നാവാമുകുന്ദ ക്ഷേത്രത്തിലെ പുതിയ ബലിക്കടവ് ഇന്ന് തുറക്കും

തിരുനാവായ: ക൪ക്കടക വാവുത്സവത്തോടനുബന്ധിച്ച് പിതൃത൪പ്പണം നടത്താനെത്തുന്നവരുടെ സൗകര്യാ൪ഥം നാവാമുകുന്ദ ക്ഷേത്രത്തിൽ പുതുതായി നി൪മിച്ച ബലിക്കടവ് ബുധനാഴ്ച തുറന്നുകൊടുക്കും. ഡോ. കെ.ടി. ജലീൽ എം.എൽ.എ താൽപര്യമെടുത്ത് നിളാ ടൂറിസം പദ്ധതിയിൽ ഉൾപ്പെടുത്തി 42 ലക്ഷം രൂപ ചെലവിലാണ് കടവിൻെറ പടിഞ്ഞാറ് ഭാഗത്തായി 20 മീറ്റ൪ നീളത്തിൽ ബലിക്കടവ് നി൪മിച്ചത്.
ഇത്തവണ വാവ് ബുധനാഴ്ച രാവിലെ പത്തിന് തുടങ്ങുന്നതിനാൽ നേരത്തെ ബലിക൪മങ്ങൾ നടത്താനെത്തുന്നവ൪ക്കാവശ്യമായ സൗകര്യങ്ങൾ ഒരുക്കിയിട്ടുണ്ട്.
വ്യാഴാഴ്ച പുല൪ച്ചെ രണ്ടരക്കാണ് ക്ഷേത്രത്തിലെ പിതൃത൪പ്പണം. കഴിഞ്ഞ വ൪ഷത്തെ തിരക്ക് കണക്കിലെടുത്ത് ഇപ്രാവശ്യം വൺവേ സമ്പ്രദായം ഏ൪പ്പെടുത്തിയതിനാൽ കിഴക്കെ നട, പടിഞ്ഞാറെ നട, ഇല്ലപ്പറമ്പ് എന്നിവിടങ്ങളിൽ നടപ്പന്തലൊരുക്കിയിട്ടുണ്ട്.
സ്വന്തമായി ബലിക൪മങ്ങൾക്കെത്തുന്നവ൪ക്ക് പമ്പ് ഹൗസിനോട് ചേ൪ന്ന പടിഞ്ഞാറെ കടവിലും സൗകര്യമേ൪പ്പെടുത്തി. പിതൃത൪പ്പണം കഴിഞ്ഞ് മടങ്ങുന്ന എല്ലാവ൪ക്കും കോയമ്പത്തൂ൪ ഭക്തസംഘം നിള ഓഡിറ്റോറിയത്തിൽ പ്രാതൽ ഒരുക്കുന്നുണ്ട്.
ദേവസ്വം അംഗീകരിച്ച ഇ.വി. ബ്രഹ്മാനന്ദൻ, കെ.പി. പവനൻ പൊതുവാൾ, കെ. ശിവദാസൻ, കെ.വി. കുട്ടൻ വാരിയ൪, കെ. രവീന്ദ്രൻ, വി.എം. ഗോപകുമാ൪ ഇളയത്, ഐ.വി. കേശവനുണ്ണി, സി.പി. ഉണ്ണികൃഷ്ണൻ ഇളയത്, വി.എം. കൃഷ്ണകുമാ൪ ഇളയത്, എം.എൻ. നാരായണൻ ഇളയത്, സി. രാധാകൃഷ്ണൻ, കെ. സുരേഷ്കുമാ൪, സി. രാജൻ, കെ.വി. ദേവദാസ് എന്നീ 14 പിതൃക൪മികളുടെ സാന്നിധ്യത്തിലാണ് പിതൃത൪പ്പണം നടക്കുക.