സാഫ് ഗെയിംസ്: എലിസബത്ത് സൂസൻ കോശിക്ക് വീണ്ടും വെള്ളി

ഗുവാഹത്തി: സാഫ് ഗെയിംസിൽ മലയാളി ഷൂട്ടിങ് താരം എലിസബത്ത് സൂസൻ കോശിക്ക് വീണ്ടും വെള്ളി. വനിതകളുടെ 50 മീറ്റർ ത്രീ പൊസിഷൻ റൈഫിളിലാണ് എലിസബത്തിന്‍റെ മെഡൽ നേട്ടം.

ഈ വിഭാഗത്തിൽ എലിസബത്തിനെ കൂടാതെ ഇന്ത്യയുടെ അപൂർവി ചന്ദേല സ്വർണവും പൂജ ഖാദ്കർ വെങ്കലവും നേടി. സാഫ് ഗെയിംസിൽ ഇതുവരെ രണ്ട് സ്വർണവും രണ്ട് വെള്ളിയും എലിസബത്ത് നേടിയിട്ടുണ്ട്.