മാലിന്യം റോഡരികിൽ തള്ളി ഹോട്ടലിന് അരലക്ഷം രൂപ പിഴ

പ​യ്യോ​ളി: ദേ​ശീ​യ​പാ​ത​ക്കു സ​മീ​പം മാ​ലി​ന്യം ത​ള്ളി​യ ഹോ​ട്ട​ലി​ന് പ​യ്യോ​ളി ന​ഗ​ര​സ​ഭ ആ​രോ​ഗ്യ​വി​ഭാ​ഗം അ​മ്പ​തി​നാ​യി​രം രൂ​പ പി​ഴ​യി​ട്ടു. വ​ട​ക​ര പു​തി​യ ബ​സ് സ്റ്റാ​ൻ​ഡി​ലെ പ്ര​മു​ഖ ഹോ​ട്ട​ലാ​യ എം.​ആ​ർ.​എ. റ​സ്റ്റാ​റ​ന്റി​നാ​ണ് പ​യ്യോ​ളി ന​ഗ​ര​സ​ഭ പി​ഴ ചു​മ​ത്തി​യ​ത്. ക​ഴി​ഞ്ഞ ഏ​പ്രി​ൽ 24ന് ​പു​ല​ർ​ച്ചെ നാ​ലോ​ടെ​യാ​ണ് ദു​ർ​ഗ​ന്ധം വ​മി​ക്കു​ന്ന രീ​തി​യി​ൽ നാ​ല് ലോ​ഡ് ഹോ​ട്ട​ൽ മാ​ലി​ന്യം നി​റ​ച്ച ചാ​ക്കു​ക​ൾ ദേ​ശീ​യ​പാ​ത​യി​ൽ ഇ​രി​ങ്ങ​ൽ മ​ങ്ങൂ​ൽ​പാ​റ​ക്ക് സ​മീ​പം നി​ക്ഷേ​പി​ച്ച നി​ല​യി​ൽ ക​ണ്ടെ​ത്തി​യ​ത്. സം​ഭ​വം ശ്ര​ദ്ധ​യി​ൽ​പ്പെ​ട്ട നാ​ട്ടു​കാ​രും റെ​സി​ഡ​ൻ​സ് അ​സോ​സി​യേ​ഷ​ൻ പ്ര​വ​ർ​ത്ത​ക​രും ന​ഗ​ര​സ​ഭ ആ​രോ​ഗ്യ​വി​ഭാ​ഗ​ത്തെ വി​വ​ര​മ​റി​യി​ക്കു​ക​യാ​യി​രു​ന്നു.

തു​ട​ർ​ന്ന് ന​ഗ​ര​സ​ഭ ചെ​യ​ർ​മാ​ൻ വി.​കെ. അ​ബ്ദു​റ​ഹ്മാ​ൻ, ആ​രോ​ഗ്യ സ്റ്റാ​ൻ​ഡി​ങ് ക​മ്മി​റ്റി ചെ​യ​ർ​മാ​ൻ പി.​എം. ഹ​രി​ദാ​സ് തു​ട​ങ്ങി​യ​വ​ർ സ്ഥ​ല​ത്തെ​ത്തു​ക​യാ​യി​രു​ന്നു. നാ​ട്ടു​കാ​രു​ടെ​യും ന​ഗ​ര​സ​ഭ ആ​രോ​ഗ്യ വി​ഭാ​ഗ​ത്തി​ന്റെ​യും പ​രി​ശോ​ധ​ന​യി​ൽ മാ​ലി​ന്യം ത​ള്ളി​യ സ്ഥാ​പ​ന​ത്തെ തി​രി​ച്ച​റി​യു​ക​യും, നി​ക്ഷേ​പി​ച്ച മാ​ലി​ന്യ​ങ്ങ​ൾ എം.​ആ​ർ.​എ. ഹോ​ട്ട​ലു​കാ​രെ​ക്കൊ​ണ്ടു​ത​ന്നെ തി​രി​കെ​യെ​ടു​പ്പി​ക്കു​ക​യും പി​ഴ ചു​മ​ത്തു​ക​യും ചെ​യ്തു . ന​ഗ​ര​സ​ഭ ക്ലീ​ൻ സി​റ്റി മാ​നേ​ജ​ർ ടി. ​ച​ന്ദ്ര​ൻ, ഹെ​ൽ​ത്ത് ഇ​ൻ​സ്പ​ക്ട​ർ ടി.​പി. പ്ര​ജീ​ഷ് കു​മാ​ർ, ജെ.​എ​ച്ച്.​ഐ. ഡി.​ആ​ർ. ര​ജ​നി , സാ​നി​റ്റ​റി വ​ർ​ക്ക​ർ ബാ​ബു ചേ​നോ​ളി എ​ന്നി​വ​ർ പ​രി​ശോ​ധ​ന​ക്ക് നേ​തൃ​ത്വം ന​ൽ​കി . മാ​ലി​ന്യം നി​ക്ഷേ​പി​ച്ച വാ​ഹ​നം ക​ണ്ടെ​ത്തി പി​ടി​ച്ചെ​ടു​ക്കാ​ൻ ന​ഗ​ര​സ​ഭ സെ​ക്ര​ട്ട​റി എം. ​വി​ജി​ല പ​യ്യോ​ളി പൊ​ലീ​സി​ൽ പ​രാ​തി ന​ൽ​കി