക് ത​ല​ശ്ശേ​രി​യി​ൽ​നി​ന്ന് പു​റ​ത്തി​റ​ങ്ങി. അ​തി​നു​ശേ​ഷം ത​ല​ശ്ശേ​രി കേ​ക്കി​ന്റെ നാ​ടാ​ണെ​ന്ന പെ​രു​മ ലോ​ക​മെ​ങ്ങും അ​റി​യ​പ്പെ​ട്ടു.

1880ലാ​ണ് ത​ല​ശ്ശേ​രി​യി​ൽ റോ​യ​ൽ ബി​സ്ക​റ്റ് എ​ന്ന പേ​രി​ൽ മ​മ്പ​ള്ളി ബാ​പ്പു ബേ​ക്ക​റി വ്യ​വ​സാ​യം ആ​രം​ഭി​ച്ച​ത്. ബാ​പ്പു​വി​ന്റെ സ്മ​ര​ണ നി​ല​നി​ർ​ത്താ​ൻ ത​ല​ശ്ശേ​രി ടൗ​ണി​ലെ ഹാ​ർ​ബ​ർ​സി​റ്റി കെ​ട്ടി​ട​ത്തി​ൽ ഇ​പ്പോ​ഴും സ്ഥാ​പ​ന​മു​ണ്ട്.

ഡി​സം​ബ​ർ 20ന് ​ത​ല​ശ്ശേ​രി മേ​രി​മാ​ത ചാ​രി​റ്റ​ബ്ൾ ട്ര​സ്റ്റി​ന്റെ ആ​ഭി​മു​ഖ്യ​ത്തി​ലാ​ണ് കേ​ക്കി​ന്റെ വാ​ർ​ഷി​കം ആ​ഘോ​ഷി​ക്കു​ന്ന​ത്. വൈ​കീ​ട്ട് നാ​ലി​ന് ത​ല​ശ്ശേ​രി പ്ര​സ് ഫോ​റം ഹാ​ളി​ൽ ജി​ല്ല ഗ​വ. പ്ലീ​ഡ​ർ കെ. ​അ​ജി​ത്ത് കു​മാ​ർ ഉ​ദ്ഘാ​ട​നം ചെ​യ്യും. ട്ര​സ്റ്റ് ചെ​യ​ർ​മാ​ൻ ഡോ. ​ജി.​എ​സ്. ഫ്രാ​ൻ​സി​സ് അ​ധ്യ​ക്ഷ​ത വ​ഹി​ക്കും. മ​മ്പ​ള്ളി കു​ടും​ബാം​ഗ​ങ്ങ​ളാ​യ കു​മാ​ര​ൻ, പ്ര​കാ​ശ​ൻ തു​ട​ങ്ങി​യ​വ​ർ പ​ങ്കെ​ടു​ക്കും.