അരയ്ക്കുതാഴെ തളര്‍ന്ന വീട്ടമ്മയെ പീഡിപ്പിച്ച പ്രതി പിടിയില്‍

കല്ലമ്പലം: അരയ്ക്ക് താഴെ തള൪ന്ന് കിടപ്പായിരുന്ന വീട്ടമ്മയെ പീഡിപ്പിച്ച കേസിൽ ഇടവ മാങ്ങാട്ട് ചരുവിള വീട്ടിൽ സുശീലൻ (56)അറസ്റ്റിൽ. മുള്ളറംകോടിന് സമീപം ആളൊഴിഞ്ഞ പ്രദേശത്ത് ഒളിച്ചിരുന്ന പ്രതിയെ ചൊവ്വാഴ്ച പുല൪ച്ചെ രണ്ടോടെയാണ് ആറ്റിങ്ങൽ ഡിവൈ.എസ്.പി പ്രശാന്തൻെറ നേതൃത്വത്തിൽ വ൪ക്കല സി.ഐ ഷാജി, കല്ലമ്പലം എസ്.ഐ പ്രവീൺ, പൊലീസുകാരായ വിജയകുമാ൪, ഷാഹുൽ ഹമീദ്, ശശിധരക്കുറുപ്പ്, ഗോപൻ തുടങ്ങിയവരടങ്ങുന്ന സംഘം അറസ്റ്റ് ചെയ്തത്. വെള്ളിയാഴ്ച രാവിലെ 11ഓടെ കല്ലമ്പലം വെട്ടിമൺകോണുള്ള വീട്ടമ്മയെ സമീപം വാടകക്ക് താമസിച്ചിരുന്ന സുശീലൻ വീട്ടിനകത്ത് അതിക്രമിച്ച് കയറി പീഡിപ്പിക്കുകയായിരുന്നു. സംഭവ സമയം വീട്ടമ്മ തനിച്ചായിരുന്നു. പ്രതി കുറ്റം സമ്മതിച്ചതായി പൊലീസ് പറഞ്ഞു. കോടതിയിൽ ഹാജരാക്കി റിമാൻഡ് ചെയ്തു.