മുംബൈ: നോട്ട് പിൻവലിക്കൽ തുടർന്ന് 5.92 ലക്ഷം കോടി മൂല്യം വരുന്ന 2,260 കോടി നോട്ടുകൾ റിസർവ് ബാങ്ക് പുറത്തിറക്കി. നവംബർ പത്ത് മുതൽ ഡിസംബർ 19 വരെയുള്ള കാലയളവിലാണ് ഇത്രയും നോട്ടുകൾ റിസർവ് ബാങ്ക് പുറത്തിറക്കിയത്. ബുധനാഴ്ചയാണ് റിസർവ് ബാങ്ക് ഇതു സംബന്ധിച്ച കണക്കുകൾ പുറത്ത് വിട്ടത്.
ഇതിൽ 220 കോടി നോട്ടുകൾ പുതിയ 500, 2000 രൂപയുടെ നോട്ടുകളാണ്. ബാക്കിയുള്ളവ ചെറിയ മൂല്യമുള്ള നോട്ടുകളാണെന്നും റിസർവ് ബാങ്ക് പ്രസ്താവനയിൽ പറഞ്ഞു.
നവംബർ 8ന് നോട്ടു പിൻവലിക്കൽ തീരുമാനം പ്രധാനമന്ത്രി പ്രഖ്യാപിച്ചതിനെ തുടർന്ന് രാജ്യത്ത് കറൻസിക്ക് വൻതോതിൽ ക്ഷാമം ഉണ്ടായിരുന്നു. ഇതിനെ തുടർന്ന് 24 മണിക്കൂറും പ്രസുകളിൽ നോട്ട് അച്ചടിച്ചാണ് പ്രതിസന്ധി പരിഹാരം കാണാൻ റിസർവ് ബാങ്ക് ശ്രമിച്ചത്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.