വാ​റ​ന്റി കാ​ല​യ​ള​വി​ൽ സ്ക്രീ​നി​ൽ വ​ര; ഫോ​ണി​ന്റെ വി​ല​യും 30,000 രൂ​പ ന​ഷ്ട​പ​രി​ഹാ​ര​വും ന​ൽ​കാ​ൻ വി​ധി

മ​ല​പ്പു​റം: വാ​റ​ന്റി കാ​ല​യ​ള​വി​ൽ മൊ​ബൈ​ൽ സ്ക്രീ​നി​ൽ പ​ച്ച​വ​ര വ​ന്ന​തു​മാ​യി ബ​ന്ധ​പ്പെ​ട്ട പ​രാ​തി​യി​ൽ ഫോ​ണി​ന്റെ വി​ല​യും ന​ഷ്ട​പ​രി​ഹാ​ര​വും ന​ൽ​കാ​ൻ ജി​ല്ല ഉ​പ​ഭോ​ക്തൃ ത​ർ​ക്ക പ​രി​ഹാ​ര ക​മീ​ഷ​ൻ വി​ധി. ഡി​സൈ​ന​റാ​യി ജോ​ലി ചെ​യ്യു​ന്ന കൊ​ണ്ടോ​ട്ടി പു​ളി​ക്ക​ൽ സ്വ​ദേ​ശി അ​നു​പ്ര​യാ​ഗി​ന്റെ പ​രാ​തി​യി​ലാ​ണ് ഫോ​ണി​ന്റെ വി​ല​യാ​യ 28,196 രൂ​പ​യും 25,000 രൂ​പ ന​ഷ്ട​പ​രി​ഹാ​ര​വും 5000 രൂ​പ കോ​ട​തി ചെ​ല​വും ഒ​രു മാ​സ​ത്തി​ന​കം ന​ൽ​കാ​ൻ വി​ധി​യാ​യ​ത്.

അ​ല്ലാ​ത്ത പ​ക്ഷം പ​ണം ന​ൽ​കു​ന്ന​ത് വ​രെ പ്ര​തി​വ​ർ​ഷം ഒ​മ്പ​ത് ശ​ത​മാ​നം പ​ലി​ശ​യും ന​ൽ​ക​ണ​മെ​ന്ന് ഉ​പ​ഭോ​ക്തൃ ത​ർ​ക്ക പ​രി​ഹാ​ര ക​മീ​ഷ​ൻ പ്ര​സി​ഡ​ന്റ് മോ​ഹ​ൻ​ദാ​സ​ൻ, അം​ഗ​ങ്ങ​ളാ​യ പ്രീ​തി ശി​വ​രാ​മ​ൻ, മു​ഹ​മ്മ​ദ് ഇ​സ്മാ​ഈ​ൽ എ​ന്നി​വ​ര​ട​ങ്ങി​യ ബെ​ഞ്ചി​ന്റെ വി​ധി​യി​ൽ പ​റ​യു​ന്നു. 2023 ഡി​സം​ബ​റി​ൽ ഫ്ലി​പ്കാ​ർ​ട്ടി​ൽ​നി​ന്ന് ഓ​ഫ​ർ വി​ല​ക്കാ​ണ് അ​നു​പ്ര​യാ​ഗ് റി​യ​ൽ മീ ​ജി.​ടി ര​ണ്ട് പ്രോ ​ഫോ​ൺ വാ​ങ്ങി​യ​ത്. 2024 ഓ​ഗ​സ്റ്റി​ൽ ഓ​ട്ടോ​മാ​റ്റി​ക് അ​പ്ഡേ​ഷ​ൻ വ​ന്ന ശേ​ഷ​മാ​ണ് സ്ക്രീ​നി​ൽ പ​ച്ച​വ​ര വ​രു​ന്ന​ത്.

അ​ടു​ത്ത ദി​വ​സം മ​ഞ്ചേ​രി​യി​ലെ സ​ർ​വി​സ് സെ​ന്റ​റി​ൽ ന​ൽ​കി. ര​ണ്ട് ദി​വ​സം ക​ഴി​ഞ്ഞ് ഡി​സ്​​പ്ലേ സ്റ്റോ​ക്ക് ഇ​ല്ലെ​ന്ന് മ​റു​പ​ടി ല​ഭി​ച്ചു. അ​നു​പ്ര​യാ​ഗ് ഫോ​ൺ മാ​റ്റി​ന​ൽ​കാ​ൻ പ​റ​ഞ്ഞ​പ്പോ​ൾ നി​ർ​മാ​ണം നി​ർ​ത്തി​യ മോ​ഡ​ലാ​യ​തി​നാ​ൽ ക​ഴി​യി​ല്ലെ​ന്നാ​യി​രു​ന്നു മ​റു​പ​ടി. റീ​ഫ​ണ്ട് ആ​വ​ശ്യ​പ്പെ​ട്ടെ​ങ്കി​ലും ഇ​ൻ​വോ​യ്സി​ന്റെ തു​ല്യ​തു​ക​ക്ക് കൂ​പ്പ​ൺ ന​ൽ​കാ​മെ​ന്നും അ​തു​പ​യോ​ഗി​ച്ച് ത​ങ്ങ​ളു​ടെ വെ​ബ്സൈ​റ്റി​ൽ​നി​ന്ന് ഫോ​ൺ​വാ​ങ്ങാ​മെ​ന്നു​മാ​യി​രു​ന്നു ക​മ്പ​നി​യു​ടെ മ​റു​പ​ടി.

ഈ ​വാ​ഗ്ദാ​നം നി​ര​സി​ച്ച അ​നു​പ്ര​യാ​ഗ് പ​ക​രം ജി.​ടി ആ​റ് ഫോ​ൺ ന​ൽ​ക​ണ​മെ​ന്നും വേ​ണ​മെ​ങ്കി​ൽ അ​ധി​ക തു​ക ന​ൽ​കാ​മെ​ന്നും പ​റ​ഞ്ഞു. എ​ന്നാ​ൽ താ​ഴ്ന്ന മോ​ഡ​ലാ​യ ജി.​ടി ആ​റ് ഇ ​ന​ൽ​കാ​മെ​ന്നാ​യി​രു​ന്നു മ​റു​പ​ടി. ഒ​രു​മാ​സം കാ​ത്തി​രു​ന്ന ശേ​ഷം സെ​പ്റ്റം​ബ​റി​ൽ ജി​ല്ല ഉ​പ​ഭോ​ക്തൃ ത​ർ​ക്ക പ​രി​ഹാ​ര ക​മീ​ഷ​നി​ൽ ഫ്ലി​പ്കാ​ർ​ട്ട്, റി​യ​ൽ​മീ, സ​ർ​വി​സ് സെ​ന്റ​ർ, ഫ്ലി​പ്കാ​ർ​ട്ടി​ലെ വി​ൽ​പ​ന​ക്കാ​ര​ൻ എ​ന്നി​വ​രെ എ​തി​ർ​ക​ക്ഷി​ക​ളാ​ക്കി പ​രാ​തി ന​ൽ​കി. രേ​ഖ​ക​ൾ സ​മ​ർ​പ്പി​ച്ച് സ്വ​യ​മാ​ണ് അ​നു​പ്ര​യാ​ഗ് കേ​സ് വാ​ദി​ച്ച​ത്. മൊ​ബൈ​ൽ ഫോ​ണി​ന്റെ വി​ല റി​യ​ൽ​മീ ക​മ്പ​നി​യും ന​ഷ്ട​പ​രി​ഹാ​രം നാ​ല് എ​തി​ർ​ക​ക്ഷി​ക​ളും ചേ​ർ​ന്ന് ന​ൽ​ക​ണ​മെ​ന്നു​മാ​ണ് വി​ധി.