വ​രുംദി​വ​സ​ങ്ങ​ളി​ൽ ചൂ​ട് വ​ർ​ധി​ക്കും; ഉ​ഷ്ണ​ത​രം​ഗം തു​ട​രു​ന്നു; താ​പ​നി​ല 50 ഡി​ഗ്രി സെ​ൽ​ഷ്യ​സാ​യി ഉ​യ​ർ​ന്നു

കു​വൈ​ത്ത് സി​റ്റി: രാ​ജ്യ​ത്ത് താ​പ​നി​ല​യി​ൽ വ​ർ​ധ​ന. ക​ന​ത്ത ഉ​ഷ്ണ​ത​രം​ഗം തു​ട​രു​ന്ന​തി​നാ​ൽ വ്യാ​ഴാ​ഴ്ച താ​പ​നി​ല 50 ഡി​ഗ്രി സെ​ൽ​ഷ്യ​സി​ലേ​ക്ക് ഉ​യ​ർ​ന്നു. വ​രും​ദി​വ​സ​ങ്ങ​ളി​ലും പ​ക​ലും രാ​ത്രി​യി​ലും ചൂ​ടു​ള്ള കാ​ലാ​വ​സ്ഥ തു​ട​രു​മെ​ന്ന് കാ​ലാ​വ​സ്ഥ കേ​ന്ദ്രം ഡ​യ​റ​ക്ട​ർ ജ​ന​റ​ൽ ദ​രാ​ർ അ​ൽ അ​ലി പ​റ​ഞ്ഞു. ഇ​ന്ത്യ​ൻ മ​ൺ​സൂ​ൺ ന്യൂ​ന​മ​ർ​ദ​ത്തി​ന്റെ വ്യാ​പ​നം ചൂ​ടു​ള്ള​തും വ​ര​ണ്ട​തു​മാ​യ വാ​യു പി​ണ്ഡം സൃ​ഷ്ടി​ക്കു​ന്ന​തി​ന്റെ സ്വാ​ധീ​ന​മാ​ണ് താ​പ​നി​ല​യി​ലെ ഉ​യ​ർ​ച്ച​ക്ക് കാ​ര​ണം.

വെ​ള്ളി​യാ​ഴ്ച പ​ക​ൽ താ​പ​നി​ല 46-49 ഡി​ഗ്രി സെ​ൽ​ഷ്യ​സി​നും ഇ​ട​യി​ൽ പ്ര​തീ​ക്ഷി​ക്കു​ന്നു. വ​ട​ക്കു​പ​ടി​ഞ്ഞാ​റ​ൻ ദി​ശ​യി​ൽ നി​ന്ന് മ​ണി​ക്കൂ​റി​ൽ എ​ട്ടു മു​ത​ൽ 28വ​രെ കി​ലോ​മീ​റ്റ​ർ വേ​ഗ​ത്തി​ൽ കാ​റ്റ് വീ​ശാം. രാ​ത്രി താ​പ​നി​ല 29-31 ഡി​ഗ്രി സെ​ൽ​ഷ്യ​സി​നും ഇ​ട​യി​ലാ​കാം. നേ​രി​യ​തോ മി​ത​മാ​യ​തോ ആ​യ വേ​ഗ​ത്തി​ൽ കാ​റ്റ് വീ​ശാ​നും സാ​ധ്യ​ത​യു​ണ്ട്.

ശ​നി​യാ​ഴ്ച കാ​ലാ​വ​സ്ഥ ചൂ​ടു​ള്ള​താ​യി തു​ട​രും. പ​ക​ൽ താ​പ​നി​ല 50 ഡി​ഗ്രി സെ​ൽ​ഷ്യ​സി​ലേ​ക്ക് ഉ​യ​രാ​ൻ സാ​ധ്യ​ത​യു​ണ്ട്. വ​ട​ക്ക് പ​ടി​ഞ്ഞാ​റ​ൻ ദി​ശ​യി​ൽ നി​ന്ന് കാ​റ്റ് തു​ട​രും. ക​ട​ൽ നേ​രി​യ​തോ മി​ത​മാ​യ​തോ ആ​യി​രി​ക്കും. ശ​നി​യാ​ഴ്ച രാ​ത്രി തീ​ര​പ്ര​ദേ​ശ​ങ്ങ​ളി​ൽ ചൂ​ടു​ള്ള​തും താ​ര​ത​മ്യേ​ന ഈ​ർ​പ്പ​മു​ള്ള​തു​മാ​യ കാ​ലാ​വ​സ്ഥ​യാ​യി​രി​ക്കും. താ​പ​നി​ല 30-32ന് ​ഇ​ട​യി​ൽ പ്ര​തീ​ക്ഷി​ക്കു​ന്നു, മ​ണി​ക്കൂ​റി​ൽ എ​ട്ടു മു​ത​ൽ 28വ​രെ കി​ലോ​മീ​റ്റ​ർ വേ​ഗ​ത്തി​ൽ കാ​റ്റ് വീ​ശാം.

കൊ​ടും ചൂ​ടി​ന്റെ സ​മ​യ​ത്ത് ആ​വ​ശ്യ​മാ​യ മു​ൻ​ക​രു​ത​ലു​ക​ൾ എ​ടു​ക്ക​ണ​മെ​ന്ന് കാ​ലാ​വ​സ്ഥ വ​കു​പ്പ് ഉ​ണ​ർ​ത്തി. പു​റ​ത്തെ ജോ​ലി​ക​ളി​ൽ​നി​ന്ന് പ​ക​ൽ വി​ട്ടു​നി​ൽ​ക്ക​ണം.