വിശ്വഹിന്ദു പരിഷത്തിന്‍െറ അജണ്ട

കഴിഞ്ഞദിവസം കൊച്ചിയിൽ സമാപിച്ച വിശ്വഹിന്ദു പരിഷത്തിൻെറ അന്താരാഷ്ട്ര സമ്മേളനം, അനുയായികളുടെ എണ്ണത്തിൽ ലോകത്ത് മൂന്നാമതായ ഹിന്ദുമതത്തിൻെറ സമകാലിക സമസ്യകളോടുള്ള സമീപനം പുന൪നി൪ണയിച്ചതിലൂടെയോ സഹസ്രാബ്ദങ്ങൾ പഴക്കമുള്ള ആ൪ഷസംസ്കാരത്തിൻെറ നവീകരണശ്രമങ്ങളിലൂടെയോ സാ൪വത്രിക ധാ൪മികാപചയത്തിൻെറ പ്രതിരോധത്തിന് സ്വീകരിക്കാൻ പോവുന്ന നടപടികളിലൂടെയോ ഒന്നുമല്ല ശ്രദ്ധേയമാവുന്നത്. മറിച്ച്, പരമത വിദ്വേഷവും മതന്യൂനപക്ഷങ്ങളോടുള്ള കടുത്ത വിരോധവും തികച്ചും വ൪ഗീയതയിലധിഷ്ഠിതമായ ഒരു ഭരണകൂടത്തെ സൃഷ്ടിക്കാനുള്ള പ്രതിബദ്ധതയുമാണ് സമ്മേളന പരിപാടികളിലും തുട൪ന്ന് നടന്ന വാ൪ത്താസമ്മേളനത്തിലും പ്രകടമായത്. ക്രൈസ്തവ൪ക്ക് മഹാഭൂരിപക്ഷമുള്ള അമേരിക്കയിലും യൂറോപ്പിലുമൊക്കെ വിശ്വഹിന്ദു പരിഷത്ത് സ൪വവിധ ജനാധിപത്യാവകാശങ്ങളും അനുഭവിച്ച് പ്രവ൪ത്തിച്ചുകൊണ്ടിരിക്കുന്നു, ആ നാടുകളിൽനിന്ന് സമാഹരിക്കുന്ന ഭീമമായ തുകകൾ ഇന്ത്യയിലെ രണോത്സുക ഹിന്ദുത്വ പ്രവ൪ത്തനങ്ങൾക്ക് നി൪ബാധം ഉപയോഗിക്കുകയും ചെയ്യുന്നു. എന്നിട്ടും ജനാധിപത്യ മതേതര ഇന്ത്യയിലെ മതന്യൂനപക്ഷങ്ങൾക്ക് ഭരണഘടനാപരമായ അവകാശങ്ങൾപോലും അനുവദിച്ചുകൊടുക്കുന്നതിന് വി.എച്ച്.പി എതിരാണ്. മതന്യൂനപക്ഷങ്ങൾക്ക് വി.എച്ച്.പിയുടെ അന്താരാഷ്ട്ര വ൪ക്കിങ് പ്രസിഡൻറായി തെരഞ്ഞെടുക്കപ്പെട്ട പ്രവീൺകുമാ൪ തൊഗാഡിയ സമ്മേളനാനന്തരം നടത്തിയ വാ൪ത്താസമ്മേളനത്തിൽ മുസ്ലിം വോട്ടുബാങ്കാണ് അയോധ്യയിൽ രാമക്ഷേത്ര നി൪മാണത്തിന് തടസ്സമെന്നും മുസ്ലിം വോട്ടുബാങ്ക് പൂ൪ണമായും ഇല്ലാതാക്കലാണ് വിശ്വഹിന്ദു പരിഷത്തിൻെറ ലക്ഷ്യമെന്നും അസന്ദിഗ്ധമായി വ്യക്തമാക്കുന്നു.

അയോധ്യാ പ്രശ്നം സുപ്രീംകോടതിയുടെ മുമ്പാകെയാണുള്ളതെന്നും കോടതിവിധി എന്തായാലും അത് മാനിക്കുമെന്നാണ് മുഴുവൻ മുസ്ലിം സംഘടനകളും ഉറപ്പുനൽകിയതെന്നും അറിയാത്തയാളല്ല തൊഗാഡിയ. അദ്ദേഹത്തിൻെറ പ്രസ്ഥാനത്തിൻെറ ലക്ഷ്യം പക്ഷേ, മുസ്ലിം വോട്ടുബാങ്ക് തീ൪ത്തും ഇല്ലാതാക്കുകയാണ്. അതില്ലാതാവണമെങ്കിൽ രാജ്യത്ത് മുസ്ലിംകൾ ഇല്ലാതാവണം. സംഘ്പരിവാ൪ ഇത്രയുംകാലം പ്രവ൪ത്തിച്ചുവന്നതും അതിനുതന്നെ. മുസ്ലിംകൾ ഇന്ത്യയുടെ സമഗ്ര മനോഭാവത്തിന് വെല്ലുവിളിയാണെന്ന് തൊഗാഡിയ പറഞ്ഞുവെച്ചതിൻെറ ഉന്നവും മറ്റൊന്നല്ല. ജിഹാദി ഭീകരത നി൪മാ൪ജനം ചെയ്യാൻ ശക്തമായ നിയമനി൪മാണം വേണമെന്നാവശ്യപ്പെടുന്ന തൊഗാഡിയ, നിലവിലെ നിയമം ഹിന്ദുക്കളെ പ്രോസിക്യൂട്ട് ചെയ്യാനാണ് ഉപയോഗിക്കുന്നതെന്ന് കുറ്റപ്പെടുത്തുന്നു.

സംഘ്പരിവാറിൻെറ പൂ൪ണ പിന്തുണയോടെ നടപ്പാക്കിയ ടാഡയും പോട്ടയും കടുത്ത ന്യൂനപക്ഷ പീഡനത്തിനും മനുഷ്യാവകാശ ലംഘനത്തിനും വഴിവെച്ചതായി തെളിഞ്ഞപ്പോൾ അതിനെതിരെ അന്താരാഷ്ട്രതലത്തിലും ഇന്ത്യൻ പാ൪ലമെൻറിലും ഉയ൪ന്ന പ്രതിഷേധമാണ് അത് റദ്ദാക്കാൻ കേന്ദ്രസ൪ക്കാറിനെ നി൪ബന്ധിച്ചതെന്ന് മറക്കരുത്. അപ്പോഴും സമാന വകുപ്പുകളോടെ, നിയമവിരുദ്ധ പ്രവ൪ത്തനങ്ങൾ തടയാനുള്ള നിയമം ഭേദഗതി ചെയ്ത് നടപ്പാക്കി. ഈ നിയമത്തിൻെറ മറവിലാണ് നൂറുകണക്കിന് മുസ്ലിം യുവാക്കൾ ഇപ്പോഴും രാജ്യത്തിൻെറ വിവിധ ഭാഗങ്ങളിൽ വിചാരണപോലും നടക്കാതെ അനന്തമായി അഴികളെണ്ണുന്നത്. അതേയവസരത്തിൽ, ഹേമന്ത് ക൪ക്കരെയുടെ നേതൃത്വത്തിൽ എ.ടി.എസ് സ്ക്വാഡ് നടത്തിയ അന്വേഷണത്തിലും പിന്നീട് സ്വാമി അസിമാനന്ദയുടെ വെളിപ്പെടുത്തലിലൂടെയും കണ്ടെത്തിയ ഹിന്ദുത്വ ഭീകരതയെക്കുറിച്ച വിവരങ്ങൾ രാജ്യത്തെ ഞെട്ടിച്ചു.

മാലേഗാവ്, മക്കാമസ്ജിദ്, സംഝോത എക്സ്പ്രസ്, അജ്മീ൪ എന്നിവിടങ്ങളിൽ നടന്ന ബോംബാക്രമണങ്ങൾ ഹിന്ദുത്വ ഭീകരരുടെ ആസൂത്രിത നീക്കങ്ങളായിരുന്നുവെന്നും വ്യക്തമായി. ഇതേപ്പറ്റിയാണ് നിലവിലെ ഭീകരവിരുദ്ധ നിയമം ഹിന്ദുക്കൾക്കെതിരെയാണ് ഉപയോഗിക്കുന്നതെന്ന് വി.എച്ച്.പിയുടെ അന്താരാഷ്ട്ര നേതാവ് കുറ്റപ്പെടുത്തുന്നത്. എന്നുവെച്ചാൽ, ഹിന്ദുത്വത്തിൻെറ പേരിൽ എന്ത് ഭീകരകൃത്യവും നടത്താൻ തൊഗാഡിയക്കും അനുയായികൾക്കും അവസരം വേണം, ഒരു നിയമവും അതിന് തടസ്സമാവരുത് എന്ന൪ഥം!

കേരളത്തിൽ ഗോവധ നിരോധത്തിനായി രംഗത്തിറങ്ങാൻ ബജ്റംഗ്ദളിനെ ഏ൪പ്പാടാക്കും എന്നും തൊഗാഡിയ മുന്നറിയിപ്പ് നൽകിയിട്ടുണ്ട്. സാമുദായിക സൗഹാ൪ദം പുലരുന്ന കേരളത്തിൽ വ൪ഗീയ കലാപങ്ങൾ ആളിക്കത്തിക്കാനുള്ള ഗൂഢതന്ത്രം എന്നേ ഇതേക്കുറിച്ച് പറയേണ്ടതുള്ളൂ. മുസ്ലിംകളും ക്രൈസ്തവരും മാത്രമല്ല ഹിന്ദുക്കളിലെ മഹാഭൂരിഭാഗവും ഗോവധത്തിന് കേരളത്തിൽ വിലക്ക് ആവശ്യപ്പെട്ടിട്ടില്ളെന്നിരിക്കെ ഹിംസയുടെ ജീവൽരൂപങ്ങളായ ബജ്റംഗ്ദളിനെ ഇറക്കുമതി ചെയ്ത് രംഗം വഷളാക്കാനുള്ള നീക്കത്തിനെതിരെ സ൪ക്കാറും നിയമപാലകരും ജാഗ്രത പാലിച്ചില്ളെങ്കിൽ സ്ഥിതി നിയന്ത്രണാതീതമാവും. 2002ലെ ഗുജറാത്ത് കലാപത്തിൻെറ മുഖ്യചാലകശക്തിയാണ് ബജ്റംഗ്ദൾ.

ഇന്ത്യൻ മതനിരപേക്ഷത നേരിടുന്ന വെല്ലുവിളി അനുദിനം കനക്കുകയാണെന്ന സന്ദേശമാണ് വി.എച്ച്.പിയുടെ അന്താരാഷ്ട്ര സമ്മേളനം നൽകുന്നത്. നിരവധി സംസ്ഥാനങ്ങളിലെ ഭരണമോ ഭരണപങ്കാളിത്തമോ തരപ്പെടുത്തിയ സംഘ്പരിവാ൪ 2014ലെ പൊതുതെരഞ്ഞെടുപ്പാണ് ലക്ഷ്യമിടുന്നതെന്ന് വ്യക്തം. കേന്ദ്ര മന്ത്രിസഭയിലെ ഹിന്ദുത്വവിരുദ്ധരെ വകഞ്ഞുമാറ്റി ആക്രമിക്കുന്നതും ഈ തന്ത്രത്തിൻെറ ഭാഗമാണ്. മതേതരശക്തികളുടെ അനൈക്യവും ശൈഥില്യവുമാണ് എക്കാലത്തും ഫാഷിസ്റ്റുകളുടെ പാത സുഗമമാക്കിയത്. യു.പി.എയും ഇടതുപക്ഷവും പ്രാദേശിക മതേതര പാ൪ട്ടികളും അതീവ ഗൗരവത്തോടെ പ്രശ്നത്തെ സമീപിച്ചില്ളെങ്കിൽ വിശ്വഹിന്ദുത്വ കൂട്ടായ്മ ലക്ഷ്യം നേടുക സ്വാഭാവിക പരിണതി മാത്രമായിരിക്കും.