Begin typing your search above and press return to search.
proflie-avatar
Login
exit_to_app
exit_to_app
Homechevron_rightSportschevron_rightOther Gameschevron_right‘നീ​ര​ജ് ചോ​പ്ര...

‘നീ​ര​ജ് ചോ​പ്ര ക്ലാ​സി​ക് 2025’ ഇ​ന്ന്; മത്സരിക്കുന്നത് ലോകത്തെ മുൻ നിര താരങ്ങൾ

text_fields
bookmark_border
‘നീ​ര​ജ് ചോ​പ്ര ക്ലാ​സി​ക് 2025’ ഇ​ന്ന്; മത്സരിക്കുന്നത് ലോകത്തെ മുൻ നിര താരങ്ങൾ
cancel
camera_alt

ബം​ഗ​ളൂ​രു​വി​ൽ ഇ​ന്ന് ന​ട​ക്കു​ന്ന ‘നീ​ര​ജ് ചോ​പ്ര ക്ലാ​സി​ക് 2025’ ലോ​ക ജാ​വ​ലി​ൻ ത്രോ ​മ​ത്സ​ര​ത്തി​ന് മു​ന്നോ​ടി​യാ​യി താ​ര​ങ്ങ​ളാ​യ യൂ​ലി​യ​സ് യേ​ഗോ, തോ​മ​സ് റോ​ള​ർ, നീ​ര​ജ് ചോ​പ്ര, സ​ച്ചി​ൻ യാ​ദ​വ് എ​ന്നി​വ​ർ ഫോ​ട്ടോ​ക്ക് പോ​സ് ചെ​യ്യു​ന്നു

ബം​ഗ​ളൂ​രു: ഇ​ന്ത്യ​ൻ കാ​യി​ക രം​ഗ​ത്ത് പു​തി​യ അ​ധ്യാ​യ​ത്തി​ന് തു​ട​ക്കം​കു​റി​ച്ച് ഒ​ളി​മ്പി​ക്സ് സ്വ​ർ​ണ മെ​ഡ​ൽ ജേ​താ​വ് നീ​ര​ജ് ചോ​പ്ര സം​ഘ​ടി​പ്പി​ക്കു​ന്ന അ​ന്താ​രാ​ഷ്ട്ര ജാ​വ​ലി​ൻ ത്രോ ​മ​ത്സ​രം ‘നീ​ര​ജ് ചോ​പ്ര ക്ലാ​സി​ക്’ ശ​നി​യാ​ഴ്ച ബം​ഗ​ളൂ​രു​വി​ൽ ന​ട​ക്കും. ഡ​യ​മ​ണ്ട് ലീ​ഗി​ന് ആ​തി​ഥ്യ​മ​രു​ളു​ന്ന​ത​ട​ക്ക​മു​ള്ള ഭാ​വി​യി​ലെ സ്വ​പ്ന പ​ദ്ധ​തി​ക​ളി​ലേ​ക്ക് ക​ണ്ണു​പാ​യി​ച്ചാ​ണ് നീ​ര​ജ് ചോ​പ്ര​യും ജെ.​എ​സ്.​ഡ​ബ്ല്യു സ്പോ​ർ​ട്സും പു​തി​യ ഉ​ദ്യ​മ​ത്തി​നൊ​രു​ങ്ങു​ന്ന​ത്. ജാ​വ​ലി​ൻ​ത്രോ മ​ത്സ​ര​ത്തി​ന് മാ​ത്ര​മാ​യു​ള്ള ഇ​ന്ത്യ​യി​ലെ ആ​ദ്യ​ത്തെ അ​ന്താ​രാ​ഷ്ട്ര മ​ത്സ​രം​കൂ​ടി​യാ​ണി​ത്. ബം​ഗ​ളൂ​രു ശ്രീ​ക​ണ്ഠീ​ര​വ സ്റ്റേ​ഡി​യ​ത്തി​ൽ വൈ​കീ​ട്ട് ഏ​ഴി​ന് ആ​രം​ഭി​ക്കു​ന്ന ഉ​ദ്ഘാ​ട​ന എ​ഡി​ഷ​നി​ൽ ലോ​ക​ത്തി​ലെ മു​ൻ​നി​ര ജാ​വ​ലി​ൻ താ​ര​ങ്ങ​ളും ഇ​ന്ത്യ​ൻ താ​ര​ങ്ങ​ളും മാ​റ്റു​ര​ക്കും.

ഒ​ളി​മ്പി​ക്സി​ൽ ട്രാ​ക്കി​ലും ഫീ​ൽ​ഡി​ലു​മാ​യി രാ​ജ്യ​ത്തി​ന്റെ ആ​ദ്യ സ്വ​ർ​ണ​നേ​ട്ട​ക്കാ​ര​നാ​ണ് നീ​ര​ജ് ചോ​പ്ര. ഈ ​സീ​സ​ണി​ൽ ദോ​ഹ ഡ​യ​മ​ണ്ട് ലീ​ഗി​ൽ 90 മീ​റ്റ​ർ ക​ട​മ്പ ക​ട​ന്ന നീ​ര​ജ് ചോ​പ്ര വെ​ള്ളി നേ​ടി​യി​രു​ന്നു. പി​ന്നാ​ലെ ചെ​ക്ക് റി​പ്പ​ബ്ലി​ക്കി​ലെ ഒ​സ്ട്രാ​വ​യി​ൽ ന​ട​ന്ന ലോ​ക അ​ത്‍ല​റ്റി​ക്സ് കോ​ണ്ടി​നെ​ന്റ​ൽ മീ​റ്റി​ൽ സ്വ​ർ​ണ​വു​മ​ണി​ഞ്ഞാ​ണ് നീ​ര​ജ് ബം​ഗ​ളൂ​രു​വി​ൽ എ​റി​യാ​നെ​ത്തു​ന്ന​ത്. ദോ​ഹ​യി​ൽ 90.23 മീ​റ്റ​ർ ദൂ​ര​ത്തി​ലേ​ക്ക് ജാ​വ​ലി​ൻ പാ​യി​ച്ച് ത​ന്റെ ക​രി​യ​ർ ബെ​സ്റ്റ് ക​ണ്ടെ​ത്തി​യ താ​ര​ത്തി​ന് പ​ക്ഷേ ഒ​സ്ട്രാ​വ​യി​ൽ 85.29 മീ​റ്റ​റേ താ​ണ്ടാ​ൻ ക​ഴി​ഞ്ഞു​ള്ളൂ.

വ​രാ​നി​രി​ക്കു​ന്ന ലോ​ക ചാ​മ്പ്യ​ൻ​ഷി​പ്പി​ന് മു​ന്നോ​ടി​യാ​യി ന​ട​ക്കു​ന്ന ലോ​ക ഗോ​ൾ​ഡ് മെ​ഡ​ൽ മ​ത്സ​ര​മെ​ന്ന നി​ല​യി​ൽ ബം​ഗ​ളൂ​രു​വി​ലെ ‘നീ​ര​ജ് ചോ​പ്ര ക്ലാ​സി​ക്’ നീ​ര​ജി​നും പ്ര​ധാ​ന​മാ​ണ്. ദോ​ഹ​യി​ലെ 90 മീ​റ്റ​ർ നേ​ട്ടം സ്വ​ന്തം രാ​ജ്യ​ത്ത് നീ​ര​ജി​ന് ആ​വ​ർ​ത്തി​ക്കാ​നാ​കു​മോ എ​ന്ന കൗ​തു​ക​ത്തി​ലാ​ണ് കാ​യി​ക പ്രേ​മി​ക​ൾ. നീ​ര​ജി​ന്റെ പ്ര​ധാ​ന എ​തി​രാ​ളി​കൂ​ടി​യാ​യ പാ​കി​സ്താ​ന്റെ അ​ർ​ഷ​ദ് ന​ദീം രാ​ഷ്ട്രീ​യ​പ​ര​മാ​യ കാ​ര​ണ​ങ്ങ​ളാ​ൽ​കൂ​ടി വി​ട്ടു​നി​ൽ​ക്കു​ന്നു എ​ന്ന പ്ര​ത്യേ​ക​ത കൂ​ടി ‘നീ​ര​ജ് ചോ​പ്ര ക്ലാ​സി​ക്’ മ​ത്സ​ര​ത്തി​നു​ണ്ട്.

നീ​ര​ജി​ന് പു​റ​മെ, ഏ​ഷ്യ​ൻ ചാ​മ്പ്യ​ൻ​ഷി​പ്പി​ലെ വെ​ള്ളി മെ​ഡ​ൽ ജേ​താ​വും ഈ ​വ​ർ​ഷ​ത്തെ ദേ​ശീ​യ ഗെ​യിം​സി​ലും ഫെ​ഡ​റേ​ഷ​ൻ ക​പ്പി​ലും സ്വ​ർ​ണ നേ​ട്ട​ക്കാ​ര​നു​മാ​യ 25കാ​ര​ൻ സ​ച്ചി​ൻ യാ​ദ​വ് (ക​രി​യ​ർ ബെ​സ്റ്റ്- 85.16 മീ.) , ​രോ​ഹി​ത് യാ​ദ​വ്, സാ​ഹി​ൽ സി​ൽ​വാ​ൽ, യ​ശ്‍വീ​ർ​സി​ങ് തു​ട​ങ്ങി​യ ഇ​ന്ത്യ​ൻ താ​ര​ങ്ങ​ളും അ​ണി​നി​ര​ക്കും.

പ​ങ്കെ​ടു​ക്കു​ന്ന ലോ​ക താ​ര​ങ്ങ​ൾ

  • തോ​മ​സ് റോ​ള​ർ (ജ​ർ​മ​നി): 2016 ഒ​ളി​മ്പി​ക്സ് ചാ​മ്പ്യ​ൻ, ബെ​സ്റ്റ്- 93.90 മീ​റ്റ​ർ
  • യൂ​ലി​യ​സ് യെ​ഗോ (കെ​നി​യ): 2015ലെ ​ലോ​ക ചാ​മ്പ്യ​ൻ. 2016 ഒ​ളി​മ്പി​ക്സി​ൽ വെ​ള്ളി മെ​ഡ​ൽ, ബെ​സ്റ്റ്- 92.72 മീ​റ്റ​ർ
  • ക​ർ​ടി​സ് തോം​സ​ൺ (യു.​എ​സ്.​എ): 2023ൽ ​പാ​ൻ അ​മേ​രി​ക്ക​ൻ ഗെ​യിം​സ് ചാ​മ്പ്യ​ൻ, ബെ​സ്റ്റ്- 87.76 മീ​റ്റ​ർ
  • മാ​ർ​ട്ടി​ൻ കോ​ണെ​നി (ചെ​ക്ക് റി​പ്പ​ബ്ലി​ക്): ബെ​സ്റ്റ്- 80.58 മീ​റ്റ​ർ
  • ലൂ​യി മൗ​റീ​ഷ്യോ ഡ​സി​ൽ​വ (ബ്ര​സീ​ൽ): ലാ​റ്റി​ന​മേ​രി​ക്ക​ൻ അ​ത്‍ല​റ്റി​ക്സ് ചാ​മ്പ്യ​ൻ​ഷി​പ്പു​ക​ളി​ലെ മെ​ഡ​ൽ വേ​ട്ട​ക്കാ​ര​ൻ, ബെ​സ്റ്റ്- 86.62 മീ​റ്റ​ർ
  • രു​മേ​ഷ് പ​തി​രാ​ഗെ (ശ്രീ​ല​ങ്ക): ഏ​ഷ്യ​ൻ ത്രോ​യി​ങ് ചാ​മ്പ്യ​ൻ​ഷി​പ്പി​ൽ പു​തി​യ ദേ​ശീ​യ റെ​ക്കോ​ഡ്, ബെ​സ്റ്റ്- 85.45 മീ​റ്റ​ർ
  • സൈ​പ്രി​യ​ൻ മി​ർ​സി​ഗ്ലോ (പോ​ള​ണ്ട്): യൂ​റോ​പ്പി​ലെ മു​ൻ അ​ണ്ട​ർ 23 ചാ​മ്പ്യ​ൻ, ബെ​സ്റ്റ്- 85.92 മീ​റ്റ​ർ

ഇ​ര​ട്ട റോ​ളി​ൽ ഞാ​ൻ ത്രി​ല്ലി​ലാ​ണ് -നീ​ര​ജ്

ബം​ഗ​ളൂ​രു: രാ​ജ്യ​ത്തി​ന്റെ അ​ത്‍ല​റ്റി​ക്സ് ച​രി​ത്ര​ത്തി​ൽ ആ​ദ്യ​മാ​യി ജാ​വ​ലി​ൻ ത്രോ ​ഇ​ന​ത്തി​ന് മാ​ത്ര​മാ​യി ലോ​ക മ​ത്സ​ര​ത്തി​ന് വേ​ദി​യൊ​രു​ങ്ങു​മ്പോ​ൾ സം​ഘാ​ട​ക​നാ​യും മ​ത്സ​ര​താ​ര​മാ​യും ഇ​ര​ട്ട റോ​ൾ വ​ഹി​ക്കു​ക​യാ​ണ് നീ​ര​ജ് ചോ​പ്ര. സം​ഘാ​ട​ന​വും മ​ത്സ​ര​വും ഒ​ന്നി​ച്ചു​വ​രു​ന്ന​ത് കു​റ​ച്ചു ക​ട്ടി​യാ​ണെ​ന്നും എ​ന്നാ​ലും ഇ​ത് ത്രി​ല്ല​ടി​പ്പി​ക്കു​ന്നു​വെ​ന്നും നീ​ര​ജ് പ​റ​ഞ്ഞു. ‘നീ​ര​ജ് ചോ​പ്ര ക്ലാ​സി​ക്’ മ​ത്സ​ര​ത്തി​ന് മു​ന്നോ​ടി​യാ​യി ബം​ഗ​ളൂ​രു​വി​ൽ സം​സാ​രി​ക്കു​ക​യാ​യി​രു​ന്നു അ​ദ്ദേ​ഹം. പ​രി​ശീ​ല​ന​ത്തി​ലും ക​ളി​യി​ലു​മാ​ണ് എ​പ്പോ​ഴും എ​ന്റെ ശ്ര​ദ്ധ.

ഒ​രു സം​ഘാ​ട​ക​നെ​ന്ന നി​ല​യി​ൽ ഇ​പ്പോ​ൾ എ​നി​ക്ക് എ​ല്ലാം ശ്ര​ദ്ധി​ക്കേ​ണ്ടി​വ​രു​ന്നു. ഓ​രോ ചെ​റി​യ കാ​ര്യ​ങ്ങ​ളും നോ​ക്ക​ണം. അ​ഭി​മാ​ന​ത്തോ​ടൊ​പ്പം ഉ​ത്ത​ര​വാ​ദി​ത്തം കൂ​ടി​യു​ണ്ട്. അ​തൊ​രു വെ​ല്ലു​വി​ളി​യാ​ണ്. എ​ന്നാ​ലും ഞാ​നി​ത് ആ​സ്വ​ദി​ക്കു​ക​യാ​ണ്. ഇ​ന്ത്യ​യി​ൽ ഡ​യ​മ​ണ്ട് ലീ​ഗ് ന​ട​ക്കു​ന്ന​താ​ണെ​ന്റെ സ്വ​പ്നം. ‘നീ​ര​ജ് ചോ​പ്ര ക്ലാ​സി​ക്’ മ​ത്സ​രം അ​തി​ന് അ​ടി​ത്ത​റ​യാ​കും. ഓ​രോ ത​വ​ണ​യും നി​ല​വാ​രം ഉ​യ​ർ​ത്തി​ക്കൊ​ണ്ടു​വ​രാ​ൻ ശ്ര​മി​ക്കു​മെ​ന്നും അ​ദ്ദേ​ഹം പ​റ​ഞ്ഞു.



Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:javelin throwSports Newsbanagaluru news
News Summary - 'Neeraj chopora classic topper' will be held today
Next Story