ഏങ്ങണ്ടിയൂരിലും തളിക്കുളത്തും കുടിവെള്ളമില്ലാതെ ജനം വലയുന്നു

വാ​ടാ​ന​പ്പ​ള്ളി: കൊ​ടും ചൂ​ടി​ൽ ഏ​ങ്ങ​ണ്ടി​യൂ​രും ത​ളി​ക്കു​ളം തീ​ര​ദേ​ശ മേ​ഖ​ല​യി​ലും കു​ടി​വെ​ള്ളം കി​ട്ടാ​തെ ജ​നം വ​ല​യു​ന്നു. നാ​ട്ടി​ക ഫ​ർ​ക്കാ ശു​ദ്ധ​ജ​ല പ​ദ്ധ​തി​യു​ടെ കീ​ഴി​ലെ പ​ഞ്ചാ​യ​ത്തു​ക​ളി​ൽ മാ​സ​ത്തി​ൽ ഒ​ന്നോ ര​ണ്ടോ ത​വ​ണ മാ​ത്ര​മാ​ണ് ജ​ല​വി​ത​ര​ണം ന​ട​ക്കു​ന്ന​ത്. പൈ​പ്പു​ക​ൾ കാ​ല​പ്പ​ഴ​ക്കം മൂ​ലം മ​ണ്ണി​ന​ടി​യി​ൽ കി​ട​ന്ന് ദ്ര​വി​ച്ച് പൊ​ട്ടി​യ​തി​നാ​ൽ പ​ല​യി​ട​ങ്ങ​ളി​ലും വ​ർ​ഷ​ങ്ങ​ളാ​യി കു​ടി​വെ​ള്ളം ല​ഭ്യ​മ​ല്ല. പൈ​പ്പു​ക​ൾ​ക്ക് നി​ര​ന്ത​രം കേ​ടു​പാ​ട് സം​ഭ​വി​ക്കു​ന്ന​തി​നാ​ൽ പ​ല സ്ഥ​ല​ങ്ങ​ളി​ലും പ​മ്പി​ങ് ന​ട​ക്കു​മ്പോ​ൾ പൈ​പ്പു​ക​ൾ പൊ​ട്ടി ജ​ലം പാ​ഴാ​കു​ന്നു​മു​ണ്ട്. ഇ​തി​നു​പു​റ​മെ​യാ​ണ് ദേ​ശീ​യ പാ​ത​യു​ടെ പ​ണി മൂ​ല​വും കാ​ന നി​ർ​മാ​ണം മൂ​ല​വും പൈ​പ്പു​ക​ൾ പൊ​ട്ടു​ന്ന​ത്. ഇ​തോ​ടെ കു​ടി​വെ​ള്ള​വി​ത​ര​ണം പൂ​ർ​ണ​മാ​യും നി​ല​ച്ച മ​ട്ടാ​ണ്.

ക​ട​ലോ​ര-​പു​ഴ​യോ​ര പ്ര​ദേ​ശ​മാ​യ ഇ​ട​ശ്ശേ​രി ബീ​ച്ച്, ത​ളി​ക്കു​ളം ബീ​ച്ച്, ത​മ്പാ​ൻ​ക​ട​വ് , ചേ​ർ​ക്ക​ര, ഏ​ങ്ങ​ണ്ടി​യൂ​ർ പ​ട​ന്ന ചി​പ്ലി​മാ​ട്, പൊ​ക്കു​ള​ങ്ങ​ര ബീ​ച്ച്, ചേ​റ്റു​വ മേ​ഖ​ല​യി​ൽ കു​ടി​വെ​ള്ള ക്ഷാ​മം രൂ​ക്ഷ​മാ​ണ്. കി​ണ​റു​ക​ൾ ഏ​റെ​യും വ​റ്റി​വ​ര​ണ്ടു. ശേ​ഷി​ച്ച കി​ണ​റു​ക​ളി​ൽ ഉ​പ്പു​വെ​ള്ള​മാ​ണ്. അ​തി​നാ​ൽ പ്ര​ദേ​ശ​വാ​സി​ക​ൾ കു​ടി​വെ​ള്ള​ത്തി​ന് വാ​ട്ട​ർ അ​തോ​റി​റ്റി​യു​ടെ പൈ​പ്പു​ക​ളെ​യാ​ണ് ആ​ശ്ര​യി​ക്കു​ന്ന​ത്. എ​ന്നാ​ൽ ടാ​പ്പു​ക​ളി​ൽ വെ​ള്ളം വ​രാ​ത്ത​ത് കു​ടും​ബ​ങ്ങ​ളെ ദു​രി​ത​ത്തി​ലാ​ക്കി​യി​രി​ക്കു​ക​യാ​ണ്.

മു​മ്പ് പ​ഞ്ചാ​യ​ത്തു​ക​ളു​ടെ നേ​തൃ​ത്വ​ത്തി​ൽ ലോ​റി​ക​ളി​ൽ വെ​ള്ളം എ​ത്തി​ച്ചി​രു​ന്നു. ഇ​പ്പോ​ൾ പ​ല പ​ഞ്ചാ​യ​ത്തു​ക​ളി​ലും വി​ത​ര​ണം ന​ട​ത്താ​ൻ ത​യാ​റ​ല്ല. വെ​ള്ളം ഇ​ല്ലാ​ത്ത​തി​നാ​ൽ കു​ടി​ക്കാ​നും ഭ​ക്ഷ​ണം പാ​കം ചെ​യ്യാ​നും അ​ല​ക്കാ​നും കു​ളി​ക്കാ​നും പ​റ്റാ​ത്ത അ​വ​സ്ഥ​യാ​ണ്. പ​ല​രും പ​ണം മു​ട​ക്കി​യാ​ണ് ടാ​ങ്ക് വെ​ള്ളം കൊ​ണ്ടു​വ​രു​ന്ന​ത്. ഒ​രു ടാ​ങ്കി​ന് 600 രൂ​പ​യാ​ണ് വി​ല. അ​ത് ര​ണ്ട് ദി​വ​സം കൊ​ണ്ട് ക​ഴി​യും. പാ​വ​പ്പെ​ട്ട കു​ടും​ബ​ങ്ങ​ൾ​ക്ക് പ​ണം മു​ട​ക്കി വെ​ള്ളം കൊ​ണ്ടു​വ​രാ​ൻ നി​ർ​വാ​ഹ​മി​ല്ല. ഇ​വ​ർ അ​ക​ലെ നി​ന്ന് വെ​ള്ളം ശേ​ഖ​രി​ച്ച് കൊ​ണ്ടു​വ​രി​ക​യാ​ണ്.