നി​ക്ഷേ​പ സാ​ധ്യ​ത​ക​ൾ തേ​ടി ഇ​ന്ത്യ-​കു​വൈ​ത്ത് സ​മ്മേ​ള​നം

കു​വൈ​ത്ത് സി​റ്റി: ഇ​ന്ത്യ-​കു​വൈ​ത്ത് നി​ക്ഷേ​പ സ​മ്മേ​ള​ന​ത്തി​ന്‍റെ ര​ണ്ടാം പ​തി​പ്പ് കു​വൈ​ത്തി​ലെ ഹോ​ട്ട​ൽ ഫോ​ർ സീ​സ​ണി​ൽ ന​ട​ന്നു. ഇ​ന്ത്യ​ൻ ബി​സി​ന​സ് ആ​ൻ​ഡ് പ്രഫ​ഷ​ന​ൽ കൗ​ൺ​സി​ലു​മാ​യി (ഐ.​ബി.​പി.​സി) ചേ​ർ​ന്ന് കു​വൈ​ത്തി​ലെ ഇ​ന്ത്യ​ൻ എം​ബ​സി​യാ​ണ് നി​ക്ഷേ​പ സ​മ്മേ​ള​നം ​സം​ഘ​ടി​പ്പി​ച്ച​ത്. കു​വൈ​ത്ത് ചേം​ബ​ർ ഓ​ഫ് കോ​മേ​ഴ്സ് ആ​ൻ​ഡ് ഇ​ൻ​ഡ​സ്ട്രി (കെ.​സി.​സി.​ഐ),യൂ​നി​യ​ൻ ഓ​ഫ് ഇ​ൻ​വെ​സ്റ്റ്മെ​ന്റ് ക​മ്പ​നീ​സ് (യു.​ഐ.​സി) കു​വൈ​ത്ത് എ​ന്നി​വ​യു​ടെ സ​ഹ​ക​ര​ണ​വും സ​മ്മേ​ള​ന​ത്തി​നു​ണ്ടാ​യി.

വ്യാ​പാ​രം, വാ​ണി​ജ്യം എ​ന്നി​വ​യി​ലൂ​ടെ ച​രി​ത്ര​പ​ര​മാ​യി ബ​ന്ധം പു​ല​ർ​ത്തു​ന്ന രാ​ജ്യ​ങ്ങ​ളാ​ണ് ഇ​ന്ത്യ​യും കു​വൈ​ത്തു​മെ​ന്ന് സ​ദ​സ്സി​നെ അ​ഭി​സം​ബോ​ധ​ന ചെ​യ്ത ഇ​ന്ത്യ​ൻ അം​ബാ​സ​ഡ​ർ ഡോ.​ആ​ദ​ർ​ശ് സ്വൈ​ക പ​റ​ഞ്ഞു. ര​ണ്ട് രാ​ജ്യ​ങ്ങ​ളും പ​രി​വ​ർ​ത്ത​ന​ത്തി​ന്‍റെ കൊ​ടു​മു​ടി​യി​ൽ നി​ൽ​ക്കു​ന്ന സ​മ​കാ​ലി​ക കാ​ല​ത്തും ഇ​ത് പ്ര​സ​ക്ത​മാ​ണെ​ന്ന് അ​ദ്ദേ​ഹം ഉ​ണ​ർ​ത്തി. ലോ​ക​ത്തി​ലെ അ​ഞ്ചാ​മ​ത്തെ വ​ലി​യ സ​മ്പ​ദ്‌​വ്യ​വ​സ്ഥ​യാ​യ ഇ​ന്ത്യ 2047ഓ​ടെ വി​ക​സി​ത രാ​ജ്യ​മാ​യി മാ​റു​ക എ​ന്ന ല​ക്ഷ്യ​ത്തി​ലാ​ണ്. കു​വൈ​ത്ത് അ​തി​ന്‍റെ വി​ഷ​ൻ 2035 ല​ക്ഷ്യ​ത്തി​ലാ​ണെ​ന്നും ഡോ.​ആ​ദ​ർ​ശ് സ്വൈ​ക സൂ​ചി​പ്പി​ച്ചു.

കു​വൈ​ത്ത് ഇ​ൻ​വെ​സ്റ്റ്‌​മെ​ന്‍റ് അ​തോ​റി​റ്റി (കെ.​ഐ.​എ) മാ​നേ​ജി​ങ് ഡ​യ​റ​ക്ട​ർ ഘ​നേം അ​ൽ ഗ​നൈ​മാ​ൻ, യൂ​നി​യ​ൻ ഓ​ഫ് ഇ​ൻ​വെ​സ്റ്റ്‌​മെ​ന്‍റ് ക​മ്പ​നീ​സ് (യു.​ഐ.​സി) ചെ​യ​ർ​മാ​ൻ സ​ലേ​ഹ് അ​ൽ സെ​ൽ​മി, കെ.​സി.​സി.​ഐ ഡ​യ​റ​ക്ട​ർ ജ​ന​റ​ൽ റ​ബാ​ഹ് എ ​അ​ൽ റ​ബാ​ഹ്, കെ. ​രാ​ജാ​രാ​മ​ൻ (ഇ​ന്‍റ​ർ​നാ​ഷ​ന​ൽ ഫി​നാ​ൻ​ഷ്യ​ൽ സ​ർ​വി​സ​സ് സെ​ന്‍റ​ർ അ​തോ​റി​റ്റി ചെ​യ​ർ​പേ​ഴ്സ​ൺ -ഗി​ഫ്റ്റ് സി​റ്റി), സ​ഞ്ജീ​വ് അ​ഗ​ർ​വാ​ൾ (എം.​ഡി ആ​ൻ​ഡ് സി.​ഇ.​ഒ നാ​ഷ​ന​ൽ ഇ​ൻ​വെ​സ്റ്റ്‌​മെ​ന്‍റ് ആ​ൻ​ഡ് ഇ​ൻ​ഫ്രാ​സ്ട്ര​ക്ച​ർ ഫ​ണ്ട് ഓ​ഫ് ഇ​ന്ത്യ), ഇ​ന്ത്യ​യി​ൽ നി​ന്നു​ള്ള നി​ക്ഷേ​പ​ക​ർ, ഐ.​ബി.​പി.​സി, കെ.​സി.​സി.​ഐ പ്ര​തി​നി​ധി​ക​ൾ എ​ന്നി​വ​ർ പ​​ങ്കെ​ടു​ത്തു.