അപകടത്തില്‍പെട്ടവര്‍ക്ക് രക്ഷകരായി മന്ത്രിയുടെ പേഴ്‌സനല്‍ സ്​റ്റാഫംഗങ്ങള്‍

അഞ്ചാലുംമൂട്: നിയന്ത്രണംവിട്ട് ഓട്ടോറിക്ഷ മറിഞ്ഞ് അപകടത്തിൽപെട്ടവര്‍ക്ക് രക്ഷകരായി മന്ത്രിയുടെ പേഴ്‌സനല്‍ സ്​റ്റാഫംഗങ്ങള്‍. മന്ത്രി ജെ. ചിഞ്ചുറാണിയുടെ പേഴ്‌സനൽ സ്​​റ്റാഫിലുള്ള ഗണ്‍മാന്‍ ശര്‍മപ്രസാദ് ഉത്തമന്‍, ഡ്രൈവര്‍ രാജേഷ് എന്നിവരാണ് ഓട്ടോറിക്ഷ മറിഞ്ഞ് പരിക്കേറ്റ വയോധിക ഉള്‍പ്പെടെയുള്ള ഒരുകുടുംബത്തിലുള്ള മൂന്നുപേരെ മന്ത്രിയുടെ കാറില്‍ ജില്ല ആശുപത്രിയിലെത്തിച്ചത്. കഴിഞ്ഞദിവസം രാത്രി 8.30ന്​ കടവൂര്‍ പള്ളിക്ക് സമീപത്തായിരുന്നു അപകടം. ഓട്ടോ ഡ്രൈവറെ പൊലീസെത്തി സ്‌റ്റേഷനിലേക്ക് കൊണ്ട് പോയെങ്കിലും പിന്നീട് ജാമ്യത്തില്‍വിട്ടു. ഇയാള്‍ മദ്യപിച്ചിരുന്നതായാണ് പ്രാഥമിക വിവരം.