വയനാട്ടിൽ ഉപതെരഞ്ഞെടുപ്പ്? കോൺഗ്രസ് മുന്നൊരുക്കം തുടങ്ങി

ക​ൽ​പ​റ്റ: ലോ​ക്സ​ഭ തെ​ര​ഞ്ഞെ​ടു​പ്പി​ൽ രാ​ഹു​ൽ ഗാ​ന്ധി റാ​യ്ബ​റേ​ലി​യി​ൽ കൂ​ടി മ​ത്സ​രി​ക്കാ​നി​റ​ങ്ങി​യ​തോ​ടെ ചൂ​ട് പി​ടി​ച്ച വി​വാ​ദ​ത്തി​നി​ടെ പ്രി​യ​ങ്ക ഗാ​ന്ധി​യു​ടെ ആ​ദ്യ തെ​ര​ഞ്ഞെ​ടു​പ്പ് പോ​രാ​ട്ട​ത്തി​നു​ള്ള ച​ർ​ച്ച​ക​ളും സ​ജീ​വ​മാ​യി. വ​യ​നാ​ട് മ​ണ്ഡ​ല​ത്തി​ൽ ഉ​പ​തെ​ര​ഞ്ഞെ​ടു​പ്പ് ഉ​റ​പ്പാ​ക്കി കോ​ൺ​ഗ്ര​സ് ഇ​പ്പോ​ൾ ത​ന്നെ മു​ന്നൊ​രു​ക്ക​ങ്ങ​ൾ തു​ട​ങ്ങി. ഇ​തി​ന്റെ ഭാ​ഗ​മാ​യി നി​ല​വി​ലെ ബൂ​ത്ത് ത​ല​ത്തി​ലു​ള്ള വോ​ട്ട​ർ പ​ട്ടി​ക സൂ​ക്ഷി​ച്ചു​വെ​ക്ക​ണ​മെ​ന്ന​ത​ട​ക്ക​മു​ള്ള നി​ർ​ദേ​ശ​ങ്ങ​ൾ കീ​ഴ്ഘ​ട​ങ്ങ​ൾ​ക്ക് ന​ൽ​കി​യാ​താ​യാ​ണ് വി​വ​രം.

വ​യ​നാ​ട്ടി​ൽ രാ​ഹു​ൽ ഗാ​ന്ധി​യു​ടെ ജ​യം സു​നി​ശ്ചി​മാ​ണെ​ന്നി​രി​ക്കെ റാ​യ്ബ​റേ​ലി​യി​ലും വി​ജ​യം ഉ​റ​പ്പാ​ണെ​ന്നാ​ണ് കോ​ൺ​ഗ്ര​സ് നേ​താ​ക്ക​ൾ പ​റ​യു​ന്ന​ത്. ര​ണ്ടു മ​ണ്ഡ​ല​ത്തി​ലും രാ​ഹു​ൽ ജ​യി​ച്ചു വ​ന്നാ​ൽ വ​യ​നാ​ട് ഉ​പേ​ക്ഷി​ക്കാ​നു​ള്ള സാ​ധ്യ​ത ത​ന്നെ​യാ​ണ് കോ​ൺ​ഗ്ര​സ് വൃ​ത്ത​ങ്ങ​ളും ന​ൽ​കു​ന്ന​ത്. വ​യ​നാ​ട്ടി​ൽ ഉ​പ തെ​ര​ഞ്ഞെ​ടു​പ്പു​ണ്ടാ​കു​ക​യും പ്രി​യ​ങ്ക ഗാ​ന്ധി ക​ന്നി മ​ത്സ​ര​ത്തി​നി​റ​ങ്ങു​ക​യും ചെ​യ്യു​മെ​ന്നാ​ണ് വി​ല​യി​രു​ത്ത​ൽ.

സ്വ​ന്തം കു​ടും​ബ​മാ​ണെ​ന്ന് രാ​ഹു​ൽ ആ​ണ​യി​ട്ട് പ​റ​യു​ന്ന വ​യ​നാ​ടി​നെ ഉ​പേ​ക്ഷി​ച്ചുവെ​ന്ന പ​ഴി സ​ഹോ​ദ​രി​യു​ടെ സ്ഥാ​നാ​ർ​ഥി​ത്വ​ത്തോ​ടെ ഇ​ല്ലാ​താ​ക്കാ​നും ഇ​തി​ലൂ​ടെ ക​ഴി​യും. ഉ​ത്ത​ർ പ്ര​ദേ​ശി​ൽ ഇ​ത്ത​വ​ണ പ്രി​യ​ങ്ക ഗാ​ന്ധി മ​ത്സ​രി​ക്കു​മെ​ന്ന് ഏ​ക​ദേ​ശം ഉ​റ​പ്പാ​യി​രു​ന്നു. എ​ന്നാ​ൽ, റാ​യ്ബ​റേ​ലി രാ​ഹു​ൽ നി​ല​നി​ർ​ത്തി​യാ​ൽ വ​യ​നാ​ടി​നെ ഗാ​ന്ധി കു​ടും​ബം കൈ​വി​ട്ടു വെ​ന്ന പ​ഴി കേ​ൾ​ക്കേ​ണ്ടി വ​രും.

ഇ​തൊ​ഴി​വാ​ക്കാ​ൻ പ്രി​യ​ങ്ക വ​യ​നാ​ട്ടി​ലെ ഉ​പ​തെ​ര​ഞ്ഞെ​ടു​പ്പി​ൽ ക​ന്നി അ​ങ്ക​ത്തി​നി​റ​ങ്ങും. ഈ ​തീ​രു​മാ​ന​ത്തി​ന്റെ ഭാ​ഗ​മാ​യാ​ണ് യു.​പി​യി​ൽ നി​ന്ന് പ്രി​യ​ങ്ക പി​ൻ​മാ​റി​യ​തെ​ന്നാ​ണ് വി​വ​രം. അ​തേ സ​മ​യം, വ​യ​നാ​ട്ടി​ൽ ഉ​പ​തെ​ര​ഞ്ഞെ​ടു​പ്പ് ന​ട​ക്കു​മ്പോ​ൾ പ്രി​യ​ങ്ക​യ​ല്ലാ​തെ കേ​ര​ള​ത്തി​ൽ നി​ന്ന് ആ​ര് മ​ത്സ​ര​ത്തി​നി​റ​ങ്ങി​യാ​ലും ജ​യി​ച്ചു ക​യ​റു​മോ​യെ​ന്ന കാ​ര്യ​ത്തി​ൽ നി​ല​വി​ലെ സാ​ഹ​ച​ര്യ​ത്തി​ൽ കോ​ൺ​ഗ്ര​സ് നേ​താ​ക്ക​ൾ​ക്ക് പോ​ലും ശു​ഭാ​പ്തി വി​ശ്വാ​സ​മി​ല്ല.

അ​ഞ്ചി​ൽ നാ​ല് നി​യ​മ​സ​ഭ മ​ണ്ഡ​ല​ങ്ങ​ളും എ​സ്.​പി​യു​ടെ കൈ​യി​ലു​ള്ള റാ​യ്ബ​റേ​ലി​യി​ൽ രാ​ഹു​ലി​ന്റെ വി​ജ​യം സു​നി​ശ്ചി​ത​മാ​ണെ​ന്നാ​ണ് കോ​ൺ​ഗ്ര​സ് പ​റ​യു​ന്ന​ത്.

റാ​യ്ബ​റേ​ലി​യെ ഗാ​ന്ധി കു​ടും​ബം കൈ​വി​ടി​ല്ലെ​ന്ന് സോ​ണി​യ​യും അ​വി​ട​ത്തു​കാ​ർ​ക്ക് ഉ​റ​പ്പ് ന​ൽ​കി​യി​രു​ന്നു. രാ​ഹു​ൽ റാ​യ്ബ​റേ​ലി​യി​ൽ മ​ത്സ​രി​ക്കു​ന്ന​തി​ന് സ​മാ​ജ് വാ​ദി പാ​ർ​ട്ടി​യു​ടെ സ​മ​ർ​ദ​മു​ണ്ട്. ഈ ​നീ​ക്കം ഇ​ൻ​ഡ്യ മു​ന്ന​ണി​ക്ക് യു.​പി​യി​ൽ വ​ലി​യ ച​ല​ന​മു​ണ്ടാ​ക്കു​മെ​ന്നും പാ​ർ​ട്ടി വി​ല​യി​രു​ത്തി​യി​രു​ന്നു.

ഉ​ത്ത​രേ​ന്ത്യ​യി​ൽ ബി.​ജെ.​പി​ക്കെ​തി​രെ മ​ത്സ​രി​ക്കാ​ത്ത​ത് ഭ​യം കൊ​ണ്ടാ​ണെ​ന്ന ഇ​ൻ​ഡ്യ മു​ന്ന​ണി​യി​ലെ ത​ന്നെ ഘ​ട​ക ക​ക്ഷി​ക​ളു​ടെ ഉ​ൾ​പ്പെ​ടെ തെ​ര​ഞ്ഞെ​ടു​പ്പ് കാ​ല​ത്തെ ആ​രോ​പ​ണ​ത്തി​ന് ത​ട​യി​ടാ​നും ഇ​തി​ലൂ​ടെ ക​ഴി​യു​മെ​ന്നാ​ണ് വി​ല​യി​രു​ത്ത​ൽ. ക​ഴി​ഞ്ഞ ദി​വ​സം സി.​പി.​ഐ പു​റ​ത്തി​റ​ക്കി​യ പ്ര​സ്താ​വ​ന​യി​ൽ രാ​ഹു​ൽ ഉ​ത്ത​രേ​ന്ത്യ​യി​ൽ മ​ത്സ​രി​ക്കു​ന്ന​തി​നെ സ്വാ​ഗ​തം ചെ​യ്യു​ക​യും പി​ന്തു​ണ പ്ര​ഖ്യാ​പി​ക്കു​ക​യും ചെ​യ്തി​രു​ന്നു.

സോ​ണി​യ ഗാ​ന്ധി​യു​ടെ നി​ർ​ദേ​ശ പ്ര​കാ​രം രാ​ഹു​ൽ ഗാ​ന്ധി​യു​ടെ റാ​യ്ബ​റേ​ലി സ്ഥാ​നാ​ർ​ഥി​ത്വം നേ​ര​ത്തേ തീ​രു​മാ​നി​ച്ചി​രു​ന്ന​താ​ണെ​ന്നും കേ​ര​ള​ത്തി​ലെ തെ​ര​ഞ്ഞെ​ടു​പ്പി​ന് മു​മ്പ് പ്ര​ഖ്യാ​പ​നം ഉ​ണ്ടാ​യാ​ൽ വ​യ​നാ​ട് ഉ​പേ​ക്ഷി​ക്കു​മെ​ന്ന മ​റ്റു പാ​ർ​ട്ടി​ക​ളു​ടെ പ്ര​ചാ​ര​ണ​ത്തി​ൽ കോ​ൺ​ഗ്ര​സി​ന് കൂ​ടു​ത​ൽ സീ​റ്റു​ക​ൾ ന​ഷ്ട​പ്പെ​ടാ​ൻ സാ​ധ്യ​ത​യു​ണ്ടെ​ന്ന് ക​ണ്ടാ​ണ് പ്ര​ഖ്യാ​പ​നം തെ​ര​ഞ്ഞെ​ടു​പ്പി​ന് ശേ​ഷ​മാ​ക്കി​യ​തെ​ന്നും മു​തി​ർ​ന്ന നേ​താ​വ് ‘മാ​ധ്യ​മ’​ത്തോ​ട് പ​റ​ഞ്ഞു.