അനിൽ അംബാനിക്ക്​ കുരുക്ക്​ മുറുക്കി ചൈനീസ്​ ബാങ്കുകൾ; സ്വത്തുക്കൾ കണ്ടുകെട്ടിയേക്കും

ന്യൂഡൽഹി: ​റിലയൻസ് ഗ്രൂപ്പ്​ ചെയർമാൻ അനിൽ അംബാനിയുടെ ലോകമെമ്പാടുമുള്ള സ്വത്തുക്കൾ കണ്ടുകെട്ടുന്ന നടപടിക്ക്​ ഒരുങ്ങി മൂന്ന്​ ചൈനീസ്​ ബാങ്കുകൾ. മൂന്ന്​ ചൈനീസ്​ ബാങ്കുകളിൽനിന്നായി വായ്​പ ഇനത്തിൽ 5300 കോടി രൂപയാണ്​ അനിൽ അംബാനി തിരിച്ചടക്കാനുള്ളത്​. വെള്ളിയാഴ്​ച ലണ്ടനിലെ കോടതിയിൽ അനിൽ അംബാനി ഹാജരായതിന്​ ശേഷമാണ്​ ബാങ്കുകളുടെ മുന്നോട്ടുപോക്ക്​.

ഇൻഡസ്​ട്രിയൽ ആൻഡ്​ കൊമേഴ്​സ്യൽ ബാങ്ക്​ ഓഫ്​ ചൈന, എക്​സ്​പോർട്ട്​ -ഇംപോർട്ട്​ ബാങ്ക്​ ഓഫ്​ ചൈന, ചൈന ഡെവലപ്​മെൻറ്​ ബാങ്ക്​ എന്നിവർ സ്വത്തുകണ്ടുകെട്ടൽ നിയമ നടപടിയുടെ ചെലവുകൾ സംബന്ധിച്ച അന്വേഷണം തുടങ്ങിയതായി ടൈംസ്​ ഓഫ്​ ഇന്ത്യ റിപ്പോർട്ട്​ ​ചെയ്​തു. 2012ലാണ്​ മൂന്ന്​ ചൈനീസ്​ ബാങ്കുകൾ അനിൽ അംബാനിക്ക്​ വ്യക്തി ജാമ്യത്തിൽ വായ്​പ അനുവദിച്ചത്​. എന്നാൽ 2017 മുതൽ തുക തിരിച്ചടക്കുന്നതിൽ വീഴ്​ച വരുത്തുകയായിരുന്നു.  

മൂന്ന്​ ചൈനീസ്​ ബാങ്കുകളിൽ നിന്ന്​ വായ്​പ​െയടുത്ത്​​ തിരിച്ചടക്കാത്തതിനെ തുടർന്ന്​ മേയ്​ 22ന്​ ലണ്ടൻ കോടതി അനിൽ അംബാനി 5276 കോടി വായ്​പ തുകയും 7.04കോടി കോടതിചെലവായും നൽകണമെന്ന്​ ഉത്തരവിട്ടിരുന്നു. എന്നാൽ ഇത്​ പാലിക്കാത്തതിനെ തുടർന്ന്​ ആസ്​തി വെളി​െപ്പടുത്തണമെന്ന്​ ആവശ്യ​പ്പെട്ട്​ ബാങ്കുകൾ വീണ്ടും കോടതിയെ സമീപിക്കുകയായിരുന്നു.

കോടതി ചെലവിനായി ആഭരണങ്ങൾ വിറ്റെന്നും ഇപ്പോൾ കഴിയു​ന്നത്​ ഭാര്യയുടെയും കുടുംബത്തി​ൻെറയും ചിലവിൽ ആണെന്നുമായിരുന്നു അനിൽ അംബാനിയുടെ വെളി​െപ്പടുത്തൽ.

താൻ ലളിത ജീവിതം നയിക്കുന്ന ആളാണെന്നും കോടതി ചിലവിനുള്ള പണം പോലു​മില്ലെന്നും ​അനിൽ അംബാനി കോടതിയെ അറിയിച്ചിരുന്നു. ആഭരണങ്ങൾ വിറ്റതിലൂടെ 9.9 കോടി ലഭിച്ചെന്നും ഇത്​ നിയമനടപടികൾക്ക്​ മാത്രമായി ചിലവാകുമെന്നും അനിൽ കോടതിയെ അറിയിച്ചു. താൻ ഒരിക്കലും റോൾസ്​ റോയ്​സ്​ കാർ ഉപയോഗിച്ചില്ല. ഒരു കാർ മാത്രമാണുള്ളത്​. താൻ ആഡംബര കാറുകൾ ഉപയോഗിക്കുന്നുവെന്നത്​ ആരോപണം മാത്രമാണെന്നും അനിൽ അംബാനി വെളി​െപ്പടുത്തിയിരുന്നു.

വായ്​പ തിരിച്ചടക്കാതിരിക്കാൻ അനിൽ അംബാനി പല്ലും നഖവും ഉപയോഗിച്ച്​ നേരിടുകയാണെന്ന്​ ചൈനീസ്​ ബാങ്കുകൾക്ക്​ വേണ്ടി ഹാജരായ ബങ്കിം തങ്കി ക്യുസി പറഞ്ഞിരുന്നു. ഹരീഷ്​ സാൽവെയുടെ നേതൃത്വത്തിലുള്ള അഭിഭാഷക സംഘമാണ്​ അനിൽ അംബാനിയുടെ കേസ്​ വാദിക്കുന്നത്​.