ഓടനാവട്ടം പരുത്തിയറയിലെ വയൽ നികത്തൽ; തഹസിൽദാർ റിപ്പോർട്ട് ആവശ്യപ്പെട്ടു

ഓ​യൂ​ർ: ഓ​ട​നാ​വ​ട്ടം പ​രു​ത്തി​യ​റ​യി​ൽ വ​യ​ൽ​നി​ക​ത്ത​ൽ ത​കൃ​തി​യാ​യി ന​ട​ക്കു​ന്ന​തി​നെ​തി​രെ കൊ​ട്ടാ​ര​ക്ക​ര ത​ഹ​സി​ൽ​ദാ​ർ വെ​ളി​യം വി​ല്ലേ​ജ്​ ഓ​ഫി​സ​റി​ൽ​നി​ന്ന്​ റി​പ്പോ​ർ​ട്ട് ആ​വ​ശ്യ​പ്പെ​ട്ടു. മൂ​ന്ന് ദി​വ​സ​മാ​യി വ​യ​ൽ നി​ക​ത്ത​ൽ ന​ട​ക്കു​ക​യാ​ണ്. പൂ​യ​പ്പ​ള്ളി പൊ​ലീ​സി​ന്‍റെ ശ്ര​ദ്ധ​യി​ൽ​പ്പെ​ടു​ത്തി​യി​ട്ടും അ​ധി​കൃ​ത​ർ ന​ട​പ​ടി സ്വീ​ക​രി​ക്കു​ന്നി​ല്ലെ​ന്നാ​ണ് ആ​ക്ഷേ​പം.

വ​ൻ മ​ണ്ണ് മാ​ഫി​യ​യാ​ണ് ഇ​തി​ന് പി​ന്നി​ലെ​ന്നാ​ണ് നാ​ട്ടു​കാ​ർ ആ​രോ​പി​ക്കു​ന്ന​ത്. അ​തു​കൊ​ണ്ടു​ത​ന്നെ റ​വ​ന്യു ഉ​ദ്യോ​ഗ​സ്​​ഥ​ർ മ​ണ്ണെ​ടു​പ്പി​നെ​തി​രെ യാ​തൊ​രു ന​ട​പ​ടി​യും സ്വീ​ക​രി​ക്കു​ന്നി​ല്ലെ​ന്നാ​ണ് ആ​ക്ഷേ​പം. ഒ​രു​വ​ർ​ഷം മു​മ്പും ഇ​ത്ത​ര​ത്തി​ൽ വ​യ​ൽ നി​ക​ത്തി കെ​ട്ടി​ട​ങ്ങ​ൾ പ​ണി​തി​രു​ന്നു. എ​ന്നാ​ൽ അ​ധി​കൃ​ത​രു​ടെ ഭാ​ഗ​ത്ത് നി​ന്ന് ന​ട​പ​ടി ഉ​ണ്ടാ​യി​ല്ല. വി​വ​ര​മ​റി​ഞ്ഞ വെ​ളി​യം വി​ല്ലേ​ജ്​ ഓ​ഫി​സ​ർ റി​പ്പോ​ർ​ട്ട് പൂ​ഴ്ത്തി​വെ​ക്കു​ക​യാ​ണെ​ന്നാ​ണ് ആ​രോ​പ​ണം. എ​ന്നാ​ൽ ഉ​ട​ൻ ന​ട​പ​ടി ഉ​ണ്ടാ​കു​മെ​ന്നാ​ണ് ത​ഹ​സി​ൽ​ദാ​ർ പ​റ​യു​ന്ന​ത്.