വേ​ന​ലി​ലും വാ​ടാ​തെ തോ​ട്ട​ങ്ങ​ൾ; പ​ച്ച​പ്പ് നി​ല​നി​ർ​ത്തും ഗ്രീ​ൻ ഹൗ​സ്

ദോ​ഹ: മ​ണ്ണ് ചു​ട്ടു​പൊ​ള്ളു​ന്ന വേ​ന​ലി​ലും രാ​ജ്യ​ത്തെ കൃ​ഷി​ത്തോ​ട്ട​ങ്ങ​ൾ​ക്ക് ത​ണ​ലും പ​ച്ച​പ്പു​മൊ​രു​ക്കു​ന്ന​തി​ൽ നി​ർ​ണാ​യ​ക​മാ​യി ‘ഗ്രീ​ൻ ഹൗ​സ്’ കൃ​ഷി​രീ​തി​ക​ൾ. പ​ച്ച​നി​റ​ത്തി​ൽ, കാ​ലാ​വ​സ്ഥ വെ​ല്ലു​വി​ളി​ക​ളെ ത​ട​ഞ്ഞ് കൃ​ഷി​ക്ക് അ​നു​യോ​ജ്യ​മാ​യ അ​ന്ത​രീ​ക്ഷം ഒ​രു​ക്കു​ക​യാ​ണ് ഈ ​ഹ​രി​ത​ഗൃ​ഹ​ങ്ങ​ൾ.

കാ​ർ​ഷി​കോ​ൽ​പാ​ദ​നം വ​ർ​ധി​പ്പി​ക്കു​ന്ന​തി​നും കാ​ർ​ഷി​ക സീ​സ​ൺ ദീ​ർ​ഘി​പ്പി​ക്കു​ന്ന​തി​നു​മാ​യി മു​നി​സി​പ്പാ​ലി​റ്റി മ​ന്ത്രാ​ല​യ​ത്തി​ന് കീ​ഴി​ലെ കാ​ർ​ഷി​ക വ​കു​പ്പ് ആ​രം​ഭി​ച്ച നി​ര​വ​ധി സം​രം​ഭ​ങ്ങ​ളി​ലൊ​ന്നാ​ണ് ക​ർ​ഷ​ക​ർ​ക്കു​ള്ള ഹ​രി​ത​ഗൃ​ഹ​ങ്ങ​ൾ. ക​ർ​ഷ​ക​ർ​ക്ക് ന​ൽ​കു​ന്ന ഹ​രി​ത​ഗൃ​ഹ​ങ്ങ​ൾ വേ​ന​ൽ​ക്കാ​ല​ത്ത് ഉ​ൽ​പാ​ദ​നം ഉ​റ​പ്പാ​ക്കാ​ൻ സ​ഹാ​യി​ക്കു​ന്ന​താ​യി കാ​ർ​ഷി​ക വ​കു​പ്പി​ലെ അ​ഗ്രി​ക​ൾ​ച​റ​ൽ ഗൈ​ഡ​ൻ​സ് ആ​ൻ​ഡ് സ​ർ​വി​സ​സ് വി​ഭാ​ഗം മേ​ധാ​വി അ​ഹ്മ​ദ് സാ​ലിം അ​ൽ യാ​ഫി​ഈ പ​റ​ഞ്ഞു.

ക​ർ​ഷ​ക​രു​ടെ ആ​വ​ശ്യ​ങ്ങ​ൾ​ക്ക​നു​സൃ​ത​മാ​യി, ഉ​ൽ​പാ​ദ​ന​ശേ​ഷി​യും കാ​ര്യ​ക്ഷ​മ​ത​യും ക​ണ​ക്കാ​ക്കി എ, ​ബി, സി ​എ​ന്ന വ​ർ​ഗീ​ക​ര​ണ​ത്തി​ന്റെ അ​ടി​സ്ഥാ​ന​ത്തി​ൽ സൗ​ജ​ന്യ​മാ​യാ​ണ് ഇ​ത്ത​രം ഹ​രി​ത​ഗൃ​ഹ​ങ്ങ​ൾ വി​ത​ര​ണം ചെ​യ്യു​ന്ന​തെ​ന്നും കാ​ർ​ഷി​കോ​ൽ​പാ​ദ​നം വ​ർ​ധി​പ്പി​ക്കു​ന്ന​തു​മാ​യി ബ​ന്ധ​പ്പെ​ട്ട വ​കു​പ്പി​ന്റെ നി​ര​വ​ധി സം​രം​ഭ​ങ്ങ​ളി​ലൊ​ന്നാ​ണ് ഇ​തെ​ന്നും അ​ൽ യാ​ഫി​ഈ കൂ​ട്ടി​ച്ചേ​ർ​ത്തു.

പ​ദ്ധ​തി പ്ര​കാ​രം കാ​ർ​ഷി​ക വ​കു​പ്പ് ഉ​ൽ​പാ​ദ​ന​ക്ഷ​മ​മാ​യ എ​ല്ലാ ഫാ​മു​ക​ൾ​ക്കും ഹ​രി​ത​ഗൃ​ഹ​ങ്ങ​ൾ ന​ൽ​കു​ന്നു​ണ്ടെ​ന്നും കാ​ര്യ​ക്ഷ​മ​ത​യും ഉ​ൽ​പാ​ദ​ന​ശേ​ഷി​യും അ​നു​സ​രി​ച്ച് ഫാ​മു​ക​ളെ എ, ​ബി, സി ​എ​ന്നി​ങ്ങ​നെ വ​ർ​ഗീ​ക​രി​ച്ചി​ട്ടു​ണ്ടെ​ന്നും അ​ദ്ദേ​ഹം പ​റ​ഞ്ഞു.

കാ​ർ​ഷി​ക വ​കു​പ്പി​ന്റെ മേ​ൽ​നോ​ട്ട​ത്തി​ലാ​ണ് ഹ​രി​ത​ഗൃ​ഹ​ങ്ങ​ൾ സ്ഥാ​പി​ക്കു​ന്ന​ത്. വേ​ന​ൽ​ക്കാ​ല​ത്ത് ഉ​ൽ​പാ​ദ​നം തു​ട​രു​ന്ന​തി​ലൂ​ടെ കാ​ർ​ഷി​ക സീ​സ​ൺ ദീ​ർ​ഘി​പ്പി​ക്കു​ന്നു​വെ​ന്ന​താ​ണ് ഹ​രി​ത​ഗൃ​ഹ​ങ്ങ​ളു​ടെ പ്ര​ധാ​ന നേ​ട്ടം -അ​ൽ യാ​ഫി​ഈ ചൂ​ണ്ടി​ക്കാ​ട്ടി. ഖ​ത്ത​റി​ൽ വേ​ന​ൽ​ക്കാ​ല​ത്ത് ഫാ​മു​ക​ൾ ഉ​ൽ​പാ​ദ​നം നി​ർ​ത്തു​ക​യാ​ണ് പ​തി​വ്.

എ​ന്നാ​ൽ, ഹ​രി​ത​ഗൃ​ഹ സം​വി​ധാ​ന​മു​ള്ള​വ​ർ​ക്ക് വേ​ന​ലി​ലും പ​ച്ച​ക്ക​റി ഉ​ൽ​പാ​ദി​പ്പി​ക്കാ​ൻ സാ​ധി​ക്കു​മെ​ന്നും ഫാ​മു​ക​ളെ അ​പേ​ക്ഷി​ച്ച് ഗു​ണ​നി​ല​വാ​ര​മു​ള്ള കാ​ർ​ഷി​ക ഉ​ൽ​പ​ന്ന​ങ്ങ​ളാ​ണ് ഹ​രി​ത​ഗൃ​ഹ​ങ്ങ​ളി​ൽ ഉ​ൽ​പാ​ദി​പ്പി​ക്ക​പ്പെ​ടു​ന്ന​തെ​ന്നും അ​ദ്ദേ​ഹം വി​ശ​ദീ​ക​രി​ച്ചു.

കാ​ർ​ഷി​ക ഉ​ൽ​പ​ന്ന​ങ്ങ​ൾ, വ​ള​ങ്ങ​ൾ, ജ​ല​സേ​ച​ന ഉ​പ​ക​ര​ണ​ങ്ങ​ളും ശൃം​ഖ​ല​ക​ളും എ​ന്നി​വ​യു​ടെ വി​ത​ര​ണം മ​റ്റു സം​രം​ഭ​ങ്ങ​ളി​ലു​ൾ​പ്പെ​ടു​ന്നു. കാ​ര്യ​ക്ഷ​മ​മാ​യ കൃ​ഷി​രീ​തി​ക​ളെ​ക്കു​റി​ച്ച് ക​ർ​ഷ​ക​ർ​ക്ക് പ്ര​ത്യേ​ക മാ​ർ​ഗ​നി​ർ​ദേ​ശ സേ​വ​ന​ങ്ങ​ളും വ​കു​പ്പ് ന​ൽ​കു​ന്നു​ണ്ടെ​ന്ന് അ​ൽ യാ​ഫി​ഈ വ്യ​ക്ത​മാ​ക്കി.

കാ​ർ​ഷി​ക ഉ​ൽ​പ​ന്ന​ങ്ങ​ളു​ടെ ഗു​ണ​നി​ല​വാ​ര​വും അ​ള​വും മെ​ച്ച​പ്പെ​ടു​ത്തു​ന്നി​നും വി​പ​ണ​ന പ്ലാ​റ്റ്‌​ഫോ​മു​ക​ൾ ന​ൽ​കു​ന്ന​തി​നും കൂ​ടാ​തെ പ​ച്ച​പ്പു​ല്ല് ഉ​ൽ​പാ​ദി​പ്പി​ക്കു​ന്ന​തി​ൽ ഭൂ​ഗ​ർ​ഭ​ജ​ല​ത്തി​ന്റെ ഉ​പ​ഭോ​ഗം കു​റ​ക്കു​ന്ന​തി​നു​ള്ള സം​രം​ഭ​വും വ​കു​പ്പി​ന് കീ​ഴി​ലു​ണ്ട്. അ​ദ്ദേ​ഹം പ​റ​ഞ്ഞു.

മു​നി​സി​പ്പാ​ലി​റ്റി മ​ന്ത്രാ​ല​യ​ത്തി​ന്റെ റി​പ്പോ​ർ​ട്ട് അ​നു​സ​രി​ച്ച് ഹ​രി​ത​ഗൃ​ഹ​ങ്ങ​ൾ വി​ത​ര​ണം ചെ​യ്യു​ന്ന​തി​നും സ്ഥാ​പി​ക്കു​ന്ന​തി​നു​മു​ള്ള 58 ശ​ത​മാ​നം ജോ​ലി​ക​ളും പൂ​ർ​ത്തി​യാ​യി. പ്രാ​ദേ​ശി​ക ഫാ​മു​ക​ൾ​ക്കാ​യി ഏ​ക​ദേ​ശം 3478 ഫാ​മു​ക​ളാ​ണ് വി​ത​ര​ണം ചെ​യ്യു​ന്ന​ത്. നേ​ര​ത്തേ 666 ഹെ​ക്ട​ർ പ്ര​ദേ​ശ​ത്ത് ഹ​രി​ത​ഗൃ​ഹ​ങ്ങ​ൾ സ്ഥാ​പി​ച്ചി​രു​ന്നു. ഉ​ൽ​പാ​ദ​ന​ച്ചെ​ല​വ് കു​റ​ക്കു​ന്ന​തി​ന് ക​ർ​ഷ​ക​ർ​ക്ക് പു​തി​യ ഉ​പ​ക​ര​ണ​ങ്ങ​ളും സാ​ങ്കേ​തി​ക​വി​ദ്യ​ക​ളും ന​ൽ​കി ഇ​റ​ക്കു​മ​തി ഉ​ൽ​പ​ന്ന​ങ്ങ​ളു​മാ​യി മ​ത്സ​രി​ക്കാ​നു​ള്ള പ്രാ​പ്തി ന​ൽ​കി ക​ർ​ഷ​ക മേ​ഖ​ല​യെ പ​രി​ഷ്‌​ക​രി​ക്കാ​നാ​ണ് മ​ന്ത്രാ​ല​യ​ത്തി​ന്റെ പ​ദ്ധ​തി.

കാ​ർ​ഷി​ക മേ​ഖ​ല നേ​രി​ടു​ന്ന പ്ര​ധാ​ന വെ​ല്ലു​വി​ളി​ക​ളി​ലൊ​ന്നാ​യ ജ​ല​ക്ഷാ​മം പ​രി​ഹ​രി​ക്കു​ന്ന​തി​ന് പ്രാ​ദേ​ശി​ക ഫാ​മു​ക​ളെ കൂ​ടു​ത​ൽ ജ​ല​ക്ഷ​മ​ത​യു​ള്ള കാ​ർ​ഷി​ക സ​മ്പ്ര​ദാ​യം സ്വീ​ക​രി​ക്കാ​ൻ സ​ഹാ​യി​ക്കാ​നും മ​ന്ത്രാ​ല​യ​ത്തി​ന്റെ പ​ദ്ധ​തി​യു​ണ്ട്.